ကနီသို့ပို့​သော ​ဆေးဝါးနှင့်စားနပ်ရိက္ခာများကို စစ်​ကောင်စီကဖမ်းဆီး

စစ်ကိုင်းတိုင်း ကနီမြို့နယ် ဆယ်ရွာချောင်ဒေသကိုပို့မည့် အရေးပေါ်သုံးဆေးဝါးပစ္စည်းများနှင့် စားသောက် ကုန်များ တင်ဆောင်လာသော ကုန်ကားတစ်စီးသည် ကနီမြို့နယ် မုံရွာ-ယာကြီး-ကလေးဝ ကားလမ်း ကွမ်းပင်ရေစစ်ဆေးရေးဂိတ် အနီး သြဂုတ်၈ရက် ညနေပိုင်းတွင်အာဏာသိမ်းစစ်​ကောင်စီက ဖမ်းဆီးခဲ့ကြောင်း ကနီ​ဒေသခံများက ပြောသည်။

တိုက်ပွဲများကြောင့် ကနီဒေသတွင် လမ်းပန်းဆက်သွယ် ရေးခက်ခဲပြီး သွားလာရခက်ခဲလျက်ရှိရာ ဆယ်ရွာချောင်ဒေသသည် ကနီမြို့နယ်အတွင်း လမ်းပန်းဆက်သွယ် ရေး အခက်ခဲဆုံးဒေသဖြစ်သည်။ လတ်တလောတွင် ဆေးဝါးပစ္စည်းနှင့် စားနပ်ရိက္ခာပစ္စည်းများ အရေးပေါ်လိုအပ်နေသည့်အတွက် မုံရွာမြို့မှ ဝယ်ယူတင်ပို့ရာ ဖမ်းဆီးခံလိုက်ရခြင်းဖြစ်ကြောင်း နယ်ခံများက ပြော သည်။

ဆယ်ရွာချောင်ဒေသသည် လာပို့အုပ်စု ၊ ယင်းသွင်အုပ်စု ၊ဒိုင်ကြီးအုပ်စု ၊ကူးဆိပ်အုပ်စု စသည့် ကျေးရွာအုပ်စုကြီးလေးခု တည်ရှိသည့် ဒေသတစ်ခုဖြစ်သည်။ အဆိုပါ ကျေးရွာအုပ်စုများတွင် တုပ်ကွေးရောဂါနှင့် အပူလွန်ရောဂါများ အဖြစ်များနေပြီးစားသောက်ကုန်နှင့်ဖုန်းဘေလ်ဝယ်ယူရန် ခက်ခဲနေကြောင်း ဒေသခံတစ်ဦးက ပြော သည်။