Connect with us

Hi, what are you looking for?

LuduNwayOo

News

အပြစ်မဲ့ပြည်သူ ငါဦးထပ်မံကျဆုံးခဲ့ကြောင်း အေအေပီပီထုတ်ပြန်၊ နွေဦးတော်လှန်ရေးကာလအတွင်း ကျဆုံးခဲ့ရသူ စုစုပေါင်း ၉၄၅ ဦးအထိရှိလာ

ယနေ့တွင်ကျဆုံးသွားခဲ့ ရသူများကို အတည်ပြုနိုင်ခြင်းမရှိသေးသည့်အတွက် စစ်အာဏာရှင်တော်လှန်ရေး (နွေဦးတော်လှန်ရေး) ကာလအတွင်း ကျဆုံးခဲ့ရသူ စုစုပေါင်းမှာ ယမန်နေ့အထိ ၉၄၅ ဦး ရှိခဲ့ပြီဖြစ်ကြောင်း ထုတ်ပြန်ချက်တွင်ပါရှိသည်။

မန္တလေးမြို့၊ကလေးမြို့နယ်နှင့် ကနီမြို့နယ်တို့မှ အပြစ်မဲ့ပြည်သူ ငါးဦးထပ်မံကျဆုံးခဲ့ကြောင်း နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP)က ယနေ့ညတွင် ထုတ်ပြန်သည်။

အဆိုပါမြို့နယ်များမှ ယခင်နေ့ရက်များအတွင်း ကျဆုံးသွားခဲ့သူများ၏ အချက်အလက်များကို ယနေ့ကောက်ယူ ခဲ့ခြင်းဖြစ်သည်ဟု အေအေပီပီက ဆိုသည်။

ယနေ့တွင်ကျဆုံးသွားခဲ့ ရသူများကို အတည်ပြုနိုင်ခြင်းမရှိသေးသည့်အတွက် စစ်အာဏာရှင်တော်လှန်ရေး (နွေဦးတော်လှန်ရေး) ကာလအတွင်း ကျဆုံးခဲ့ရသူ စုစုပေါင်းမှာ ယမန်နေ့အထိ ၉၄၅ ဦး ရှိခဲ့ပြီဖြစ်ကြောင်း ထုတ်ပြန်ချက်တွင်ပါရှိသည်။

အဆိုပါအရေအတွက်သည် အေအေပီပီမှ ကောက်ယူရရှိထားသည့် အရေအတွက်ဖြစ်ပြီး အဆိုပါအရေအတွက် ထက် ပိုများနေနိုင်သည်ဟု အသိပေးထားသည်။

ထို့အပြင် ဖေဖော်ဝါရီလ ၁ ရက်မှ ယနေ့ (သြဂုတ်၂ ရက်)အထိ ဖမ်းဆီးချုပ်နှောင်ခြင်းခံထားရသူ စုစုပေါင်း ၅၄၇၄ ဦးရှိပြီး ၎င်းတို့အနက်မှ ၂၅၅ ဦး မှာ ထောင်ဒဏ်ချမှတ်ခြင်းခံထားရသည်ဟု ထုတ်ပြန်သည်။ ထိုပြစ်ဒဏ်ကျခံရသူ များအနက်မှ အသက် ၁၈ နှစ်အောက် ကလေးနှစ်ဦး အပါအဝင်၂၆ ဦးမှာ သေဒဏ်ချမှတ်ခံထားရသည်ဟု ဖော်ပြထားသည်။

ထို့အပြင် ဖမ်းဝရမ်းထုတ်ခြင်းခံထားရသောကြောင့် တိမ်းရှောင်နေသူ ၁၉၆၄ ဦးရှိပြီး ၎င်းတို့အနက်မှ မျက်ကွယ် သေဒဏ်ချမှတ်ခြင်းခံထားရသူ ၃၉ ဦး အပါအဝင် ၁၁၈ဦးမှာ မျက်ကွယ် ပြစ်ဒဏ်ချမှတ်ခြင်းခံထားရ၍ သေဒဏ်ချ မှတ်ခံထားရသူ စုစုပေါင်း ၆၅ဦးရှိပြီဟု ထုတ်ပြန်သည်။

ဇူလိုင်၃၁ ရက် နံနက်ပိုင်းတွင် မန္တလေးတိုင်းဒေသကြီး ပုသိမ်ကြီးမြို့နယ်ရှိ သပိတ်စစ်ကြောင်းအဖွဲ့ဝင်များ စုစည်းနေထိုင်ရာ နေအိမ်ကို အကြမ်းဖက်စစ်အုပ်စုမှ စီးနင်းပြီး ပစ်ခတ်ဖမ်းဆီးခဲ့၍ ဆီးခုံထိမှန်ဒဏ်ရာဖြင့် ဖမ်းဆီးခြင်းခံခဲ့ရသော ကိုစိုင်းရဲရင့် (ခ) ကိုမျိုးချစ်သူသည် ယင်းနေ့ နံနက်ပိုင်းတွင် ကျဆုံးသွားခဲ့ကြောင်း သိရှိရသည်ဟု ပါရှိသည်။ ကိုစိုင်းရဲရင့်၏ ရုပ်အလောင်းကို မိသားစုထံ ပြန်လည်ပေးအပ်ခြင်းမရှိကြောင်း လည်း ဖော်ပြထားသည်။ ထို့ပြင် ၎င်းနှင့်အတူ ခြေထောက်တွင် ကျည်ထိမှန်ဒဏ်ရာရရှိပြီး ဖမ်းဆီးခြင်းခံခဲ့ရသော ကိုခိုင်ထွန်း၏ အခြေအနေကိုလည်း သိရှိရခြင်း မရှိသေးကြောင်း ထုတ်ပြန်ထားသည်။

