Connect with us

Hi, what are you looking for?

LuduNwayOo

News

တိုက်ပိတ်လို့ ငြိမ်သွားမယ့်အထဲမှာ အမှန်တရားမပါဘူးဆိုတဲ့ လှိုင်သာယာကလူငယ်တွေရဲ့ သပိတ်

ယနေ့နံနက်က မန္တလေးမြို့တွင်ပြုလုပ်သည့် စစ်အာဏာရှင်ဖြုတ်ချရေး မဟာတပ်ပေါင်းစုသပိတ်စစ်ကြောင်းနှင့် မုံရွာမြို့ပင်မသပိတ်စစ်ကြောင်းကလည်း အဆိုပါစာသားပါဗီနိုင်းကို ကိုင်ဆောင်ဆန္ဒပြခဲ့ကြသည်။

ရန်ကုန်မြို့ လှိုင်သာယာမြို့နယ်တွင် လူငယ်များဦးဆောင်၍ စစ်အာဏာရှင်ဖြုတ်ချရေးသပိတ်အဖြစ်ယနေ့(ဇူလိုင်၃၀ရက်)နံနက်က ချီတက်ဆန္ဒပြခဲ့ကြသည်။

ဆန္ဒပြလူငယ်များက ‘တိုက်ပိတ်လို့ ငြိမ်သွားမယ့်အထဲမှာ အမှန်တရားမပါဘူး’ စာသားပါဗီနိုင်းကိုင်ဆောင်၍ချီတက်ဆန္ဒပြခဲ့သည်။

ယနေ့နံနက်က မန္တလေးမြို့တွင်ပြုလုပ်သည့် စစ်အာဏာရှင်ဖြုတ်ချရေး မဟာတပ်ပေါင်းစုသပိတ်စစ်ကြောင်းနှင့် မုံရွာမြို့ပင်မသပိတ်စစ်ကြောင်းကလည်း အဆိုပါစာသားပါဗီနိုင်းကို ကိုင်ဆောင်ဆန္ဒပြခဲ့ကြသည်။

စစ်ခေါင်းဆောင်များက ၎င်းတို့၏ ကိုယ်ကျိုးစီးပွားအတွက်ဖေဖော်ဝါရီ ၁ ရက်တွင် နိုင်ငံတော်အာဏာကို မတရားသဖြင့်အတင်းအဓမ္မသိမ်းယူထားသည်မှာ ၁၈၀ ရက်ရှိပြီဖြစ်သည်။

စစ်ကောင်စီတပ်ဖွဲ့ဝင်များက တိုက်ပွဲသုံးလက်နက်များကိုအသုံးပြု၍ ဆန္ဒပြပြည်သူများကို ပစ်ခတ်သတ်ဖြတ်နေသော်လည်းပြည်သူများက စစ်အာ ဏာရှင်စနစ်အလိုမရှိကြောင်းငြိမ်းချမ်းသောနည်းလမ်းမျိုးစုံဖြင့် လမ်းပေါ်ထွက်၍ နိုင်ငံတစ်ဝန်း ဆန္ဒထုတ် ဖော်နေကြသည်မှာလည်း ၁၇၇ ရက်ရှိပြီဖြစ်သည်။

စစ်တပ်က အာဏာသိမ်းပြီးနောက် စစ်အာဏာရှင်တော်လှန်ရေး (နွေဦးတော်လှန်ရေး)ကာလအတွင်း စစ်တပ်၏ ပစ်ခတ်သတ်ဖြတ်မှုကြောင့် ကျဆုံးခဲ့သည့် ပြည်သူအရေအတွက်မှာ ဇူလိုင်၂၈ရက်အထိ ၉၃၆ဦးရှိပြီဖြစ်ကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)က ယမန်နေ့တွင် ထုတ်ပြန်ထားသည်။

ကောက်ခံရရှိသည့် မှတ်တမ်းများအရ ဇူလိုင်၂၉ရက်တွင် ဆုံးသွားခဲ့သူများကို အတည်ပြုနိုင်ခြင်းမရှိသေးသည့် အတွက် အမှန်တကယ်ကျဆုံးသွားသူများမှာ အဆိုပါအရေအတွက်ထက် ပိုများနေနိုင်ကြောင်း အေအေပီပီက ဆိုသည်။

အေအေပီပီ၏ မှတ်တမ်းပြုချက်များအရ ဖေဖော်ဝါရီ၁ ရက်မှ ဇူလိုင်၂၉ ရက်အထိ ဖမ်းဆီးချုပ်နှောင်ခြင်း ခံထားရသူ စုစုပေါင်း ၅၄၂၅ ဦးရှိပြီး ၎င်းတို့အနက်မှ ၂၅၅ ဦးမှာ ထောင်ဒဏ်ချမှတ်ခြင်းခံထားရကြောင်း ထုတ်ပြန်ချက်တွင် ပါရှိသည်။

You May Also Like

သတင်း

အနက်ရောင်သေမင်း အဖွဲ့အနေဖြင့် ရန်ကုန် နှင့် မန္တလေးမြို့တို့၌ ဒလန်ရှင်းလင်းရေးကို လုပ်ဆောင်ရန်ရှိပြီး မန္တလေးမြို့သို့လည်း ဗိုလ်ရှိုင်းကို စေလွှတ်ထားကြောင်း ၎င်းက ဆိုသည်။

သတင်း

" ပေါက်ချင်သလောက်ပေါက်တော့။ အလုပ်တွေလည်း လုပ်စားလို့မကောင်းမယ့်အတူတူ ​​​ေ-ွးတွေ သေမှ ပွဲပြီးမှာမို့ ချသာချ အားပေးတယ်"ဟု တက္ကစီယာဥ်မောင်းတစ်ဦးကပြောသည်။

သတင်း

အုပ်ချုပ်ရေးမှုးများကို ပစ်ခတ်သည့် ဖြစ်စဉ်နှင့်ပတ်သက်၍ ပြည်သူ့ ကာကွယ်ရေးတပ်ဖွဲ့များ ကလည်း သတင်းထုတ်ပြန်ခြင်းမရှိသေးသောကြောင့် မည်သည့်အဖွဲ့က လုပ်ဆောင်သည်ကို အတည်မပြုနိုင်သေးပေ။

သတင်း

ထောင်အာဏာပိုင်များ၏ နှိပ်စက်ခံနေရသော ဘားအံတက္ကသိုလ်မှ ကျောင်းသားကိုးဦးအား ထောင်ဒဏ် ၁၃ နဇစ်အထိ ပြစ်ဒဏ်ချမှတ်ထားပြီး ဘားအံအကျဥ်းထောင်မှတဆင့် ပဲခူးတိုင်း သာယာဝတီအကျဥ်းထောင်သို့ ရည် ရွယ်ချက်ရှိရှိ ပြောင်းရွှေ့ခံရခြင်းဖြစ်ကြောင်း ဖော်ပြ သည်။