Connect with us

Hi, what are you looking for?

LuduNwayOo

News

ကိုဗစ်ကာကွယ်ဆေးထိုးနှံနိုင်ရေး ထိတွေ့တိုက်ပွဲတွေ ရပ်တန့်ဖို့ အကြမ်းဖက်စစ်တပ်ကို ဗြိတိန်တောင်းဆို

မနေ့က ကျင်းပခဲ့တဲ့ ကုလသမဂ္ဂလုံခြုံရေးကောင်စီရဲ့ မြန်မာ့အရေးတံခါးပိတ်အစည်းအဝေးမှာ ဗြိတိန်က တောင်း ဆိုလိုက်တာဖြစ်ပြီး အကြမ်းဖက်စစ်တပ်က အာဏာသိမ်းပြီးနောက်ပိုင်း ဆိုးရွားလာတဲ့ ကိုဗစ်-၁၉ အခြေအနေ၊ လူ သားချင်းစာနာမှုအကူအညီတွေပေးရေးတွေကို အဓိကထားဆွေးနွေးခဲ့ကြပါတယ်။

ကိုဗစ်-၁၉ တတိယလှိုင်းဒဏ်ခံနေရတဲ့ မြန်မာနိုင်ငံမှာ ကာကွယ်ဆေးထိုးနှံနိုင်ရေးအတွက် အကြမ်းဖက်စစ်တပ်က ထိတွေ့တိုက်ပွဲတွေကို ချက်ချင်းရပ်တန့်ဖို့ ဗြိတိန်က တောင်းဆိုလိုက်ပါတယ်။

မနေ့က ကျင်းပခဲ့တဲ့ ကုလသမဂ္ဂလုံခြုံရေးကောင်စီရဲ့ မြန်မာ့အရေးတံခါးပိတ်အစည်းအဝေးမှာ ဗြိတိန်က တောင်း ဆိုလိုက်တာဖြစ်ပြီး အကြမ်းဖက်စစ်တပ်က အာဏာသိမ်းပြီးနောက်ပိုင်း ဆိုးရွားလာတဲ့ ကိုဗစ်-၁၉ အခြေအနေ၊ လူ သားချင်းစာနာမှုအကူအညီတွေပေးရေးတွေကို အဓိကထားဆွေးနွေးခဲ့ကြပါတယ်။

ကောင်စီရဲ့တံခါးပိတ်အစည်းအဝေးကို အဖွဲ့ဝင်နိုင်ငံတွေနဲ့အတူ ကုလအတွင်းရေးမှူးချုပ်ရဲ့ အထူးကိုယ်စားလှယ်၊ ကုလသမဂ္ဂလူသားချင်း စာနာမှုဆိုင်ရာဒုတိယအကြီးအကဲ၊ မကြာသေးမီကခန့်အပ်ခဲ့တဲ့ အာဆီယံအထူး ကိုယ်စားလှယ်တို့လည်း အွန်လိုင်း ကနေတက်ရောက်ခဲ့ကြပါတယ်။

ကုလဆိုင်ရာ ဗြိတိန်ဒုတိယသံအမတ် James Kariuki က ကောင်စီအစည်းအဝေးအပြီးမှာ လူသားချင်းစာမှု အကူအညီပေးရေးနဲ့ အာဆီယံအထူးကိုယ်စားလှယ် Erywan Yusof ကို နိုင်ငံတကာက အခိုင်အမာထောက်ခံတဲ့ အကြောင်း ပြောကြားခဲ့ပါတယ်။

အထူးကိုယ်စားလှယ် Christine Schraner Burgener နဲ့ ကုလလူသားချင်းစာနာမှုဆိုင်ရာဒုတိယအကြီးအကဲ Ramesh Rajasingham တို့က မြန်မာနိုင်ငံရဲ့ လူသားချင်းစာနာမှုအကျပ်အတည်းဟာ နေ့စဉ်ပိုမိုဆိုးရွားလာနေ တယ်လို့ ကောင်စီကို တင်ပြခဲ့တယ်လို့ ဗြိတိန်သံအမတ်က ပြောပါတယ်။

