'/%3E%3C/svg%3E){kind=small}
ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်ရဲ့ လေးထပ်ကွမ်း လွှတ်တော်ကိုယ်စားလှယ် ဒေါ် ခင်စန်းလှိုင် ကို စစ်ကောင်စီတပ်ဖွဲ့ဝင်တွေ ရန်ကုန်မှာ ဖမ်းဆီးသွားတယ်လို့ ပါတီဝင်အချို့ှဆီကသိရပါတယ်။
ဒေါ်ခင်စန်းလှိုင်ကို ရန်ကုန်က နေအိမ်တအိမ်မှာ သြဂုတ် ၃၁ ရက် က စစ်ကောင်စီတပ်ဖွဲ့ဝင်တွေ ဖမ်းဆီးခဲ့တာပါ။
ဒေါ်ခင်စန်းလှိုင်ဟာ ပြီးခဲ့တဲ့ ၂၀၂၀ အထွေထွေရွေးကောက်ပွဲမှာ စစ်ကိုင်းတိုင်း ၊ပုလဲမြို့နယ် ပြည်သူ့လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံရသူပါ။
အဲဒီပုလဲမဲဆန္ဒနယ်မှာပဲ ပြီးခဲ့တဲ့ ၂၀၂၁ ကြားဖြတ်ရွေးကောက်ပွဲ ၊ ၂၀၁၅ အထွေထွေရွေးကောက်ပွဲတွေမှာလည်း အနိုင်ရခဲ့သူဖြစ်ပါတယ်။
Public Service Announcement
ဒါအပြင် ၁၉၉၀ အထွေထွေရွေးကောက်ပွဲမှာတော့ စစ်ကိုင်းတိုင်း ၊ဝက်လက်မဲဆန္ဒနယ်ကနေ NLD ပါတီကိုယ်စားလှယ်အဖြစ် ဝင်ပြိုင်ရာမှာ ရွေးချယ်ခံရသူလည်းဖြစ်ခဲ့ပါတယ်။
ဒါကြောင့်NLD ပါတီရဲ့ လေးထပ်ကွမ်းလွှတ်တော်ကိုယ်စားလှယ်တဦးဖြစ်ပြီးနိုင်ငံရေးနယ်ပယ်ထဲ မဝင်မီက ရှေ့နေအဖြစ် အသက်မွေးခဲ့သူပါ။
၁၉၉၀ အထွေထွေရွေးကောက်ပွဲအပြီးမှာတော့ ဒေါ်ခင်စန်းလှိုင်ဟာ စင်ပြိုင်အစိုးရထောင်ဖို့ ကြိုးပမ်းတယ်ဆိုကာ စစ်အစိုးရက နိုင်ငံတော်ပုန်ကန်မှုနဲ့ ထောင်ဒဏ် ၂၅ နှစ်ချမှတ်ခံခဲ့ရသူလည်းဖြစ်ပါတယ်။
စစ်ကောင်စီဟာ အာဏာသိမ်းပြီးတဲ့နောက် NLD ပါတီရဲ့ လွှတ်တော်ကိုယ်စားလှယ်တွေကို ဖမ်းဆီးတာတွေကို ဆက်တိုက်ပြုလုပ်နေတာလည်းဖြစ်ပါတယ်။
