မုံရွာမြို့တွင် ကိုဗစ်ကူးစက်မှုလျော့နည်းလာချိန်တွင်မှ အာဏာသိမ်း စစ်ကောင်စီကကိုဗစ်အကြောင်းပြချက်ဖြင့် နေ့မထွက်ရအမိန့်ထုတ်ပြန်ပြီး သြဂုတ် ၁၉ ရက်တွင် လူ ၃၀ကျော် ဖမ်းဆီးခဲ့ရာ အောက်စီဂျင်ရရန်တန်းစီသူများ ၊ အလုပ်မှ ပြန်သူများပါအဖမ်းခံရကြောင်း မုံရွာမြို့ခံများက ပြောသည်။
မုံရွာမြို့နယ်တွင် ကိုဗစ်နိုင်တီး ကူးစက်ရောဂါကာကွယ်ထိန်းချုပ်ရေးအတွက်ဟုဆိုကာ အာဏာသိမ်းစစ်ကောင် စီက သြဂုတ် ၁၄ ရက်မှစတင်ကာ နံနက် ၁၁ နာရီမှ ညနေ ၄ နာရီအတွင်းအပြင်သွားလာသူများကို တားမြစ်ထားသည်။
မုံရွာတွင် ကိုဗစ်နိုင်တီး ကူးစက်မှုမှာ အခြားမြို့များနည်းတူ ဇူလိုင်လတွင်အဆိုးဆုံးဖြစ်ပြီး ပြည်သူများက မိမိအသိ့စိတ်ဓါတ်ဖြင့် ကပ်ရောဂါကာကွယ်ရေးများပြုလုပ်သဖြင့် သြဂုတ်လတွင်ကူးစက်မှု လျော့နည်းလာချိန်တွင်မှ အာဏာသိမ်းစစ်ကောင်စီက ကိုဗစ်
အကြာင်းပြ နေ့မထွက်ရအမိန့်ထုတ်ပြန်ခဲ့ခြင်းဖြစ်သည်။
နေ့ဘက်အပြင်သွားလာမှုတားမြသ်ထားသဖြင့်လက်လုပ် လက်စားများ ၊အခြေခံပြည်သူများ ဒုက္ခရောက်နေကြောင်း ဒေသခံအချို့ကပြောသည်။
Public Service Announcement
အကြောင်းပြချက်ခိုင်လုံမှုမရှိဘဲ အပြင်ထွက်သွားလာသူ၃၁ ဦးအား သြဂုတ်၁၉ရက်တွင် ခံဝန်ဖြင့် အရေးယူထားကြောင်း စစ်ကောင်စီလက်အောက်ခံ မုံရွာမြို့နယ် ကိုဗစ်-၁၉ ကူးစက်ရောဂါကာကွယ်ထိန်းချုပ်ရေးနှင့် အရေးပေါ်တုန့်ပြန်ရေးကော်မတီက သတင်းထုတ်ပြန်ခဲ့သည်။
“အရင်နေ့တွေက အစစ်ဆေးသိပ်မရှိပေမဲ့ မနေ့ကတော့ Lock Down ချိန် အပြင်ထွက်လို့ဆိုပြီး စစ်ကားနဲ့လာပြီး အောက်စီဂျင်တန်းစီဖို့ လူ ၂ ယောက်ရယ် ကြက်သွန်စက်ရုံက အလုပ်လုပ်ပြီးပြန်လာတဲ့ လူ ၆ ယောက်ရယ် ဖမ်းဆီးသွားပါတယ်။ကျွန်တော်တို့ စုံစမ်းသိရသလောက် ဖမ်းဆီးခံရသူတွေကို ပြန်လွှတ်မပေးပါဘူးတဲ့။ ငွေတောင်းတယ်လို့လည်း ကြားနေရတယ်”ဟု မုံရွာမြို့ခံတစ်ဦးက ပြောသည်။
စစ်ကောင်စီသည် အာဏာရှင်ဆန့်ကျင်ရေးသပိတ်များအားကောင်းရာ မန္တလေး၊ မုံရွာနှင့် မြင်းခြံမြို့များတွင် နေ့မထွက်ရအမိန့်များထုတ်ပြန်ကာ အပြင်ထွက်သူများကို ဖမ်းဆီးခြင်း၊ရိုက်နှင်ခြင်း ၊ငွေတောင်းခံခြင်း စသဖြင့်တရားလက်မဲ့ ပြုလုပ်လျက်ရှိသည်။ စစ်ကောင်စီတပ်က ဖိနှိပ်နေသော်လည်း မုံရွာမြို့တွင် ပြည်သူများက စစ်အောဏာရှင်ဆန့်ကျင်ရေး နေ့စဥ်ဆန္ဒပြလျှက်ရှိပြီး ၊သြဂုတ် ၂၀ တွင်လည်း ပြသခဲ့သည်။
