ဇွန်လကုန်ကတည်းက မြန်မာနိုင်ငံရဲ့ COVID-19 အခြေအနေဟာ လူနာဦးရေမြင့်တက်နေခြင်းနဲ့အတူ နေ့စဥ် ရာပေါင်းများစွာသော သေဆုံးမှုများကြောင့် လျင်မြန်စွာယိုယွင်းလာခဲ့ပြီး လက်ရှိ အခြေအနေမျိုးမှာ မြန်မာပြည်သူတွေ လိုအပ်တဲ့ ကုသမှုတွေ ပေးနိုင်ဖို့ Oxygen Concentrator တွေကို မြန်မြန်ဆန်ဆန်ထောက်ပံ့ပေးဖို့ အရေးပေါ်လိုအပ်နေတယ်လို့ ဂျပန်သံရုံးက ထုတ်ပြန်ပါတယ်။
UNOPS နဲ့ပူးပေါင်းဆောင်ရွက်နေတဲ့ အထောက်အပံ့အစီအစဥ်အရ ဂျပန်နိုင်ငံအစိုးရဟာ COVID-19 လူနာတွေကို ကုသပေးနေတဲ့ ရန်ကုန်တိုင်းအတွင်းရှိ ကုသရေးဌာနများသို့ လိုအပ်တဲ့ ကျန်းမာရေးစောင့်ရှောက်မှုများအတွက် Oxygen Concentratorများကို ထောက်ပံ့ပေးခြင်းဖြင့် မြန်မာပြည်သူများကို တိုက်ရိုက်ပံ့ပိုးပေးမှာဖြစ်တယ်လို့ သံရုံးက ဆိုပါတယ်။
ဂျပန်နိုင်ငံအစိုးရဟာ Oxygen Concentratorများအပြင် COVID-19 လူနာများကို ကုသမှုပေးနေတဲ့ မြန်မာနိုင်ငံတစ်ဝန်းရှိ ကျန်းမာရေးစောင့်ရှောက်မှုဌာနများသို့ လူနာတင်ယာဉ် ၁၄စီး ကို မကြာမီလွှဲပြောင်းပေးအပ်မယ်လို့ ထုတ်ပြန်ချက်မှာ ဖော်ပြပါတယ်။