စစ်ကောင်စီတပ်ဖွဲ့၏ တပ်စွဲရာနေရာများ၊ ပြည်သူလူထုများအပေါ် အတင်းအကြပ် အခွန်အခများကောက်ခံခြင်း ပြုလုပ်နေသောဌာနများကို ပစ်မှတ်ထား၍ တိုက်ခိုက်သွားမည်ဖြစ်ကြောင်း ကရင်နီအမျိုးသားကာကွယ်ရေးတပ်ဖွဲ့(KNDF) လွိုင်ကော်ဇုန်မှ ယနေ့ ထုတ်ပြန်သည်။
ယမန်နေ့ ဇူလိုင် ၁၂ရက် ညပိုင်းကလည်း ခရိုင်ရဲရုံးနှင့် EPC ရုံး ဗုံးဖောက်ခွဲမှု ပြုလုပ်ခဲ့ရာ စစ်ကောင်စီတပ်ဖွဲ့ဝင် ၂ဦးဒဏ်ရာရခဲ့သည်ဟု ထုတ်ပြန်ချက်၌ ဖော်ပြထားသည်။ ဆက်လက် တိုက်ခိုက်သွားမည်ဟုလည်း ဖော်ပြခဲ့သည်။
ယင်းထုတ်ပြန်မှုနှင့်ပတ်သက်၍ သီးခြားအတည် ပြုနိုင်ရေး ကြိုးပမ်းခဲ့သော်လည်း အဆက်အသွယ်မရပေ။ပြည်သူလူထုများအနေဖြင့် ပေါက်ကွဲသည့်နေရာအတိ အကျအား လူမှုကွန်ရက်တွင် ရေးသားဖော်ပြခြင်း မပြုလုပ်ရန် မေတ္တာရပ်ခံကြောင်းလည်း KNDF လွိုင်ကော်ဇုန်က ထုတ်ပြန်သည်။
KNDFကို လက်နက်ကိုင် အကြမ်းဖက်စစ်ကောင်စီ၏ အနိုင်ကျင့်သတ်ဖြတ်မှုကို ကာကွယ်ရန် ဧပြီ နောက်ဆုံးပတ်က ဖွဲ့စည်းခဲ့ခြင်းဖြစ်ပြီး KNDF အနေဖြင့် ပြည်သူလူထုအား ထိခိုက်နစ်နာစေသော အပြုအမူ လုပ်ဆောင်ချက်များ မည်သည့်အခါမှ ပြုလုပ်သွားမည်မဟုတ်ကြောင်း ထုတ်ပြန်သည်။
Public Service Announcement
