Connect with us

Hi, what are you looking for?

LuduNwayOo

News

အပြစ်မဲ့ပြည်သူများသေဆုံးခဲ့ရသည့် ဒီပဲယင်းအရေး အမြန်ကူညီရန် NUG ပြည်ထောင်စုဝန်ကြီးချုပ် မှာကြား

ပြီးခဲ့သည့် ဇူလိုင် ၂ရက်က အာဏာသိမ်းစစ်ကောင်စီတပ်များ ဝင်ရောက်လာ၍ ဒီပဲယင်းမြို့နယ် ဆပ်ပြာ ကျင်းကျေးရွာဒေသခံများ ထွက်ပြေးတိမ်းရှောင်ခဲ့ရာ စစ်ကောင်စီက လက်နက်ကြီးဖြင့် ပစ်ခတ်၍ ဒေသခံ ပြည်သူ့ကာကွယ်ရေးတပ်ဖွဲ့(PDF)များက ပြန်လည်ခုခံခဲ့သည်။

အပြစ်မဲ့ပြည်သူများ သေဆုံးပြီး ပြည်သူထောင်နှင့်ချီ တိမ်းရှောင်နေရသည့် ဒီပဲယင်းမြို့နယ် အခြေအနေအတွက် ကူညီနိုင်သည့်ကိစ္စရပ်များကို အမြန်ဆုံးကူညီပံ့ပိုးပေးရန် အမျိုးသားညီညွတ်ရေး အစိုးရ(NUG) ပြည်ထောင်စု ဝန်ကြီးချုပ် မန်းဝင်းခိုင်သန်းက ပြောကြားသည်။

အမျိုးသားညီညွတ်ရေးအစိုးရအဖွဲ့ အစည်းအဝေးကို ဇူလိုင် ၆ရက်တွင် ကျင်းပခဲ့ရာ ဝန်ကြီးချုပ်က သက်ဆိုင်ရာဝန်ကြီးဌာနများကို အထက်ပါအတိုင်း မှာကြားခဲ့ခြင်းဖြစ်သည်။

မြန်မာနိုင်ငံတွင် လူကြောင့် ဖြစ်သည့် ဘေးဒုက္ခ၊ ရောဂါကြောင့်ဖြစ်သည့် ဘေးဒုက္ခ ကြုံတွေ့နေရကြောင်း၊ စစ်တပ်အာဏာသိမ်းမှုကြောင့် နိုင်ငံရေး၊ လူမှုရေး၊ကျန်းမာရေး၊စီးပွားရေး အခက်အခဲပေါင်းစုံရင်ဆိုင်ကြုံတွေ့နေရကြောင်း ပြည်ထောင်စုဝန်ကြီးချုပ်က ပြောသည်။

“ကောင်းစွာ စောင့်ရှောက်မှု မပေးနိုင်သောကြောင့် ရောဂါဘေးကြုံရပြီး သေဆုံးကြရသူတွေနဲ့ စစ်အုပ်စုရဲ့အကြမ်းဖက် မှုကြောင့် သေဆုံးသွားရသော ဒီပဲယင်းမှ အပြစ်မဲ့ပြည်သူ ၄၀ ကျော် အတွက် အလွန်စိတ်မကောင်းဖြစ်ရပြီး၊ ထွက်ပြေးတိမ်းရှောင်နေရသော ပြည်သူ ၃၀၀၀ ကျော်အတွက်လည်း စိတ်ပူပန်မိကြောင်း၊ ဒီအခြေအနေတွေအတွက် သက်ဆိုင်ရာဝန်ကြီး ဌာနတွေက ကူညီနိုင်တာတွေကို အမြန်ဆုံး ကူညီပံ့ပိုးပေးကြဖို့ တိုက်တွန်းကြောင်း” ပြည်ထောင်စုဝန်ကြီးချုပ်က ပြောကြားခဲ့သည်ဟု NUG က ထုတ်ပြန်သည်။

