Connect with us

Hi, what are you looking for?

LuduNwayOo

News

မြတောင်အပါအဝင် သပိတ်စစ်ကြောင်းများမှ လူငယ်များစုစည်းနေသည့် နေအိမ်ကို အကြမ်းဖက်စစ်ကောင်စီတပ်က စီးနင်းပစ်ခတ်ဖမ်းဆီးရာ ၁၁ဦးဖမ်းဆီးခံရ

ဖေဖော်ဝါရီလ ၁ ရက်မှ ယနေ့ ဇူလိုင်၃၁ ရက်အထိ ဖမ်းဆီးချုပ်နှောင်ခြင်းခံထားရသူ စုစုပေါင်း ၅၄၄၄ ဦးရှိပြီး ၎င်းတို့အနက်မှ ၂၅၅ ဦး မှာ ထောင်ဒဏ်ချမှတ်ခြင်းခံထားရသည်ဟု ထုတ်ပြန်သည်။ ထိုပြစ်ဒဏ်ကျခံရ သူများအနက်မှ အသက် ၁၈ နှစ်အောက် ကလေးနှစ်ဦးအပါအဝင် ၂၆ ဦးမှာ သေဒဏ်ချမှတ်ခံထားရကြောင်း ထပ်မံဖော်ပြထားသည်။

နွေဦးတော်လှန်ရေးကာလအတွင်းကျဆုံးခဲ့သည့် ပြည်သူ ၉၄၀ဦးရှိဟု အေအေပီပီထုတ်ပြန်

မန္တလေးမြို့တွင် မြတောင်၊ဘုရားကြီးနှင့် မန္တလေးလူငယ်သပိတ်စစ်ကြောင်းများမှ လူငယ်များ စုစည်း နေထိုင်နေထိုင်ရာ နေအိမ်ကို အကြမ်းဖက်စစ်ကောင်စီတပ်က စီးနင်းပစ်ခတ်ဖမ်းဆီးရာ လူငယ်၁၁ဦး ဖမ်းဆီးခံခဲ့ရကြောင်း နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP)က ထုတ်ပြန်သည်။

ယနေ့(ဇူလိုင်၃၁ရက်)နံနက်အစောပိုင်းတွင် မန္တလေးတိုင်းဒေသကြီး ပုသိမ်ကြီး မြို့နယ်ရှိ သပိတ်စစ်ကြောင်း အဖွဲ့ဝင်များ စုစည်းနေထိုင်ရာနေအိမ်ကို အကြမ်းဖက်စစ်အုပ်စုမှ စီးနင်း၍ ပစ်ခတ်ဖမ်းဆီးခဲ့ကြောင်း ထုတ်ပြန်သည်။ အဆိုပါပစ်ခတ်ဖမ်းဆီးမှုတွင် ကျည်ထိဒဏ်ရာရရှိသည့် လူငယ်တစ်ဦးအပါအဝင်၁၁ ဦး ဖမ်းဆီးခြင်းခံခဲ့ရကြောင်း ကနဦးသိရပြီး အဆိုပါလူငယ်များမှာ မြတောင်၊ ဘုရားကြီး နှင့်မန္တလေးလူငယ်သပိတ် စစ်ကြောင်းများမှ လူငယ်များဖြစ်ကြောင်း အေအေပီပီက ဆိုသည်။

ထို့အပြင် ယနေ့နံနက်ပိုင်းတွင် မန္တလေးတိုင်းဒေသကြီး၊ မဟာအောင်မြေမြို့နယ်အတွင်း ဆန္ဒထုတ် ဖော်နေသည့် မန္တလာတက္ကသိုလ်သပိတ်စစ်ကြောင်း လူစုခွဲ၍ အိမ်ပြန်ချိန်တွင် လူငယ်သုံးဦး စီးနင်းလာသည့် ဆိုင်ကယ်တစ်စီးကို အရပ်ဝတ်ဖြင့် အကြမ်းဖက်စစ်အုပ်စု၏ တပ်ဖွဲ့ဝင်တချို့မှ အိမ်စီးကားဖြင့် တိုက်၍ ဖမ်းဆီးခဲ့ရာ အသက် ၁၇ နှစ် အရွယ်မောင်ဇင်မျိုးခန့် ဖမ်းဆီးခြင်းခံခဲ့ရကြောင်း အေအေပီပီက ထုတ်ပြန်သည်။

ထို့အပြင် ယနေ့နံနက်အစောပိုင်းတွင် ကချင်ပြည်နယ် မိုးကောင်းမြို့နယ် နမ္မတီးမြို့အနောက်ဘက်ရှိ ဆီးဒင်ယန် ကျေးရွာတွင် အကြမ်းဖက်စစ်အုပ်စုနှင့် ကချင်လွတ်မြောက်ရေးတပ်မတော် (KIA)တို့ကြား တိုက်ပွဲဖြစ်ပွားခဲ့ ပြီးနောက် မိုးကောင်းမြို့အနီးတွင် တပ်စွဲထားသောအမြောက်တပ်ဘက်မှ လက်နက်ကြီးများဖြင့် ပစ်ခတ်ခဲ့သောကြောင့် ဆီးဒင်ယန် ကျေးရွာဒေသခံ ဦးမိုးကျော်၏ ဦးခေါင်းကို ထိမှန်ကာကျဆုံးသွားခဲ့ကြောင်း ထုတ်ပြန်သည်။

