Connect with us

Hi, what are you looking for?

LuduNwayOo

News

သံအမတ်ကြီးဦးကျော်မိုးထွန်း လုပ်ကြံခြိမ်းခြောက်မှု အမေရိကန်ပြည်တွင်းရေးလို့ အကြမ်းဖက်စစ်ကောင်စီဆို

“ဒီအဖြစ်အပျက်ဟာ အမေရိကန်ရဲ့ ပြည်တွင်းအရေးပါ။ အမေရိကန်ဥပဒေအရ သူ့နိုင်ငံအတွင်း တရားစီရင်ရမှာပါ။ ဒါက မြန်မာနိုင်ငံနဲ့မသက်ဆိုင်ပါဘူး” လို့ အကြမ်းဖက်စစ်ကောင်စီလက် အောက်ခံ MRTV က ထုတ်ပြန်ပါတယ်။

ကုလသမဂ္ဂဆိုင်ရာ မြန်မာသံအမတ်ကြီးဦးကျော်မိုးထွန်းကို လုပ်ကြံခြိမ်းခြောက်တဲ့ကိစ္စဟာ မြန်မာနိုင်ငံနဲ့မသက်ဆိုင်ဘဲ အမေရိကန်ရဲ့ ပြည်တွင်းရေးဖြစ်တယ်လို့ အကြမ်းဖက်စစ်ကောင်စီ ရဲ့ နိုင်ငံခြားရေးဝန်ကြီးဌာနက မနေ့ကပြောပါတယ်။

သံအမတ်ကြီး ဦးကျော်မိုးထွန်းကို လုပ်ကြံဖို့ခြိမ်းခြောက်မှုနဲ့ဆက်စပ်တဲ့ မြန်မာနိုင်ငံသားနှစ်ဦး ဖမ်းဆီးခံရပြီးနောက်ပိုင်း အကြမ်းဖက်စစ်ကောင်စီရဲ့ ပထမဆုံးအကြိမ်ထုတ်ပြန်ချက်ဖြစ်ပြီး ကုလဆိုင်ရာ အမေရိကန်သံအမတ်ကြီး Linda Thomas-Greenfield ရဲ့ ကန့်ကွက်ရှုတ်ချမှု ကိုလည်း ပယ်ချတယ်လို့ ဆိုပါတယ်။“ဒီအဖြစ်အပျက်ဟာ အမေရိကန်ရဲ့ ပြည်တွင်းအရေးပါ။ အမေရိကန်ဥပဒေအရ သူ့နိုင်ငံအတွင်း တရားစီရင်ရမှာပါ။ ဒါက မြန်မာနိုင်ငံနဲ့မသက်ဆိုင်ပါဘူး” လို့ အကြမ်းဖက်စစ်ကောင်စီလက် အောက်ခံ MRTV က ထုတ်ပြန်ပါတယ်။

မြန်မာသံအမတ်ကြီးဦးကျော်မိုးထွန်းအပေါ် ခြိမ်းခြောက်မှုကို ပြတ်သားစွာကန့်ကွက်ရှုတ်ချပြီးအမေရိကန်ဟာ ဒီမိုကရေစီပြန်လည်ရရှိရေးတောင်းဆိုနေတဲ့ မြန်မာပြည်သူလူထုအတွက် ကိုယ်စားပြုပြောဆိုရာမှာ အာဂရဲရင့်မှုနဲ့သတ္တိကိုဆက်လက်ပြသနေတဲ့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းနဲ့အတူ ခိုင်မာစွာရပ်တည်တယ်လို့ကုလသမဂ္ဂဆိုင်ရာ အမေရိကန်သံအမတ်ကြီး Linda Thomas-Greenfield က ဩဂုတ် ၇ ရက်က ထုတ်ပြန်ခဲ့ပါတယ်။