“အာဏာမသိမ်းခင်က မြန်မာနိုင်ငံဟာ အားကောင်းတဲ့ကာကွယ်ဆေးထိုးနှံရေးမှတ်တမ်းတွေနဲ့ တိုးတက်နေတဲ့ ကိုဗစ်-၁၉ အစီအစဉ်တွေ ရှိခဲ့ပါတယ်” လို့ သံအမတ် Kariuki က ပြောပါတယ်။

“အခုအချိန်မှာတော့ မြန်မာနိုင်ငံရဲ့ ကျန်းမာရေးစနစ်က ရပ်တန့်လုနီးပါးဖြစ်နေပြီး ဆေးရုံတွေ၊ ဆရာဝန်တွေနဲ့ သူနာပြုတွေအပေါ် တိုက်ခိုက်မှုဆက်ဖြစ်နေတာကလည်း လက်ခံနိုင်ဖွယ်မရှိပါဘူး။ လူဦးရေရဲ့ ၃ ရာခိုင်နှုန်းကိုပဲ ကာကွယ်ဆေးထိုးနှံထားပါတယ်” လို့ သူက ဆက်ပြောပါတယ်။

ဗြိတိန်ရဲ့အထက်ပါ တောင်းဆိုမှုနဲ့ပတ်သက်ပြီး ကောင်စီအဖွဲ့ဝင်နိုင်ငံတွေက အရေးယူလုပ်ဆောင်ဖို့ တုံ့ပြန်တာ မရှိခဲ့ဘူးလို့ ဆိုပါတယ်။

ကာကွယ်ဆေးတွေဟာ ကာကွယ်ခြင်းနည်းလမ်းတွေသာဖြစ်ပြီး နိုင်ငံရေးမဟုတ်ဘူးလို့ ဗြိတိန်သံအမတ်က ပြော ပါတယ်။

ကိုးကား – The National News

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

မိမိတို့ကရင်နီအမျိုးသားများကာကွယ်ရေးတပ်(KNDF)ဘက်မှ ရဲဘော်(၅)ဦး မြင့်မြတ်စွာကျဆုံးခဲ့ရပြီး ကျဆုံးသွားသောရဲဘော်များအား အာဇာနည်သူရဲကောင်းများအစြဖ် အစဉ်အမြဲလေးစားဂုဏ်ယူစွာ မှတ်တမ်းတင်အလေးပြုပါသည်ဟု KNDF မှ ဆိုပါသည်။

သတင်း

စက်တင်ဘာလ တစ်လတာအတွင်း ကရင်နီပြည်နယ်၌ KNDF ၊ ကရင်နီတပ်မတော် (KA)၊ အခြားမဟာမိတ်ပြည်သူ့ကာကွယ်ရေးတပ်များ နှင့် စစ်ကောင်စီတပ်များအကြား တိုက်ပွဲဖြစ်ပွား ခဲ့မှုများကို သတင်းထုတ်ပြန်ခဲ့ခြင်းဖြစ်သည်။

သတင်း

နှစ်ဖက်ထိခိုက်မှုအခြေအနေနှင့် ဖြစ်စဥ်အသေးစိတ် များအား ဒေသကာကွယ်ရေးအဖွဲ့များက သတင်းထုတ်ပြန်နိုင်ခြင်း မရှိသေးပေ။

သတင်း

တိုက်ပွဲများအတွင်းအကြမ်းဖက်စစ်ကောင်စီ၏ လက်နက်ကြီးပစ်ခတ်မှုကြောင့် အရပ်သားပြည်သူ ၁၃ဦးဒဏ်ရာရရှိကာ အသက် (၁၀)နှစ်အောက် ကလေးငယ်သုံးဦး အပါအဝင် ပြည်သူ ခြောက်ဦးလည်း သေဆုံးခဲ့သည်။