မကွေးတိုင်း တောင်တွင်းကြီးမြို့နယ် အရှေ့ရဲစခန်း ရဲဝန်ထမ်းအိမ်ယာအား ဗုံးခွဲတိုက်ခိုက်ခဲ့ကြောင်း ဗိဿနိုးနယ်မြေ ပြည်သူ့ကာကွယ်ရေးတပ်မတော်က ယနေ့ထုတ်ပြန်သည်။
‘ကျွန်ုပ်တို့ ဗိဿနိုးနယ်မြေ ပြည်သူ့ကာကွယ်ရေးတပ်မတော်အနေဖြင့် ပြည်သူ့ကာကွယ်ရေးတပ်ဖွဲ့ များနှင့်ပူးပေါင်းကာ စစ်အာဏာရှင်စနစ်အမြစ်ပြုတ်သည်အထိ တိုက်ခိုက်သွားမည်ဖြစ်ပြီး ပြည်သူလူထု အနေဖြင့်လည်း ပူးပေါင်းပါဝင်ကြပါရန် လေးစားစွာ မေတ္တာရပ်ခံအပ်ပါသည်’ဟု အဆိုပါအဖွဲ့၏ ပြန်ကြားရေးတာဝန်ခံ ဗိုလ်ထန်ထွဋ်အမည်ဖြင့် ထုတ်ပြန်ခြင်းဖြစ်သည်။
အဆိုပါအဖွဲ့သည် ပြီးခဲ့သည့် သြဂုတ်၈ရက်တွင် ရှစ်လေးလုံးအရေးတော်ပုံနေ့တွင် သွေးမအေးကြောင်း ပြသသည့်အနေဖြင့်ဆိုကာ မကွေးမြို့လေတပ်စခန်းကို မဟာမိတ်တပ်ပေါင်းစုနှင့်ပူးပေါင်းကာ ဗုံးဖြင့် တိုက်ခိုက်ခဲ့သည်။
သြဂုတ်၅ရက်ကလည်း တောင်တွင်းကြီးမြို့နယ် မောင်းတိုင် ၂ ရပ်ကွက်ရှိ အကြမ်းဖက်စစ်ကောင်စီခန့် အုပ်ချုပ်ရေးမှူး ဦးဋ္ဌေးငွေ၏နေအိမ်အား သတိပေးသည့်အနေဖြင့် ဗုံးဖောက်ခွဲခြင်း ပြုလုပ်ခဲ့ဟည်ဟု ထုတ်ပြန်ထားသည်။
ထို့အပြင် ဗိဿနိုးနယ်မြေ ပြည်သူ့ကာကွယ်ရေးတပ်မတော်၏ တောင်တွင်းကြီးမြို့နယ်အတွင်း၌ ပြည်သူလူထု အတွက် အောက်ပါလုပ်ငန်းများကို လုပ်ဆောင်ပြီးစီးခဲ့ပြီဖြစ်ကြောင်း အောက်ပါအတိုင်းထုတ်ပြန်ထားသည်။
၂၀၂၁ မေ ၂၃ ရက်
– မြန်မာ့စီးပွါးရေးဘဏ်ရှေ့လုံခြုံရေးများအားဗုံးဖြင့်တိုက်ခိုက်
– ပညာရေးမှူးရုံးရှေ့အစောင့်များအား ဗုံးဖြင့်တိုက်ခိုက်
၂၀၂၁ မေ ၂၄ ရက်
– အရှေ့ရဲစခန်း ရဲဝန်ထမ်းအိမ်ယာအား ဗုံးဖြင့်တိုက်ခိုက်
၂၀၂၁ မေ ၃၁ ရက်
– တောင်တွင်းကြီးပညာရေးမှူးရုံးရှေ့ရှိ အစောင့်များအား ဗုံးဖြင့်တိုက်ခိုက်
၂၀၂၁ ဇွန် ၅ ရက်
– မြန်မာ့စီးပွားရေးဘဏ်အနီးရှိ အစောင့်ရဲများအား သေနတ်ဖြင့်ပစ်ခတ်
၂၀၂၁ ဇွန် ၁၆ ရက်
– စကစလက်ပါးစေ ဦးတင်ထွန်းသိန်း နေအိမ်အားဗုံးဖြင့်တိုက်ခိုက်
၂၀၂၁ ဇူလိုင်လ ၁၈ ရက်
Public Service Announcement
- ခမရ (၁၀၃) အဝင်ဂိတ်အား ဗုံးဖြင့်တိုက်ခိုက် ၂၀၂၁ ဇူလိုင် ၂၆ ရက်
- မြို့နယ်အုပ်ချုပ်ရေးမှူးနေအိမ်အား ဗုံးဖြင့်တိုက်ခိုက်