ကုလသမဂ္ဂစင်မြင့်ကနေ စစ်အာဏာသိမ်းမှုကို ဆန့်ကျင့်ကန့်ကွက်ခဲ့ပြီး မြန်မာပြည်သူတွေနဲ့ တစ်သားတည်းရပ်တည်ခဲ့တဲ့ သံအမတ်ကြီး ဦးကျော်မိုးထွန်းကို အကြမ်းဖက်စစ်ကောင်စီက နိုင်ငံတော်သစ္စာဖောက်သူအဖြစ်သတ်မှတ်ခဲ့ပြီး အလုပ်ကနေ ထုတ်ပယ်ခဲ့ပါတယ်။

ဒါပေမဲ့ ကုလသမဂ္ဂဟာ လက်ရှိအချိန်အထိ ဦးကျော်မိုးထွန်းကို မြန်မာနိုင်ငံအမြဲတမ်းကိုယ်စား လှယ်၊ သံအမတ်ကြီးအဖြစ် အသိအမှတ်ပြုထားပြီး ဦးကျော်မိုးထွန်းကလည်း ပြည်သူရွေးချယ် တင်မြှောက်ထားတဲ့ အမျိုးသားညီညွတ်ရေးအစိုးရ(NUG)ကို ကိုယ်စားပြုနေပါတယ်။

အဲဒီအချိန်မှာ ထိုင်းနိုင်ငံရှိ လက်နက်ပွဲစားက အမေရိကန်ရောက် မြန်မာနိုင်ငံသားနှစ်ဦးကို သံ အမတ်ကြီးဦးကျော်မိုးထွန်းအား အသက်အန္တရာယ်ပြုဖို့ ခိုင်းစေတယ်လို့ အမေရိကန်တရားရေးဌာန က စစ်ဆေးတွေ့ရှိထားပြီး လုပ်ကြံခြိမ်းခြောက်မှုနဲ့ပတ်သက်သူ နှစ်ဦးကို ဖမ်းဆီးထားပါတယ်။

ကိုးကား – Reuters

You May Also Like

သတင်း

ထိုသို့ မြန်မာနိုင်ငံ၏ ပုံမှန်မဟုတ်သည့်၊ သာမာန်ထက်လွန်ကဲသော ခြိမ်းခြောက်မှုများကြောင့် အမေရိကန်သမ္မတ လက်မှတ်ရေးထိုးထုတ်ပြန်သော အမျိုးသားဆိုင်ရာအရေးပေါ်ကြေညာချက်ကို ဂျိုးဘိုင်ဒန်က ဒုတိယအကြိမ်ဆက်လက်သက်တမ်းတိုးခဲ့ခြင်းဖြစ်သည်။

နိုင်ငံတကာ

အမေရိကန်ရဲ့ ပင်တဂွန် စစ်ဌာနချုပ်က လက်တင် အမေရိက ဒေသမှာ ပျံဝဲနေတဲ့ နောက်ထပ် တရုတ် မိုးပျံပူဖောင်း တစ်လုံးရဲ့ လားရာကိုလည်း စောင့်ကြည့်နေတယ်လို့ ပြောပါတယ်။ ဒါပေမဲ့ ဘယ်နေရာမှာ၊ ဘယ်နိုင်ငံမှာ ရှိနေတာလဲ ဆိုတာကိုတော့ တိတိကျကျ မထုတ်ပြန်ပါဘူး။

သတင်း

ငြိမ်းချမ်းရေးသုတေသနအင်စတီကျု့(PRIO) ဒါရိုက်တာ Henrik Urdal က ယမန်နေ့(ဖေဖော်ဝါရီ ၁ ရက်)တွင် လူ့အခွင့်အရေးလှုပ်ရှားဆောင်ရွက်မှုများအတွက် ဆန်ခါတင် ၅ ဦးစာရင်းထုတ်ပြန်ခဲ့ခြင်းဖြစ်သည်။

နိုင်ငံတကာ

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။