Connect with us

Hi, what are you looking for?

LuduNwayOo

News

စစ်​ကောင်စီဗဟိုဘဏ်​ကြေညာချက်ထွက်​ပေမယ့် ​ကျပ်​ငွေတန်ဖိုးစံချိန်တင်ကျဆင်း

ဒီ​နေ့ဘဏ်​တွေမှာ ​ငွေထုတ်သူပိုများလာပါတယ်။ ဒီ​နေ့မှာ​တော့ စစ်​ကောင်စီက တစ်​သောင်းတန် ၊ငါး​ထောင်တန်​တွေဖျက်သိမ်းမယ့်​ကောလာဟာလမဟုတ်ပါဘူး၊ ဘဏ်​တွေပိတ်မှာမဟုတ်ဘူး ယုံကြည်စွာအသုံးပြုနိုင်တယ်လို့ ​ကြေညာပါတယ်။

အာဏာသိမ်းစစ်​ကောင်စီရဲ့ ဗဟိုဘဏ်က ​ဘဏ်​တွေပိတ်သိမ်းမယ်ဆိုတာ ​ကောလာဟလသာဖြစ်ပြီး ဘဏ်​တွေကို ယုံကြည်စိတ်ချစွာဆက်လက်သုံးစွဲနိုင်တယ်လို့​ဒီ​နေ့ ကြေညာလိုက်​ပေမယ့် ဘဏ်​တွေအ​ပေါ် ယုံကြည်မှုတက် မလာဘဲ ကျပ်​​ငွေတန်ဖိုး ပိုကျဆင်းလာပါတယ်။

ဒီ​နေ့ ​ငွေလဲလှယ်​ရေး​ဈေးကွက်မှာ တစ်ဒေါ်လာ ၁၇၄၀ ကျပ်​ဈေး​ပေါက်ခဲ့ပါတယ်။ဒါဟာ ​ကျပ်​ငွေတန်ဖိုးစံချိန်တင်ကျဆင်းလာတာဖြစ်ပါတယ်။စစ်တပ်က အာဏာမသိမ်းခင် ဇန်နဝါရီလကုန်မှာ တစ်ဒေါ်လာ ၁၃၃၇ ကျပ်သာရှိခဲ့တာ​ကြောင့် ​ခြောက်လကျော်အတွင်း တစ်ဒေါ်လာ ၄၀၃ ကျပ်အထိ ကျပ်​ငွေတန်ဖိုးကျသွားတာပါ။

ရာခိုင်နှုန်းအားဖြင့်ဆိုရင် ၃၀ ရာခိုင်နှုန်း​ကျော်ကျဆင်းသွားတာဖြစ်ပြီး ကျပ်​ငွေတန်ဖိုးစံချိန်တင်ကျဆင်းတာဖြစ်ပါတယ် ။​ဒေါ်လာ​ဈေးကစံချိန်တင်တက်​နေ​ပေမယ့် ​ဈေးကွက်ထဲမှာ ​ဒေါ်လာကဝယ်မရဘူးလို့လည်းငွေ​ကြေးလဲလှယ်ဝန်​ဆောင်မှုလုပ်​နေသူ​တွေက​ ပြောပါတယ်။

​ဒေါ်လာတန်ဖိုးကျ​အောင်စစ်​ကောင်စီက​ခြောက်လ​ကျော်အတွင်း​ဒေါ်လာ သန်း ၁၀၀ ​ကျော်ထုတ်​ရောင်းခဲ့တယ်လို့လည်းဆိုပါတယ် ။တစ်ကယ်ထုတ်​ရောင်းတာဟုတ်၊မဟုတ်မသိရ​ပေမယ့် ​ဒေါ်လာ​ဈေးမကျဘဲကျပ်​ငွေတန်ဖိုးပဲစံချိန်တင်ကျဆင်း​နေတာဖြစ်ပါတယ်။

ဘဏ်အချို့ပိတ်သိမ်းဖို့စီစဥ်​နေတယ်လို့ ဒီရက်ပိုင်းသတင်းထွက်​နေချိန်မှာပဲ စစ်​ကောင်စီက သြဂုတ် ၁၂ က ​ရှေ့အပတ်တစ်ပါတ်လုံး(သြဂုတ် ၁၆-၂၀)ဘဏ်​တွေပိတ်မယ်လို ​ကြေညာလိုက်တဲ့အခါ ဘဏ်​တွေပိတ်တာ​နောက် ကွယ်မှာ ပြသာနာအကြီးကြီးရှိနိုင်တယ်လို့ မှန်းဆချက်​တွေ ၊သုံးသပ်မှု​တွေထွက်​ပေါ်လာပါတယ်။

ဒါ့ကြောင့် ဒီ​နေ့ဘဏ်​တွေမှာ ​ငွေထုတ်သူပိုများလာပါတယ်။ ဒီ​နေ့မှာ​တော့ စစ်​ကောင်စီက တစ်​သောင်းတန် ၊ငါး​ထောင်တန်​တွေဖျက်သိမ်းမယ့်​ကောလာဟာလမဟုတ်ပါဘူး၊ ဘဏ်​တွေပိတ်မှာမဟုတ်ဘူး ယုံကြည်စွာအသုံးပြုနိုင်တယ်လို့ ​ကြေညာပါတယ်။

