Connect with us

Hi, what are you looking for?

LuduNwayOo

News

အပြစ်မဲ့ပြည်သူတစ်ဦးထပ်မံကျဆုံး၍ နွေဦးတော်လှန်ရေးကာလအတွင်း ကျဆုံးခဲ့သည့်ပြည်သူစုစုပေါင်း ၉၉၉ဦးရှိပြီဟု အေအေပီပီထုတ်ပြန်

ဖေဖော်ဝါရီ၁ ရက်မှ ယနေ့(သြဂုတ် ၁၇ ရက်)အထိ ဖမ်းဆီးချုပ်နှောင်ခြင်းခံထားရသူစုစုပေါင်း (၅၇၁၂) ဦးရှိပြီး ၎င်းတို့အနက်မှ (၂၅၅) ဦး မှာ ထောင်ဒဏ်ချမှတ်ခြင်းခံထားရသည်။

မန္တလေးတိုင်း ကျောက်ဆည်မြို့နယ်မှ အပြစ်မဲ့ပြည်သူတစ်ဦး၏ ကျဆုံးခဲ့ကြောင်းထပ်မံသိရှိ၍ စစ်အာဏာရှင် တော်လှန်ရေး(နွေဦးတော်လှန်ရေး)ကာလအတွင်း ကျဆုံးခဲ့သည့် ပြည်သူစုစုပေါင်းမှာ ယမန်နေ့အထိ၉၉၉ ဦး ရှိခဲ့ပြီဖြစ်ကြောင်း နိုင်ငံရေးအကျဉ်းသားများကူညီစောင့်ရှောက်ရေးအသင်း (AAPP)က ယနေ့ထုတ်ပြန်သည်။

အဆိုပါအရေအတွက်သည် အေအေပီပီမှ ကောက်ယူရရှိထားသည့် အရေအတွက်ဖြစ်ပြီး ထိုအရေအတွက်ထက် ပိုများနေနိုင်သည်ဟု အေအေပီပီက ဆိုသည်။

ဖေဖော်ဝါရီ၁ ရက်မှ ယနေ့(သြဂုတ် ၁၇ ရက်)အထိ ဖမ်းဆီးချုပ်နှောင်ခြင်းခံထားရသူစုစုပေါင်း (၅၇၁၂) ဦးရှိပြီး ၎င်းတို့အနက်မှ (၂၅၅) ဦး မှာ ထောင်ဒဏ်ချမှတ်ခြင်းခံထားရသည်။

ထိုပြစ်ဒဏ်ကျခံရသူထဲမှ အသက် ၁၈ နှစ်အောက် ကလေး (၂) ဦး အပါအဝင် (၂၆) ဦးမှာ သေဒဏ်ချမှတ်ခံထားရသည်။ ထို့အပြင် ဖမ်းဝရမ်း ထုတ်ခြင်း ခံထားရသောကြောင့် တိမ်းရှောင်နေသူ (၁၉၈၄) ဦး၏ အမည်စာရင်းကိုလည်း သီးခြား ဖော်ပြထားပြီး ၎င်းတို့ အနက်မှ မျက်ကွယ် သေဒဏ်ချမှတ်ခြင်းခံထားရသူ (၃၉) ဦး အပါအဝင် (၁၁၈) ဦးမှာ မျက်ကွယ် ပြစ်ဒဏ်ချမှတ် ခြင်းခံထားရသည်။ ထိုကြောင့် သေဒဏ်ချမှတ်ခံထားရသူ စုစုပေါင်း (၆၅) ဦးရှိပြီဟု ထုတ်ပြန်ချက်တွင် ပါရှိသည်။

သြဂုတ် ၁၅ ရက်နံနက် ၁၀ နာရီဝန်းကျင်က အကြမ်းဖက်စစ်အုပ်စု၏ တပ်ဖွဲ့ဝင်များဖမ်းဆီးခေါ်ဆောင်သွားသည့် မန္တလေးတိုင်း ကျောက်ဆည်မြို့နယ် ကျောက်ဆောက်ကလေးကျေးရွာမှ ဒေသခံရွာသားဦးသန်းစိန်သည် ပြင်းထန်စွာ ရိုက်နှက်ခြင်းခံခဲ့ရသောကြောင့် သြဂုတ်၁၆ ရက်နံနက်ပိုင်းတွင် ကျဆုံးသွားခဲ့ကြောင်း သိရှိရသည်။ ၎င်း၏ဖုန်း lock ကို မဖွင့်ပေး၍ဟုဆိုကာ ထိုးကြိတ်ခြင်း၊ ဝါယာကြိုးများ၊ ဝါးများဖြင့် ရိုက်နှက်ခြင်းတို့ကြောင့် ဦးသန်းစိန်မှာသွားသုံးချောင်း ကျွတ်ထွက်သွားခဲ့သည်။ ယင်းကဲ့သို့ ညနေထိတိုင် ရိုက်နှက်ခံရမှု‌ကြောင့် ဦးသန်းစိန် အသက်သေဆုံးရခြင်း ဖြစ်သည်ဟု ဒေသခံများမှ ပြောကြားခဲ့သည်။ ဦးသန်းစိန်သည် ရပ်ရွာအတွင်း တက်ကြွစွာ ပါဝင်လှုပ်ရှားသူတစ်ဦးဖြစ်ပြီး အကြမ်းဖက်စစ်အုပ်စုမှ အမျိုးသားဒီမိုကရေစီအဖွဲ့ချုပ်ကို ထောက်ခံသူများအား ဖမ်းဆီးနေသောကြောင့် တိမ်းရှောင်နေရာမှ အိမ်ကိုပြန်ရောက်ချိန်တွင် အကြမ်းဖက်စစ်အုပ်စုခန့် ကျေးရွာ အုပ်ချုပ်ရေးမှုးမှ သတင်းပေးသောကြောင့် ဖမ်းဆီးခံခဲ့ရခြင်းဖြစ်ကြောင်း သိရှိရသည်ဟု ဖော်ပြထားသည်။

