စစ်ကောင်စီ ကို စွန့်ခွာပြီး ပြည်သူ့နဲ့ပူးပေါင်းမယ့် တပ်မတော်သားတွေနဲ့ ရဲတပ်ဖွဲ့ဝင် တွေအတွက် အမျိုးသားညီညွှတ်ရေးအစိုးရ (NUG) က မူဝါဒ ငါးချက် ချ မှတ်လိုက်တယ်လို့ ဒီနေ့မှာသတင်းထုတ်ပြန်ထားပါတယ်။
အဲဒီမူဝါဒတွေမှာ ပြည်သူ့ရင်ခွင်ကို ခိုလှုံလာတဲ့သူတွေရဲ့ လုပ်သက် ၊ရာထူးနဲ့ပင်စင်တို့ကို NUG အစိုးရကဆက်လက်တာဝန်ယူမယ် ၊လတ်တလောလိုအပ်နေတဲ့ အသက်လုံခြုံမှု ၊မိသားစုဘဝလုံခြုံမှုနဲ့ ဘဝရပ်တည်မှုတွေကို အာမခံနိုင်တဲ့ ကူညီစောင့်ရှောက်မယ့်အစီအမံတွေ ချမှတ်မယ် ၊တရားမဝင်အာဏာသိမ်း အကြမ်းဖက်စစ်ကောင်စီနဲ့ လမ်းခွဲပြီး ပြည်သူ့ရင်ခွင် ခိုလှုံဖို့ ဝန်ခံကတိပြုလာတဲ့ တပ်မတော်သားတွေနဲ့ ရဲတပ်ဖွဲ့ဝင်တွေကို ပြည်သူ့သားကောင်းအဖြစ် အသိအမှတ်ပြုမယ်လို့ တွေ့ရပါတယ်။
ဒါအပြင် ပြည်သူ့ရင်ခွင်ခိုလှုံမယ့် တပ်ရင်းတပ်ဖွဲ့ တွေ၊တပ်ဖွဲ့ဝင်တွေကို တိုက်ခိုက်တာ ၊ဒဏ်ခတ်အရေးယူတာ တွေမလုပ်ဖို့ ပြည်သူ့ကာကွယ်ရေးတပ်မတော်ကိုလည်းကောင်း ၊ မဟာမိတ်တွေကိုလည်းကောင်း၊ ပြည်သူတွေကိုလည်းကောင်း အသိပေးညှိနှိုင်းအကြောင်းကြားပေးမယ်လို့ လည်းပါရှိပါတယ်။
အဲဒီလို ပြည်သူ့ရင်ခွင်ခိုလှုံမယ့် တပ်ရင်းတပ်ဖွဲ့တွေ၊ တပ်မတော်သားတွေ၊ ရဲတပ်ဖွဲ့တွေဟာ အသစ်ပြန်လည်ဖွဲ့စည်းမယ့် ဖက်ဒရယ်ပြည်ထောင်စုတပ်မတာ်နဲ့ ရဲတပ်ဖွဲ့ တွေမှာ အရေးကြီးသောကဏ္ဍ ကနေ ဆက်လက်ပါဝင်ပူးပေါင်းနိုင်ဖို့ အစီအစဉ်တွေချမှတ်မယ်လို့ NUG ရဲ့မူဝါဒ ငါးချက်မှာတွေ့ရပါတယ်။
Public Service Announcement