Public Service Announcement

Public Service Announcement

တက္ကသိုလ်ကျောင်းသားများသမဂ္ဂ (ရန်ကုန်)နှင့် မြို့နယ်သပိတ်အင်အားစုများ စုပေါင်း၍ ယမန်နေ့ (ဇူလိုင် ၃၀) ညနေပိုင်းက ရန်ကုန်တိုင်းဒေသကြီး တာမွေမြို့နယ်တွင် ချီတက်ဆန္ဒထုတ်ဖော်နေစဉ် အိမ်စီးကားဖြင့် ရောက်ရှိနေသော အရပ်ဝတ်များ ဝတ်ဆင်ထားသည့် အကြမ်းဖက်စစ်အုပ်စုမှ သေနတ်ဖြင့် ပစ်ဖောက်၍ အကြမ်းဖက် ဖြိုခွင်းရာ သပိတ်စစ်ကြောင်း၌ ပါဝင်သည့် လူငယ်သုံးဦးထက်မနည်း ရိုက်နှက် ဖမ်းဆီးခြင်း ခံခဲ့ရသည်ဟု ထုတ်ပြန်သည်။

စစ်အာဏာရှင်တော်လှန်ရေး(နွေဦးတော်လှန်ရေး) ကာလအတွင်းကျဆုံးခဲ့ရသည့် ပြည်သူများမှာ ယနေ့ (ဇူလိုင်၃၁ရက်)အထိ ၉၄၀ဦး ရှိပြီဖြစ်ကြောင်း အေအေပီပီ၏ ထုတ်ပြန်ချက်တွင် ပါရှိသည်။

အဆိုပါအရေအတွက်သည် အေအေပီပီမှ ကောက်ယူရရှိထားသည့် အရေအတွက်ဖြစ်ပြီး ထိုအရေအတွက်ထက် ပိုများနေနိုင်ကြောင်း အေအေပီပီက ဆိုသည်။

ဖေဖော်ဝါရီလ ၁ ရက်မှ ယနေ့ ဇူလိုင်၃၁ ရက်အထိ ဖမ်းဆီးချုပ်နှောင်ခြင်းခံထားရသူ စုစုပေါင်း ၅၄၄၄ ဦးရှိပြီး ၎င်းတို့အနက်မှ ၂၅၅ ဦး မှာ ထောင်ဒဏ်ချမှတ်ခြင်းခံထားရသည်ဟု ထုတ်ပြန်သည်။ ထိုပြစ်ဒဏ်ကျခံရ သူများအနက်မှ အသက် ၁၈ နှစ်အောက် ကလေးနှစ်ဦးအပါအဝင် ၂၆ ဦးမှာ သေဒဏ်ချမှတ်ခံထားရကြောင်း ထပ်မံဖော်ပြထားသည်။

ထို့အပြင် ဖမ်းဝရမ်းထုတ်ခြင်းခံထားရသောကြောင့် တိမ်းရှောင်နေသူ ၁၉၆၄ ဦး၏ အမည်စာရင်းကိုလည်း သီးခြား ဖော်ပြထားပြီး ၎င်းတို့အနက်မှ မျက်ကွယ်သေဒဏ်ချမှတ်ခြင်းခံထားရသူ ၃၉ ဦး အပါအဝင်၁၁၈ ဦးမှာ မျက်ကွယ် ပြစ်ဒဏ်ချမှတ်ခြင်းခံထားရ၍ သေဒဏ်ချမှတ်ခံထားရသူ စုစုပေါင်း၆၅ ဦးရှိပြီဟု အေအေပီပီက အသိပေးသည်။

ဆက်စပ်သတင်းများ

သတင်း

ပြည်တွင်း၌ ဆန်ဈေးကြီးပြီး ဆန်​​​​ရောင်းဝယ်သူများကို ဖမ်းဆီးခြိမ်း​ခြောက်​နေ​သော်လည်း စစ်ကောင်စီက ပြည်ပသို့ ဆန်တင်ပို့မှုကိုမူ တိုးပို့နေကြောင်း ဆန်စပါးလုပ်ငန်းရှင်များထံမှသိရသည်။ 

ဗီဒီယို

မန္တလေးတိုင်း ၊မတ္တရာမြို့ နယ်ထဲက စစ်ကောင်စီတပ်စခန်းတွေကို ထိုးစစ်ဆင်ရာမှာ သုံးပတ်တာအတွင်း စခန်း ၃၀ နီးပါး ကို သိမ်းယူပြီးပြီလို့ မန္တလေး PDF က အသိပေးပါတယ်။

သတင်း

ချင်းပြည်နယ် မင်းတပ်မြို့နယ်တွင် စစ်ကောင်စီက လေကြောင်းမှ ဗုံးကြဲတိုက်ခိုက်ခဲ့၍ အရပ်သားပြည်သူ သေဆုံးထိခိုက်မှုထပ်မံ ဖြစ်ပေါ်ခဲ့ကြောင်း မင်းတပ်ဒေသသတင်းရင်းမြစ်က အသိပေးထားသည်။

သတင်း

စဉ့်ကူးမြို့တိုက်ပွဲတွင် ဧရာဝတီမြစ်အတွင်း ဆီပုံးများဖြင့် ထွက်ပြေးသွားသော ဗိုလ်အဆင့်အရာရှိနှစ်ဦးအပါအဝင် စစ်ကောင်စီတပ်ဖွဲ့ဝင် ခုနစ်ဦးကို ယမန်နေ့(ဇူလိုင် ၁၈ရက်)ညနေက ဖမ်းမိထားသည်။