ယမန်နေ့ (သြဂုတ် ၁၆) ညနေ၅ နာရီခန့်က မန္တလေးတပ်ပေါင်းစုသပိတ်စစ်ကြောင်း၏ ဦးဆောင်သူတစ်ဦး ဖြစ်သည့် ကိုကျော်သီဟသည် ဆိုင်ကယ်မောင်းလာစဉ် အရပ်ဝတ်များ ဝတ်ဆင်ထားသည့် အကြမ်းဖက် စစ်အုပ်စု၏ တပ်ဖွဲ့ဝင်များက အိမ်စီးကားနှင့်တိုက်ကာ ဝိုင်းဝန်းထိုးကြိတ်ပြီး သေနတ်များဖြင့် ချိန်ရွယ်၍ ဖမ်းဆီး ခေါ်ဆောင်သွားကြောင်း သိရှိရသည်။ ထို့ပြင် အကြမ်းဖက်စစ်အုပ်စုမှ သပိတ်စစ်ကြောင်းတွင် ပါဝင်သူများ တိမ်းရှောင်နေထိုင်ရာ နေအိမ်တချို့ကိုလည်း ဝင်ရောက်စီးနင်းခဲ့ပြီး သပိတ်စစ်ကြောင်းတွင်ပါဝင်သည့် မပီတိကို ဖမ်းဆီးသွားခဲ့ကြောင်း သိရှိရသည်ဟု ထပ်မံဖော်ပြထားသည်။

You May Also Like

သတင်း

မြန်မာပြည်တွင်းတွင် ပြည်သူများက အပြင်မထွက်၊ တိတ်ဆိတ်ငြိမ်သက်ခြင်းသပိတ် (Silent Strike) ဖြင့် စစ်အာဏာရှင်စနစ်ကို လက်မခံကြောင်း ဆန့်ကျင်ဆန္ဒပြကြ သကဲ့သို့ ယူကေရောက် တိုင်းရင်းသားညီအစ်ကို မောင်နှမများကလည်း လန်ဒန်မြို့လယ်ရှိ Trafalgar Square တွင် ဆန္ဒပြပွဲ ကျင်းပခဲ့ကြခြင်း ဖြစ်သည်။

သတင်း

ရဲဘော် သုံးဦးကျဆုံးခဲ့၍ အထူးဝမ်းနည်းပြီး စစ်ကောင်စီတပ်အား လက်တုံ့ပြန်သွားမည်ဟု BLACK WOLF - ARMY က အသိပေးသည်။

သတင်း

မင်းအောင်လှိုင်ဦးဆောင်သော အကြမ်းဖက်စစ်အုပ်စုက ပြည်သူ့ဆန္ဒအမှန်ဖြစ်သော ရွေးကောက်ပွဲ ရလဒ်ကို လက်မခံဘဲ ပြည်သူ့အာဏာကို လက်နက်အားကိုးဖြင့် အနိုင်ကျင့်လုယူရန်ကြိုးစားမှုအား ပြည်သူလူထုတစ်ရပ် လုံးက ခေါင်းငုံ့မခံဘဲ ဆန့်ကျင်တော်လှန်ခဲ့ကြသည့် ပြည်သူ့နွေဦးတော်လှန်ရေးသည် ယနေ့ တွင် (၂)နှစ်ပြည့်ခဲ့ပြီဖြစ်သည်။

သတင်း

ယနေ့ရရှိသော အချက်အလက်များအရ ဧရာဝတီတိုင်းအစိုးရအဖွဲ့၏ လူမှုရေးဝန်ကြီး ဒေါက်တာလှမြတ်သွေးကို ပုသိမ်အကျဉ်းထောင်တွင်း အထူးတရားရုံးမှ ရာဇသတ်ကြီးဥပဒေပုဒ်မ ၅၀၅ (ခ)ဖြင့် ဇန်နဝါရီ ၃၀ ရက်တွင် ထောင်ဒဏ် (၂)နှစ် အမိန့်ချမှတ်ခဲ့ကြောင်း ဖော်ပြသည်။