Connect with us

Hi, what are you looking for?

LuduNwayOo

News

အာဆီယံအထူးကိုယ်စားလှယ် မြန်မာပြည်လာခွင့်ရရေးကြိုးစားနေဆဲလို့ မလေးရှားနိုင်ငံခြားရေးဝန်ကြီးပြော

“အထူးကိုယ်စားလှယ်က မြန်မာနိုင်ငံက လက်ရှိအာဏာ ပိုင်တွေနဲ့ဆက်သွယ်ပြီး အမြန်ဆုံးသွားရောက်နိုင်ဖို့ အပြင်းအထန်ကြိုးစားနေတယ်လို့ ကျွန်တော်နားလည်ပါတယ်” လို့ Saifuddin က ဒီနေ့ပြုလုပ်တဲ့သတင်း စာရှင်းလင်းပွဲမှာ သတင်းထောက်တွေကို ပြောပါတယ်။

(မ​လေးရှားနိုင်ငံခြား​ရေးဝန်ကြီးအား ​တွေ့ရစဥ်၊ဓာတ်ပုံ - Bernama)

အာဆီယံရဲ့အထူးကိုယ်စားလှယ် Erywan Yusof ဟာ မြန်မာပြည်ကိုလာရောက်ဖို့ ရက်ရရှိရေး ကြိုးစားနေဆဲဖြစ် တယ်လို့ မလေးရှားနိုင်ငံခြားရေးဝန်ကြီး Datuk Saifuddin Abdullah က ပြောပါတယ်။

မလေးရှားနိုင်ငံခြားရေးဝန်ကြီးအဖြစ် ဒုတိယအကြိမ်တာဝန်ထမ်းဆောင်တဲ့ Saifuddinဟာ ပြီးခဲ့တဲ့ ဗုဒ္ဓဟူးနေ့က အာဆီယံအထူးကိုယ်စားလှယ်နဲ့ဆက်သွယ်ပြောဆိုခဲ့ပြီး နောက်လမှာကျင်းပမယ့် အာဆီယံထိပ်သီးအစည်းအဝေး မတိုင်မီ အထူးကိုယ်စားလှယ်အနေနဲ့ မြန်မာပြည်ကို သွားရောက်သင့်ကြောင်းအပါအဝင် သူ့အမြင်တွေကို ဆွေး နွေးတိုက်တွန်းခဲ့တယ်လို့ ဆိုပါတယ်။

“အထူးကိုယ်စားလှယ်က မြန်မာနိုင်ငံက လက်ရှိအာဏာ ပိုင်တွေနဲ့ဆက်သွယ်ပြီး အမြန်ဆုံးသွားရောက်နိုင်ဖို့ အပြင်းအထန်ကြိုးစားနေတယ်လို့ ကျွန်တော်နားလည်ပါတယ်” လို့ Saifuddin က ဒီနေ့ပြုလုပ်တဲ့သတင်း စာရှင်းလင်းပွဲမှာ သတင်းထောက်တွေကို ပြောပါတယ်။

အာဆီယံခေါင်းဆောင်တွေဆုံးဖြတ်ခဲ့တဲ့ သဘောတူညီချက် နံပတ် ၅ အတိုင်း အထူးကိုယ်စားလှယ်ဟာ မြန်မာနိုင် ငံက အစုအဖွဲ့အများအပြားကို ဖြစ်နိုင်သမျှတွေ့ဆုံခွင့်ရရှိဖို့အရေးကြီးတဲ့အကြောင်း မလေးရှားနိုင်ငံခြား ရေးဝန်ကြီးက အလေးထားပြောပါတယ်။

