Connect with us

Hi, what are you looking for?

LuduNwayOo

News

ဘားအံမြို့နယ်တွင် KNUတပ်မဟာ(၁)နှင့် အာဏာသိမ်းစစ်တပ် တိုက်ပွဲထပ်မံဖြစ်ပွား

အဲဒီနားပတ်ဝန်းကျင်အခြေအနေက တပ်ဘက်က တင်းမာမှုရှိတာပေါ့။BGFတပ်တွေက လေးကေဘက်ကို တက်လာမယ်လို့ သတင်းရတယ်။တက်လာရင် ဘယ်လိုဖြစ်မလဲတော့ မပြောတက်ဘူး။ စစ်ရေးအခြေအနေက ဖြစ်လာမှပဲ သိရမှာပေါ့” ဟု KNU တပ်မဟာ(၁) တာဝန်ရှိသူက ပြောသည်။

ကရင်အမျိုးသားအစည်းအရုံး(KNU/KNLA) တပ်မဟာ (၁)နယ်မြေ ဘားအံမြို့နယ် မီးပုံးကျေးရွာအနီးတွင် ယမန်နေ့ကက အာဏာသိမ်းစစ်တပ်နှင့် တိုက်ပွဲဖြစ်ပွားခဲ့ကြောင်း KNUတပ်မဟာ(၁) တာဝန်ရှိသူက People’s Springသို့ ပြောကြားသည်။ “ဖြစ်စဉ်ကတော့ ထိပ်တိုက်ရင်ဆိုင်မှုပဲ။ တိုက်ပွဲက ည ၈နာရီအချိန်ကနေ အချိန် ၁နာရီတော့ ကြာမယ်လို့ ခန့်မှန်းတယ်။ သူတို့ ထိုးဝင်လာလို့ မီးပုံးမှာ ဖြစ်ခဲ့တာ။ တပ်ဘက်တော့ မသိရဘူး ကျွန်တော်တို့ဘက်က ထိခိုက်ဒဏ်ရာရာတာမရှိခဲ့ဘူး” ဟု ၎င်းကဆိုသည်။

တိုက်ပွဲဖြစ်စဉ်နှင့်ပတ်သက်၍ KNU သထုံခရိုင်ကလည်း သတင်းထုတ်ပြန်ထားရာ အကြမ်းဖက်စစ်အုပ်စု လက် အောက်ခံတပ်များနှင့် KNLA တပ်တို့ မီးပုံးကျေးရွာအနီး အပြန်အလှန် ပစ်ခတ်ခဲ့ကြောင်း၊ ယနေ့ ဇူလိုင် ၁၃ရက် နံနက်တွင် မီးပုံးကျေးရွာမှ ဝါးဘိုးတော လမ်းဆုံအထိ အကြမ်းဖက် စစ်အုပ်စုမှ လမ်းကင်းများတောက် လျှောက်ချထားကြောင်း ဖော်ပြခဲ့သည်။

“အဲဒီနားပတ်ဝန်းကျင်အခြေအနေက တပ်ဘက်က တင်းမာမှုရှိတာပေါ့။BGFတပ်တွေက လေးကေဘက်ကို တက်လာမယ်လို့ သတင်းရတယ်။တက်လာရင် ဘယ်လိုဖြစ်မလဲတော့ မပြောတက်ဘူး။ စစ်ရေးအခြေအနေက ဖြစ်လာမှပဲ သိရမှာပေါ့” ဟု KNU တပ်မဟာ(၁) တာဝန်ရှိသူက ပြောသည်။

ဇူလိုင် ၁၀ရက်ကလည်း လေးကေကျေးရွာအနီးတွင် တပ်စွဲထားသော အကြမ်းဖက်စစ်အုပ်စု လက်အောက်ခံ တပ်စခန်းကို KNLA တပ်မဟာ(၁)က တိုက်ခိုက်ခဲ့ရာ ယင်းတပ်စခန်းက လေးကေရွာအတွင်းသို့ လက်နက်ကြီးများဖြင့် ပြန်လည်ပစ်ခတ်ခဲ့သည်။

ထိုသို့ ပစ်ခတ်မှုကြောင့်နေအိမ် အဆောက်အဦးများပျက်စီးပြီး အိမ်မွေးတိရိစ္ဆာန်အချို့သေဆုံးခဲ့သည်။ပြီးခဲ့သည့် ဇွန်လအတွင်းကလည်း ယခုတိုက်ပွဲဖြစ်ပွားရာ မီးပုံးရွာအပါအဝင်ဘားအံမြို့နယ်အတွင်းရှိ ၄နေရာတွင် KNLA တပ်မဟာ(၁)နှင့်စစ်ကောင်စီတပ်တို့တိုက်ပွဲဖြစ်ပွားခဲ့ရာ စစ်ကောင်စီတပ်ဖွဲ့ဝင် ၈ဦးသေဆုံးခဲ့သည်။

စစ်တပ်အာဏာသိမ်းပြီးနောက်ပိုင်းတွင် KNU တပ်မဟာ နယ်မြေများ၌ စစ်ကောင်စီတပ်နှင့် တိုက်ပွဲဖြစ်ပွားမှုများ ပိုများလာခဲ့သည်။

You May Also Like

သတင်း

KNU လက်အောက်ခံတပ်များဖြစ်သည့် ကရင်အမျိုးသားလွတ်မြောက်ရေးတပ်မတော် KNLA ကရင်အမျိုးသား ကာကွယ်ရေးတပ်ဖွဲ့ KNDO နှင့် ပူးပေါင်းတပ်ဖွဲ့များဖက်မှ နှစ်ဦးကျဆုံးပြီး လေးဦး ဒဏ်ရာရခဲ့ကြောင်း အသိပေးထားသည်။

သတင်း

ကုန်းသားကျေးရွာ၌ ကျင်းပသည့် ရှမ်းနှစ်သစ်ကူးပွဲ နှင့် ကောက်သစ်ဆွမ်းကပ်လှူပွဲအတွက် လုံခြုံရေးယူပေးနေသည့် SSPPတပ်ဖွဲ့နှင့် စစ်ကောင်စီတပ်တို့ နိုဝင်ဘာ ၂၅ရက် နံနက်ပိုင်း၌ ၁နာရီခန့်ကြာ တိုက်ပွဲဖြစ်ခဲ့သည်ဟု ဆိုသည်။

သတင်း

ပြည်ထောင်စုလမ်း သီပေါနှင့်လားရှိုးကြားရှိ မုန်းလမ်းရွာအနီးတွင် ယနေ့(နိုဝင်ဘာလ ၂၅ရက်) နံနက် ၁၀ နာရီခန့်မှ စတင်၍ တိုက်ပွဲဖြစ်ပွားခဲ့ခြင်းဖြစ်သည်။

သတင်း

စစ်ကောင်စီတပ်သား နှစ်ဦးသည် KNUတပ်မဟာ (၅)နှင့် တပ်မဟာ(၁) နယ်မြေအစပ်ရှိ စစ်ကောင်စီ ရှေ့တန်းစခန်းမှ လက်နက်မဲ့ဖြင့် ထွက်ပြေးလာခြင်းဖြစ်ည်ဟု ၎င်းက ဆိုသည်။