စစ်ကိုင်းတိုင်း ရွှေဘိုမြို့နယ် ဝါးရုံကန်ကျေးရွာသို့ အာဏာသိမ်းစစ်ကောင်စီတပ်ကအကြမ်းဖက်ဖမ်းဆီးမှုများ ပြုလုပ်နေ၍ ကျေးရွာနေပြည်သူ ၅၀၀ကျော် ထွက်ပြေးနေရကြောင်း ရွာသူရွာသားများက ပြောသည်။
ဝါးရုံကန်ကျေးရွာသို့ ယနေ့စက်တင်ဘာလ၅ ရက် နံနက် (၆)နာရီဝန်းကျင်ခန့်မှစတင်ကာ ဝင်ရောက်ရှာဖွေမှုများ ပြုလုပ်နေပြီး ရွာသား ၆ ဦးထက်မနည်း ဟု ရွာခံများက ပြောသည်။
“ဒလန်က လက်နက်ရှိတယ်ပြောပီးခေါ်တာပါ။ စာရွက်နဲ့ကြည့်ပြီး လိုက်ဖမ်းတာ။ ဖမ်းဆီးခံရသူ (၆)ဦးကိုလက်နောက်ပြန်ကြိုးချည်ပြီးကျေးရွာထိပ်ကစာသင်ကျောင်းမှာဖမ်းဆီးထားတာမြင်ရပါတယ်။ ဖမ်းဆီးခံရသူ (၆)ဦးအနက် (၁)ဦး ကိုပြန်လွှတ်ပေးတယ်လို့ကြားပါတယ်။” ဟု ရွာခံအမျိုးသားတစ်ဦးက ပြောသည်။
ရွာထဲအပြင် ရွာပတ်လည်ရှိ တောထဲသို့လည်း ဝင်ရောက်ရှာဖွေနေပြီး တပ်သားအင်အား ငါးဆယ်ခန့်ရှိကြောင်း၊ ဝါးရုံကန်ကျေးရွာသည် အိမ်ခြေ ၁၇၅အိမ်၊ လူဦးရေ ၅၀၀ ကျော်ရှိပြီး အစိမ်းထောက်ခံသူ အနည်းစုမှလွဲ၍ ထွက်ပြေးနေရကြောင်း ရွာခံများက ပြောသည်။
Public Service Announcement
ရွှေဘိုခရိုင်အတွင်း ရွှေဘိုအပါအဝင်၊ တန့်ဆည်၊ ဒီပဲယင်း၊ ခင်ဦး၊ ရေဦး အစရှိသည့်နယ်များရှိ ကျေးရွာများသို့ စစ်ကောင်စီတပ်များသည် ဝင်ရောက်အကြမ်းဖက်ဖမ်းဆီးပစ်ခတ်မှုများ ပြုလုပ်နေသည်။
