Connect with us

Hi, what are you looking for?

LuduNwayOo

News

ဘုန်းကြီးကျောင်းအချို့ရှိဆန်အိတ်များကို စစ်ကောင်စီတပ်က ရေနံလောင်းဖျက်ဆီး

စစ်ကောင်စီတပ်သည် ဩဂုတ်လကုန်ကတည်းက ပေါက်မြို့နယ် တောင်ပိုင်းသို့ နယ်မြေရှင်းလင်းရေး အကြောင်း ပြပြီး ဒေသခံပြည်သူများကို ဖိနှိပ်လျက်ရှိသည်။

မကွေးတိုင်း ပေါက်မြို့နယ်ရှိ ဘုန်းကြီးကျောင်းအချို့၌ အများပြည်သူလှူဒါန်းထားသည့် ဆန်နှင့် ပစ္စည်းများ၊ ပြည်သူလူထု၏ ဆိုင်ကယ်များကို စစ်ကောင်စီတပ်က ဖျက်ဆီးခဲ့ကြောင်းဒေသခံများက ပြောသည်။

ပေါက်မြို့နယ်တောင်ပိုင်း ဝန်ခြုံးရွာ ဘုန်းကြီးကျောင်းတွင် စစ်ကောင်စီတပ်နှင့် ၎င်း၏ လက်ပါးစေ ပျူစောထီးအဖွဲ့တို့ တပ်စွဲခဲ့ရာ သိမ်ကျောင်းထဲရှိ အများပြည်သူ လှူဒါန်းထားသည့် ဆန်များကို ရေနံလောင်း၍ ဖျက်ဆီးခဲ့သည့်အပြင် ကျောင်းပေါ်ရှိ ပ္စည်းများလည်း မွှေနှောက်ခဲ့ကြောင်း ပေါက်မြို့နယ်ဟစ်တိုင်က ယနေ့ညပိုင်း၌ ဖော်ပြခဲ့သည်။ထို့အပြင် ဆိုင်ကယ် ၁၃စီးကိုလည်း စစ်ကောင်စီတပ်က စုပုံပြီးမီးရှို့ဖျက်ဆီးခဲ့သည်ဟု ဆိုသည်။

“ဝန်ခြုံးမှာလည်းဖြစ်တယ်။အရင်ဖြစ်တာက ကင်းမ ဖုန်းကြီးကျောင်းမှာ။ ဝန်ခြုံးမှာက ရွာထဲမှာရှိတဲ့ ဆိုင်ကယ်တွေအကုန်လုံး စုပုံပြီး မီးရှို့ခံရတာလည်းရှိတယ်။တော်တော်ဆိုးတယ် ဆိုးတာက။ ရောက်တဲ့နေရာမှာ သူတို့က တော်တော်လေးကို ရမ်းကားတဲ့အဆင့်ဖြစ်နေတာ။ ပြောစရာတော့ ကုန်နေပါပြီ” ဟု ဒေသခံတစ်ဦးက ပြော သည်။

စစ်ကောင်စီတပ်သည် ဩဂုတ်လကုန်ကတည်းက ပေါက်မြို့နယ် တောင်ပိုင်းသို့ နယ်မြေရှင်းလင်းရေး အကြောင်း ပြပြီး ဒေသခံပြည်သူများကို ဖိနှိပ်လျက်ရှိသည်။

Public Service Announcement

Public Service Announcement

စစ်ကောင်စီစစ်ကြောင်း ဝင်ရောက်လာ၍ ဒေသခံများ ထွက်ပြေးတိမ်းရှောင်ခဲ့ကြရာ ဒေသခံများ၏ ပစ္စည်းများကို ယူဆောင်ခြင်း၊ နေအိမ်များကို ဖျက်ဆီးခြင်းများလည်း စစ်ကောင်စီတပ်က လုပ်ဆောင်ခဲ့သည်။

ဆက်စပ်သတင်းများ

သတင်း

တိုက်ပွဲဝင် တပ်ဖွဲ့တစ်ခုဖြစ်သော ဗမာပြည်သူ့လွတ်မြောက်ရေးတပ်တော်(BPLA) ကွပ်ကဲရေးမှူး မောင်ဆောင်းခကလည်း ဖာပွန်ဒေသစစ်ရေး အခြေအနေကို ယနေ့ (မေလ ၂၃ရက်)တွင် လူမှုကွန်ရက်မှ တဆင့်အသိပေးခဲ့သည်။

သတင်း

ဝိုင်းမော်ဘက်ခြမ်း၌ တိုက်ပွဲပြင်းထန်နေ၍ မြစ်ကြီးနားမြို့ဘက်ခြမ်း၌ အစစ်အဆေးတင်းကြပ်နေ​ကာ ယ​နေ့ ည​နေပိုင်းမှစ၍ မြို့အဝင်အထွက်ကိုပိတ်ထား​ကြောင်းစစ်​ရေးရင်းမြစ်အချို့က ပြောသည်။

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

တရုတ်ဟာ အရင်က ထားဝယ်ရေနက်ဆိပ်ကမ်း စီမံကိန်းအတွက် ထဲထဲဝင်ဝင် လေ့လာဆန်းစစ်မှုတွေ လုပ်ဆောင်ခဲ့ပေမယ့် နောက်ပိုင်းမှာတော့ ကျောက်ဖြူဖက်ကို လုံးလုံးလျားလျား အာရုံပြောင်းသွားခဲ့တာ ဖြစ်ပါတယ်။