“သူတို့​ကြေညာရင်​သေချာပြီ၊ ဘဏ်​တွေအ​ခြေအ​နေမ​ကောင်း​တော့ဘူး” လို့ ဘဏ်ဝန်​ဆောင်မှုသုံးစွဲသူတစ်ဦးက​ပြောပါတယ်။

အာဏာသိမ်းစစ်​ကောင်စီရဲ့ဗဟိုဘဏ်ပြောရင် ပြည်သူအများစုက မယုံကြည်ကြပါဘူး။
ဘဏ်ဝန်​ဆောင်သူသုံးစွဲသူတစ်ဦးကလည်း ပြည်သူ​တွေက ဘဏ်​တွေကိုယုံကြည်စွာအသုံးပြုနိုင်လို့သာ​ပြောတာ အရင်ကတည်းက ဘဏ်​တွေမှာ ကိုယ့်ပိုက်ဆံကိုယ်ထုတ်တာ​တောင် ထုတ်ချင်သ​လောက်ထုတ်မရဘူးလို့​ပြောပါတယ်။

“ဘဏ်ဝန်​ဆောင်မှု​တွေက ပုံမှန်​ပေးနိုင်​နေတာကြ​နေတာပဲ”လို့သူက​ ပြောပါတယ်။
လက်ရှိပြည်သူ​တွေက ဘဏ်ကကိုယ့်​ငွေကိုပြန်ထုတ်တဲ့ ကြို ဘိုကင်လုပ်ဖို့လိုသလို သတ်မှတ်ပမာဏသာထုတ်နိုင်တာဖြစ်ပါတယ်။

ဗဟိုဘဏ်က သြဂုတ် ၁၃ ​နေ့ခင်းပိုင်းမှာ အဲလို​ကြေညာ​ပေမယ့် ဘဏ်​တွေမှာ ဒီ​နေ့​ငွေထုတ်သူအခါတိုင်း​နေ့​တွေထက်ပိုများ​နေပါတယ်။

စစ်​ကောင်စီရဲဗဟိုဘဏ်က ဘဏ်​တွေငါးရက်ပိတ်တာက အရင်အစိုးရရုံးပိတ်ရက်​တွေမှာပါဘဏ်​တွေက ဖွင့်ခဲ့လို့ ကိုဗစ်​ရောဂါကူးစက်ခံရသူများလို့နားတာပါလို့ BBC သတင်းဌာနကို​ဖြေထားပါတယ်။ စစ်​ကောင်စီက​ကုန်ကြမ်းပြတ်​နေလို့ ​ငွေစက္ကူသစ်မရိုက်နိုင်​တော့ဘူးလို့သတင်းကျယ်ကျယ်ပြန့်ပြန့်ထွက်​နေ​ပေမယ့် ​ငွေစက္ကူသစ်​တွေပုံမှန်ရိုက်​နေတယ်လို့လည်း Myanmar Now သတင်းဌာနကိုလည်း​ဖြေထားပါတယ်။

You May Also Like

သတင်း

စစ်ကြောင်းထိုးလာသည့် စစ်ကောင်စီတပ်ကို ဖေဖော်ဝါရီ ၄ ရက် ည ၁၀ နာရီခွဲခန့်တွင်ဖယ်ခုံ PDF တပ် ရင်း( ၂ )၊ ကရင်နီအမျိုးသားများကာကွယ်ရေးတပ်-KNDF တပ်ရင်း (၃) နှင့် URF တို့ ပူးပေါင်းခုခံတိုက်ခိုက်ခဲ့သည်။

သတင်း

KIA တပ်မဟာ(၈)နယ်မြေသို့ စစ်ကောင်စီတပ် ဗုံးကြဲတိုက်ခိုက်မှု၊ မြင်းမူရှိ စစ်ကောင်စီတပ်စခန်းကိုPDF များကတိုက်ခိုက်မီးရှို့မှု၊ ဟုမ္မလင်းဒေသ တိုက်ပွဲသတင်းများကို KIA သတင်းဌာန က ဖော်ပြခဲ့ခြင်းဖြစ်သည်။

သတင်း

ယနေ့(ဖေဖော်ဝါရီ ၅ရက်) ကျရောသည့် (၆၂)နှစ်မြောက် ကချင်တော်လှန်ရေးနေ့သို့ NUG ကာကွယ်ရေးက ဂုဏ်ပြု သဝဏ်လွှာပေးပို့ခဲ့ခြင်းဖြစ်သည်။

သတင်း

မိတ္ထီလာမြို့နယ်၌ စစ်ကောင်စီ အာဏာသိမ်းပြီးနောက်ပိုင်း လောင်းကစားဝိုင်းများလည်း ပိုမိုများပြားလာပြီး နယ်ထိန်းနှင့်အုပ်ချုပ်ရေးမှူးများအား လာဘ်ငွေပေးကာအကြီးအကျယ်ပြုလုပ်နေကြောင်း ဒေသခံများက ပြောသည်။