မုံးကိုးဒေသခံများအား စစ်ကောင်စီက စားနပ်ရိက္ခာဖြတ်တောက်ထားဟု ကိုးကန့်အဖွဲ့ပြော

မုံးကိုးဒေသသို့ ထိုးစစ်ဆင်နေသည့် စစ်ကောင်စီတပ်က ဒေသခံများ၏ စားနပ်ရိက္ခာလမ်းကြောင်းကိုဖြတ်တောက်ထားကြောင်း ကိုးကန့်လက်နက်ကိုင်အဖွဲ့ (MNDAA)က ထုတ်ပြန်သည်။

စစ်ကောင်စီ၏ ထိုးစစ်ဆင်မှုကြောင့် မုန်းကိုးဒေသ၌ တိုက်ပွဲဖြစ်ပွားနေသည်မှာ ၂လခန့် ကြာမြင့်နေပြီး စစ်ရေးဆက်လက်တင်းမာနေဆဲဖြစ်သည်။ ဒေသတွင်း တိုက်ပွဲများဖြစ်ပွားခြင်းနှင့် ကျေးရွာအချို့၏ စားနပ် ရိက္ခာလမ်းကြောင်းကို စစ်ကောင်စီက ဖြတ်တောက်ထားခြင်းတို့ကြောင့် ဒေသခံများအခက်အခဲ ဖြစ်ပေါ်ခဲ့သည်ဟုဆိုသည်။

ဒေသခံများကြုံနေရသည့်အခြေအနေနှင့်ပတ်သက် ၍ အထူးဒေသ၁ မုံးကိုးခရိုင် ပြည်သူ့အုပ်ချူပ်ရေး အဖွဲ့မှ မုံးကိုးဒေသ တွင်းပြည်သူများ၏ စားနပ်ရိက္ခာလမ်း ကြောင်း ပြသနာဖြေရှင်းပေးခဲ့ကြောင်း ကိုးကန့်အဖွဲ့၏ သတင်းဌာနက ယနေ့ ဖော်ပြသည်။

စစ်ကောင်စီ ၏လမ်းကြောင်းဖြတ်တောက်မှုကြောင့် ဒေသခံပြည်သူ များ ဝယ်ယူထားသည့် ဆန် များ သည် ဒေသခံများထံရောက်ရှိရန် ကြန့်ကြာနေခြင်းကို ဩဂုတ် ၂၇ရက်က မုံးကိုးခရိုင် အုပ်ချူပ်ရေး အဖွဲ့၏ကူညီမှုကြောင့် ဆန်များ ပြည်သူလူထုလက်သို့ ရောက်ရှိပြီဖြစ်ကြောင်း၊ လာမည့်အချိန်ကာလ အပိုင်း အခြားတခုအထိ ဒေသခံပြည်သူ များအား စားနပ်ရိက္ခာလမ်းကြောင်း အခက်ခဲဖြစ်နေမှုအား ဖြေရှင်းပေးမည်ဖြစ်ကြောင်း လည်း ဖော်ပြထားသည်။

Public Service Announcement

ထို့ပြင် စစ်ဘေး ဒုက္ခ သည်များအားကူညီမည့်အစီစဥ်ကိုလည်းဆက်လက်လုပ်ဆောင်လျက်ရှိသည်ဟုဆိုသည်။

ကိုးကန့်အဖွဲ့နှင့် စစ်ကောင်စီတပ်တို့သည် ဇွန်လက ကွတ်ခိုင်မြို့နယ်အတွင်း တိုက်ပွဲအချို့ဖြစ်ပွားခဲ့ပြီး ဇူလိုင်လအစောပိုင်းမှ စ၍ မူဆယ်မြိုကနယ် မုံးကိုးဒေသ၌ တိုက်ပွဲများ ဖြစ်ပွားခဲ့သည်။ဩဂုတ်လတွင် ပန်ဆိုင်း ဒေသ၌ပါ တိုက်ပွဲများ ဆက်လက်ဖြစ်ပွားနေသည်။