NUG အစည်းအဝေးတွင် ကာကွယ်ရေးဝန်ကြီးဌာနက တိုက်ပွဲဝင်မ ဟာဗျူဟာကို တင်ပြ ဆွေးနွေးခဲ့ကြောင်း၊ ကျန်းမာရေးဝန်ကြီးဌာနက အရေးပေါ် Covid 19 ကာကွယ်ထိန်းချုပ် ကုသရေးအမျိုးသားအဆင့် ဗဟိုကော်မတီဖွဲ့စည်းဆောင်ရွက်ရေးကိစ္စကို တင်ပြဆွေးနွေးခဲ့ကြောင်း သတင်းထုတ်ပြန်ခဲ့သည်။

ပြီးခဲ့သည့် ဇူလိုင် ၂ရက်က အာဏာသိမ်းစစ်ကောင်စီတပ်များ ဝင်ရောက်လာ၍ ဒီပဲယင်းမြို့နယ် ဆပ်ပြာ ကျင်းကျေးရွာဒေသခံများ ထွက်ပြေးတိမ်းရှောင်ခဲ့ရာ စစ်ကောင်စီက လက်နက်ကြီးဖြင့် ပစ်ခတ်၍ ဒေသခံ ပြည်သူ့ကာကွယ်ရေးတပ်ဖွဲ့(PDF)များက ပြန်လည်ခုခံခဲ့သည်။

သို့ရာတွင် လက်နက် အင်အားမမျှခြင်း၊ စစ်ကောင်စီက လက်နက်ကြီးဖြင့် အချက်ပေါင်းများစွာ ပစ်ခတ် တိုက်ခိုက်ခြင်း တို့ကြောင့် ဒေသခံ PDF ၂၆ဦးထက် မနည်း သေဆုံးခဲ့ပြီး ၅၀ကျော် ဒဏ်ရာရရှိခဲ့သည်။

PDF များသာမက အရပ်သား ပြည်သူများကိုပါ စစ်ကောင်စီလက်နက်ကိုင်များက ပစ်ခတ်သတ်ဖြတ် ခဲ့ကြောင်း ဒေသခံ အချို့က ပြောသည်။

PDF တပ်ဖွဲ့ဝင်များ သေဆုံးမှုများပြားခြင်းမှာ လက်နက်ကြီး ကျည်ဒဏ်ရာရ၍ ကျန်ခဲ့စဉ် ပုန်းအောင်းနေစဉ် စစ်ကောင်စီတပ်များတွေ့ရှိပြီး ပစ်သတ်ခဲ့ ခြင်းဖြစ်သည်ဟု ဒီပဲယင်းဒေသခံတစ်ဦးက ပြောသည်။

You May Also Like

သတင်း

ဒီဖြစ်စဉ်ကို နေပြည်တော်၊ပုဗ္ဗသီရိမြို့နယ်၊ စစ်ကောင်စီလက်အောက်ခံ ထုံးဖိုမြို့နယ်ရဲစခန်းက သေမှုသေခင်းဖွင့်ပြီး စစ်ဆေးနေတယ်လို့သိရပါတယ်။

သတင်း

ထို့ပြင် နိုင်ငံ့ဝန်ထမ်း CDMသူရဲကောင်းများဖြစ်သည့် နေ့စားဝန်ထမ်းများ (အချိန်ပိုင်းနည်းပြ၊ သရုပ်ပြများ အပါအဝင်)ကို ယနေ့မှစ၍ အမြဲတမ်းဝန်ထမ်းများအဖြစ် အတည်ပြုခန့်ထားကြောင်း ကြေညာသည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

ယနေ့ (ဖေဖော်ဝါရီ ၁ရက်)တွင် ပြည်သူ့နွေဦး တော်လှန်ရေး (၂)နှစ်ပြည့် ထုတ်ပြန်ချက်ထုတ်ပြန်ခဲ့ခြင်းဖြစ်ပြီး တိုက်ပွဲများ၌ ဟားခါး CDF ရဲဘော် ၁၉ဦး ကျဆုံးကာ ၄၁ဦး ဒဏ်ရာရခဲ့ကြောင်း အသိပေးထားသည်။