စစ်ကိုင်းတိုင်းဒေသကြီး ကလေးမြို့နယ် သာယာကုန်းကျေးရွာမှ ကိုလန်ခန့်ထန် နှင့် ကိုလာလ်ကိမ်တို့သည် တရုတ်နိုင်ငံတွင် သွားရောက်အလုပ်လုပ်ကိုင်ပြီး နေရပ်သို့ ပြန်လာစဉ် ဇူလိုင် ၃၀ ရက်က ကလေးမြို့အဝင် အရောက်တွင် ၎င်းတို့စီးနင်းလာသည့် အိမ်စီးကားပေါ်၌ လက်နက်များတွေ့ရှိသည်ဟုဆိုကာ သံသယဖြင့် ဖမ်းဆီးခြင်းခံခဲ့ရသည်ဟု ထုတ်ပြန်သည်။

လန်ခန့်ထန်သည် ကိုဗစ်-၁၉ ရောဂါကြောင့် ကျဆုံးသွား ခဲ့ပြီဖြစ်ကြောင်း ဇူလိုင်လ ၃၁ ရက်နေ့တွင် မိသားစုထံ အကြောင်းကြားလာကြောင်း သိရှိရသည်ဟု ဖေည်ပြထားသည်။
သို့သော်လည်း ကိုလန်ခန့်ထန်၏ ခြေ၊လက်များ ကျိုးနေပြီး ခေါင်း၊နောက်ကျော၊ ခြေထောက် နှင့် လည်ပင်း တို့တွင် ဒဏ်ရာများစွာ ရရှိထားကြောင်း သိရှိရသည်ဟု ထပ်မံဖော်ပြထားသည်။ ၎င်းနှင့်အတူ ဖမ်းဆီးခြင်း ခံခဲ့ရသည့် ကိုလာလ်ကိမ်ကိုလည်း ဆက်လက်ထိန်းသိမ်းထားကြောင်း သိရှိရသည်ဟု ပါရှိသည်။

ထို့အပြင် စစ်ကိုင်းတိုင်းဒေသကြီး၊ ကနီမြို့နယ်၌ ဇူလိုင် ၂၆ ရက်နှင့် ဇူလိုင် ၂၇ ရက် တို့တွင် အကြမ်းဖက် စစ်အုပ်စု၏ တပ်များက ဖမ်းဆီးခေါ်ဆောင်သွားခဲ့သော အမျိုးသား၁၂ဦးသည် ညှဉ်းပန်းနှိပ်စက်ခြင်းခံရသည့် ဒဏ်ရာများဖြင့် သတ်ဖြတ်ခြင်းခံခဲ့ရသည်ဟု ဆက်လက်ဖော်ပြထားသည်။ အဆိုပါ အမျိုးသား ၁၂ ဦးမှာ ကနီမြို့မှ ညီအစ်ကို သုံးဦးဖြစ်ကြသည့် ကိုအောင်မြင့်သူ၊ ကိုချင်းတွင်းမောင် နှင့် ကိုဖြိုးကျော်အောင်၊ သရက်တောကျေးရွာမှ အသက် ၁၄ နှစ်အရွယ် ကလေး တစ်ဦးအပါအဝင် အမျိုးသား ခုနှစ်ဦး၊ ခိုတွင်းကျေးရွာမှ အမျိုးသားနှစ်ဦးတို့ ဖြစ်ကြပြီး ဇူလိုင် ၃၁ ရက်တွင် ၎င်းတို့၏ ရုပ်အလောင်းများကို ကနီမြို့နယ်၊ တောင်ပေါက်အရှေ့ရွာ အနီးရှိ တောတွင်း၌ တွေ့ရှိခဲ့ရသည်ဟု အေအေပီပီက ဆိုသည်။

You May Also Like

သတင်း

မြန်မာပြည်တွင်းတွင် ပြည်သူများက အပြင်မထွက်၊ တိတ်ဆိတ်ငြိမ်သက်ခြင်းသပိတ် (Silent Strike) ဖြင့် စစ်အာဏာရှင်စနစ်ကို လက်မခံကြောင်း ဆန့်ကျင်ဆန္ဒပြကြ သကဲ့သို့ ယူကေရောက် တိုင်းရင်းသားညီအစ်ကို မောင်နှမများကလည်း လန်ဒန်မြို့လယ်ရှိ Trafalgar Square တွင် ဆန္ဒပြပွဲ ကျင်းပခဲ့ကြခြင်း ဖြစ်သည်။

သတင်း

ရဲဘော် သုံးဦးကျဆုံးခဲ့၍ အထူးဝမ်းနည်းပြီး စစ်ကောင်စီတပ်အား လက်တုံ့ပြန်သွားမည်ဟု BLACK WOLF - ARMY က အသိပေးသည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။