မြန်မာ-ထိုင်းနယ်စပ် ကန်ချနာဘူရီခရိုင်ထဲမှာ တရားမ၀င်၀င်ရောက်လာတဲ့ ရွှေ့ပြောင်းမြန်မာအလုပ်သမား ၁၃ ဦးကို ဖမ်းဆီးရမိခဲ့တယ်လို့ နယ်မြေခံထိုင်းစစ်တပ်ရဲ့ သတင်းထုတ်ပြန်ချက်အရ သိရပါတယ်။
သြဂုတ် ၁၃ ရက်နေ့ ညနေပိုင်းက ထိုင်းနိုင်ငံ ကန်ချနာဘူရီခရိုင်ထဲမှာ ထိုင်းအမျိုးသားကယ်ရီ ၂ ဦးလိုက်ပါပို့ဆောင်နေတဲ့ ကားနှစ်စီးနဲ့အတူ အထောက်အထားမဲ့ ရွှေ့ပြောင်းမြန်မာအလုပ်သမား ၁၃ ဦးကို ထိုင်းစစ်တပ်က ဖမ်းဆီးရမိခဲ့တာပါ။
အမျိုးသမီးအများစုပါ၀င်တဲ့ မြန်မာရွှေ့ပြောင်းလုပ်သားတွေကို ကိုဗစ်ရောဂါရှိမရှိ စစ်ဆေးရာမှာ ပိုးမတွေ့ရှိဘူးလို့သိရပြီး သူတို့ကိုတော့ ထိုင်းဥပဒေအရ အရေးယူဆောင်ရွက်မှုတွေ ဆက်လက်လုပ်ဆောင်သွားမယ်လို့ ထိုင်းစစ်တပ်က ထုတ်ပြန်ပါတယ်။
ထိုင်း မြန်မာနယ်စပ် ကန်ချနာဘူရီခရိုင်ထဲကနေတစ်ဆင့် ရွှေ့ပြောင်းမြန်မာအလုပ်သမားတွေ ၀င်ရောက်မှုဟာ များစွာရှိနေပြီး ထိုင်းစစ်တပ်ရဲ့ ဖမ်းဆီးရမိတာတွေလည်း မကြာခဏရှိနေတာ ဖြစ်ပါတယ်။
Public Service Announcement