Public Service Announcement

Public Service Announcement

“မြန်မာအာဏာပိုင်တွေက ပါဝင်ပတ်သက်သူ (stakeholders)အားလုံးနဲ့ တွေ့ဆုံခွင့်မပေးမှာကို ကျွန်တော်တို့ နည်းနည်းစိုးရိမ်ပါတယ်။ ဒါပေမဲ့လည်း Erywan ကို ကျွန်တော်ပြောခဲ့တာက သူ့သက်တမ်းအတွင်း မြန်မာပြည်ကို တစ်ကြိမ်ထက်မက သွားရောက်နိုင်ဖို့ ဖြစ်နိုင်သမျှ မြန်မြန်လုပ်ဆောင်သင့်ကြောင်းနဲ့ ဖြစ်နိုင်သမျှ ပါဝင်ပတ်သက် သူအများအပြားကို တွေ့ဆုံခွင့်ရဖို့ မျှော်လင့်တဲ့အကြောင်းပါ”လို့ Saifuddin က ဆိုပါတယ်။

အာဆီယံခေါင်းဆောင်တွေဟာ ပြီးခဲ့တဲ့ ဧပြီတုန်းက အကြမ်းဖက်မှုကို ချက်ချင်းရပ်တန့်ရေး၊ တွေ့ဆုံဆွေးနွေးရေး၊ အထူးကိုယ်စားလှယ်ခန့်အပ်ရေးအပါ အဝင် သဘောတူဆုံးဖြတ်ချက် ၅ ရပ်ကို ချမှတ်ခဲ့ပြီး အဲဒီ ၅ ရပ်ထဲက အထူး ကိုယ်စားလှယ်ခန့်အပ်ရေးတစ်ချက်ကိုသာ ရက်ပေါင်း ၁၀၀ အကြာမှာ ပထမဆုံးအတည်ပြုနိုင်ခဲ့ပါတယ်။

အထူးကိုယ်စားလှယ်ကို ဩဂုတ်လဆန်းမှာ ခန့်အပ်ကြေညာနိုင်ခဲ့ပေမယ့် အခု တစ်လနီးပါးကြာမြင့်ချိန်အထိ Erywan Yusof က မြန်မာပြည်ကို လာရောက်ခွင့်မရရှိသေးပါဘူး။

ကိုးကား – Malaymail

ဆက်စပ်သတင်းများ

နိုင်ငံတကာ

အင်ဒိုနီးရှားဟာ ပစိဖိတ် မီးကွင်းလို့ ခေါ်ဆိုတဲ့ ရေအောက် မီးတောင် ရပ်ဝန်းနဲ့ ဆက်စပ်တည်ရှိနေပြီး ကမ္ဘာပေါ်မှာ အသက်ဝင်နေဆဲ မီးတောင် အများဆုံး ပိုင်ဆိုင်ထားတဲ့ နိုင်ငံတစ်ခုလည်း ဖြစ်ပါတယ်။

နိုင်ငံတကာ

တိုက်ပွဲတွေက ထိုင်းပိုင်နက်နဲ့ အရမ်း နီးနီးကပ်ကပ် ဖြစ်ပွားခဲ့ပြီး ဒီလို ကိစ္စမျိုးနဲ့ ပတ်သက်ရင် အာဆီယံကပါ ပါဝင်ကိုင်တွယ် အဖြေရှာပေးသင့်တယ်လို့ နစ်ခွန်ဒက်ဂျ်က ဆိုပါတယ်။

သတင်း

မြန်မာနိုင်ငံမှာ နိုင်ငံသားတွေ၊ အာဆီယံ အဖွဲ့ဝင်တွေ အပါအဝင် နိုင်ငံခြားသားတွေ အားလုံးရဲ့ လုံခြုံဘေးကင်းရေးကို အလေးထား ဆောင်ရွက်ပေးဖို့ကလည်း အထူးအရေးပါတဲ့ တောင်းဆိုမှု တစ်ခုလို့ ထုတ်ပြန်ချက်မှာ ဖော်ပြထားခဲ့ပါတယ်။

သတင်း

တချို့နိုင်ငံခြားသားတွေကတော့ ကန့်သတ်ပိတ်ပင်ထားတဲ့ လုပ်ငန်းခွင်တွေမှာ အလုပ်လုပ်နေတာ မဟုတ်ပေမယ့် အလုပ်သမား စည်းမျဉ်းတွေကို မလိုက်နာလို့ အရေးယူ ခံရတာလို့လည်း ခါရွမ်က ပြောပါတယ်။