Connect with us

Hi, what are you looking for?

LuduNwayOo

News

KIAဝင်ရောက်သည်ကို အသိမပေး၍ဟုဆိုကာ ဖားကန့်ဒေသရှိကျေးရွာများအား စစ်ကောင်စီခြိမ်းခြောက်

ဇူလိုင် ၁၄ရက်က ဖားကန့်- ကာမိုင်းလမ်းတွင် KIAနှင့် တိုက်ပွဲဖြစ်ပွား၍ စစ်ကောင်စီ တပ်အထိနာခဲ့ပြီးနောက် အဆိုပါ လမ်းရှိ နမ့်ယားအခြေစိုက်တပ်က ဇူလိုင် ၁၇ရက်တွင်အနီးဝန်းကျင်မှ ကျေးရွာလူကြီးများကို ခေါ်ယူကာ ခြိမ်းခြောက်ပြောဆိုခဲ့ခြင်းဖြစ်သည်။

ကချင်လက်နက်ကိုင်အဖွဲ့(KIA) ဝင်ရောက်သည်ကို အသိမပေး၍ဟုဆိုကာ ကချင်ပြည်နယ်ဖားကန့်မြို့နယ်ရှိ ကျေးရွာအချို့မှ ရွာလူကြီးများအား စစ်ကောင်စီတပ်က ခေါ်ယူတွေ့ဆုံပြီးခြိမ်းခြောက်ပြောဆိုခဲ့ကြောင်း ဒေသခံတစ်ဦးက ပြောသည်။

ဇူလိုင် ၁၄ရက်က ဖားကန့်- ကာမိုင်းလမ်းတွင် KIAနှင့် တိုက်ပွဲဖြစ်ပွား၍ စစ်ကောင်စီ တပ်အထိနာခဲ့ပြီးနောက် အဆိုပါ လမ်းရှိ နမ့်ယားအခြေစိုက်တပ်က ဇူလိုင် ၁၇ရက်တွင်အနီးဝန်းကျင်မှ ကျေးရွာလူကြီးများကို ခေါ်ယူကာ ခြိမ်းခြောက်ပြောဆိုခဲ့ခြင်းဖြစ်သည်။

“ရွာလူကြီးတွေခေါ်ပြီးမှအစည်းအဝေး သဘောမျိုးနဲ့ပြောလိုက်တာ။သူတို့ ပြောတာက KIA လာတဲ့အချိန်မှာ သူတို့ကို သတင်းမပို့ဘူးပေါ့။ နောက်နောင်ကျရင် သူတို့ဆီမှာ တိုက်ပွဲပြန်ဖြစ်ရင် ရွာကိုမီးရှို့မယ်ဆိုတာရယ် အဲဒါခေါ်ပြောတာပါ။ ခြိမ်းခြောက်တဲ့သဘောဆိုပေမယ့် သူတို့ တကယ်လည်း လုပ်လည်း လုပ်ပါတယ်။အရင်ကလည်းလုပ်နေကြ။ ရွာကို မီးရှို့တာက သူတို့လုပ်နေတာပေါ့။ အခုက လက်နက်ကြီးနဲ့ပစ်မယ်ဆိုတာရော မီးရှို့မယ်ဆိုတာရော ပြောတာ။ ပြောမယ်ဆိုရင် ရတဲ့နည်းနဲ့အကြမ်းဖက်မှာတော့ သေချာတာပေါ့” ဟု ဒေသခံက ပြောသည်။

အဆိုပါ ဒေသသည် စစ်ကောင်စီတပ်နှင့် KIA တပ်များသာမက ပြည်သူ့စစ်တပ်ဖွဲ့လည်းရှိကြောင်း ဒေသခံက ပြောသည်။

Public Service Announcement

Public Service Announcement

“ရွာသားတွေက စိုးရိမ်ကြောင့်ကြမှုရှိတယ်။ အဲဒီပတ်ဝန်းကျင်က နှစ်ဖက်လက်နက်ကိုင်တွေသွားလာနေတဲ့ဒေသ” ဟု ၎င်း ကဆိုသည်။

ဇူလိုင် ၁၄ရက်က ဖားကန့် – ကာမိုင်းလမ်းပိုင်း တံတားညီနောင်အနီး တိုက်ပွဲပြင်းထန်ခဲ့ရာ နမ့်ယားတပ်စခန်းက လက်နက်ကြီးပစ်ကူပေးခဲ့ကြောင်း၊ ယင်းအနက် လက်နက်ကြီးကျည်အချို့မှာ ဆိုင်းဖရာရွာသို့ကျရောက်ခဲ့၍ ဒေသခံ၆ဦး ဒဏ်ရာရရှိခဲ့ကြောင်း ကချင်ဒေသခံတစ်ဦးက ပြောသည်။

အာဏာသိမ်းစစ်ကောင်စီတပ်သည် ကချင်ဒေသတွင်သာမက ကရင်နှင့် အခြားဒေသများရှိ တိုင်းရင်းသားလက်နက်ကိုင်တပ်များ၊ ပြည်သူ့ကာကွယ်ရေးတပ်များ နှင့် တိုက်ပွဲများဖြစ်ပွားပါက အရပ်သားပြည်သူများကိုပါ ပစ်မှတ်ထား တိုက်ခိုက်မှုများ မကြာခဏ ပြုလုပ်လျက်ရှိသည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဆယ်ဇင်းဒေသခံတစ်ဦးကလည်း “လေကြောင်းကတော့ မနေ့က တောက်လျှောက် လာတယ်။ ညကလာတော့ လာတယ် ဝဲတော့ ဝဲတယ်"ဟုပြောသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။