ကချင်ပြည်နယ်ဘက်သို့ စစ်အင်အားဖြည့်တင်းရန် လာသည့် စစ်ကောင်စီ၏ သင်္ဘောများအား ကချင်လက်နက် ကိုင်အဖွဲ့(KIA)က ယနေ့ မွန်းလွဲပိုင်းတွင် တိုက်ခိုက်ခဲ့သည်။
စစ်ကောင်စီသင်္ဘောများအား ပစ်ခတ်တိုက်ခိုက်သည်ကို ကြားသိရသော်လည်း အောက်ခြေ အခြေအနေများကို စုံစမ်းနေဆဲဖြစ်သည်ဟု KIA သတင်းနှင့် ပြန်ကြားရေးဌာန တာဝန်ခံဗိုလ်မှူးကြီးနော်ဘူက ပြောသည် “သူတို့ အစီအစဉ် တစ်ခုတော့ရှိမှာပါ။အခုလိုအင်အားအလုံးအရင်းနဲ့လာတယ် တင့်ကားတွေလည်း ပါတယ်လို့ ပြောတယ်” ဟု ဗိုလ်မှူးကြီးနော်ဘူက ပြောသည်။
စစ်ကောင်စီသင်္ဘော ၇စီး ယမန်နေ့ (ဇူလိုင် ၂၅ရက်) ညပိုင်းက ကသာမြို့အနီး၌ ညအိပ်ရပ်နားခဲ့ ပြီး ယနေ့မနက်ပိုင်းတွင် ရွှေကူဘက်သို့ တက်သွားကြောင်း ကသာဒေသ ခံတစ်ဦးက ပြောသည်။
“ရေလယ်ကောင်မှာ ကျောက်ဆူးချပြီး အိပ်တာ။ စစ် သားတွေကလည်း မနေ့က သဖန်းကိုင်းမှာ ခြေရှုပ်နေတာ”ဟု ကသာမြို့ခံတစ်ဦးက ပြောသည်။
ကချင်ဒေသအခြေစိုက် သတင်းဌာနအချို့၏ ဖော်ပြချက်တွင် စစ်ကောင်စီသင်္ဘောများသည် ရွှေကူမြို့နှင့် ၃မိုင်ခန့်အကွာတွင် တိုက်ခိုက်ခံရပြီး တစ်စီးထိမှန်သွားကြောင်း ဒေသခံပြောကြားချက်ကို ကိုးကား ဖော်ပြ သည်။
စစ်ကောင်စီတပ်များ ကချင်ပြည်နယ်သို့ ရေကြောင်းမှ စစ်အင်အားဖြည့်တင်းတိုင်း ရွှေကူမြို့အနီးတစ်၀ိုက်တွင် KIAက ပစ်ခတ်တိုက်ခိုက်မှုများ လုပ်ဆောင်ခဲ့သည်။