စစ်အာဏာရှင်စနစ်ကို လက်နက်ကိုင်ဆန့်ကျင်တော်လှန်ရန်အတွက် မတူပီ CDF သည် ချင်အမျိုးသားတပ်ဦး (CNF)၏ လမ်းညွှန်မှုကိုခံယူ၍ ချင်းအမျိုးသားတပ်မတော်(CNA) ၏ ကြီးကြပ်ကွပ်ကဲမှုအောက်တွင် ဒေသအသီးသီးရှိ CDF အဖွဲ့များနှင့် အတူတိုက်ပွဲဝင်သွားမည်ဟု မင်းတပ် CDFက ယနေ့ထုတ်ပြန်ကြေညာသည်။
မတူပီ CDF သည် ပြီးခဲ့သည့် ဧပြီ ၂၇ရက်တွင် ဖွဲ့စည်းပြီးကြောင်း ကြောညာခဲ့ပြီး မတူပီ CDF၏ အမည်၊အမှတ်တံဆိပ်နှင့်ဆင်တူယိုးမှားဖြစ်သော အများပြည်သူထင်ယောင်ထင်မှား ဖြစ်စေသည့် ပြောဆိုချက်၊ရေးသားချက်နှင့် ကြောညာချက်များကို ပြင်းထန်စွာကန့်ကွက်ရှုတ်ချပါကြောင်း မင်းတပ် CDFက ဆိုသည်။
ဖေဖော်ဝါရီ ၁၆ရက်တွင် မတူပီမြို့နယ် ပြည်သူ့လုံခြုံရေးအဖွဲ့(MST) အဖြစ်စတင်ဖွဲ့စည်းခဲ့ပြီးနောက် မတ်လ ၃၁ရက်တွင် မတူပီတော်လှန်ရေးတပ် (MRF)အဖြစ် တိုးမြှင့်ဖွဲ့စည်းခဲ့ပြီး ထိုမှတဆင့် တက်ကြွလှုပ်ရှားသူများကို အခြေခံ၍ လူမျိုးပေါင်းစုံဖြင့် မတူပီ CDFကို ဧပြီ ၁၀ရက်တွင် စတင်ဖွဲ့စည်းခဲ့ကြောင်း ထုတ်ပြန်ချက်တွင်ပါရှိသည်။
ထို့အပြင် ပူးပေါင်းပါဝင်လိုသော မတူပီမြို့နယ်အတွင်းရှိ စစ်အာဏာရှင်စနစ်ကို လက်နက်ကိုင် ဆန့်ကျင် တော်လှန်သည့် မည်သည့်အဖွဲ့အစည်းမဆို ကြိုဆိုပါကြောင်း ဖော်ပြထားသည်။
Public Service Announcement
