မြန်မာ့နွေဦးတော်လှန်ရေးကာလအတွင်းမှတ်တမ်းတင်ရိုက်ကူးခဲ့တဲ့ ဓာတ်ပုံတွေနဲ့ ထိပ်တန်း ဓာတ်ပုံသတင်းဆုရရှိခဲ့တဲ့ မြန်မာဓာတ်ပုံဆရာကို ဂုဏ်ပြုတယ်လို့ ရန်ကုန်မြို့မှာရှိတဲ့ ဗြိတိန်သံရုံးက ဒီနေ့ထုတ်ပြန်ပါတယ်။
ပြင်သစ်တောင်ပိုင်း Perpignan မှာ ကျင်းပတဲ့ Visa Pour L’Image ရဲ့ ဂုဏ်သိက္ခာအကြီးမားဆုံးဆုဖြစ်တဲ့ Visa d’Or for News ကို လုံခြုံရေးအရ အမည်မဖော်တဲ့ မြန်မာဓာတ်ပုံဆရာတစ်ဦးက ဆွတ်ခူးရရှိခဲ့တာပါ။
“မြန်မာသတင်းထောက်နဲ့ ဓာတ်ပုံ ဆရာတွေရဲ့ ရဲရင့် မှုတို့ ကို အသိအမှတ်ပြုချီးကျူးလိုပါတယ်။ မတရားဖမ်းဆီးချုပ်နှောင်ခံနေရသူများအားပြန်လွှတ်ပေးရန်တောင်းဆိုပါတယ်။ သတင်းမီဒီယာလွတ်လပ်ခွင့် ဖိနှိပ်မှုကို ဆန့်ကျင်ရာမှာ ယူကေအစိုးရက ဆက်လက် ရပ်တည်သွားမှာဖြစ်ပြီး မီဒီယာလွတ်လပ်ခွင့်ရရှိရေးကို ထောက်ပံ့သွားမှာဖြစ်ပါတယ်”လို့ ဗြိတိန်သံရုံးက ထုတ်ပြန်ပါတယ်။
နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP Burma )ရဲ့ ထုတ်ပြန်ချက်အရ အာဏာသိမ်းချိန်မှာစတင်ပြီး ဒီနေ့ စက်တင်ဘာ ၆ ရက်အထိ ဓာတ်ပုံသတင်းထောက် ၃ ဦးအပါအဝင် မီဒီယာ အလုပ်ကို လုပ်ကိုင်သူ ၅၀ ခန့်ဟာ မတရားဖမ်းဆီးထားခြင်းခံနေရဆဲဖြစ်ပါတယ်။
Public Service Announcement
