ချင်းပြည်နယ် ဟားခါး-ထန်တလန်ကြား တစ်နေရာတွင် စက်တင်ဘာ ၆ရက်က တိုက်ပွဲဖြစ်ပွားခဲ့ရာ စစ်ကောင်စီတပ်ဖွဲ့ဝင် ၁၅ဦးထက်မနည်းသေဆုံးခဲ့ပြီး ဒဏ်ရာရသူအများအပြား ရှိနိုင်သည်ဟု ယူဆကြောင်း ချင်းပြည်ကာကွယ်ရေးတပ်ဖွဲ့(CDF)က ယနေ့ ထုတ်ပြန်သည်။
အကြမ်းဖက်စစ်ကောင်စီ တပ်အင်အား ၈၀ ဝန်းကျင်နှင့် CDF-Thantlang တို့ တိုက်ပွဲဖြစ်ပွားခဲ့ခြင်းဖြစ်ပြီး CDF ဘက်က ထိခိုက်ဒဏ်ရာရသူမရှိကြောင်း ဖော်ပြခဲ့သည်။
ထန်တလန် CDFနှင့် စစ်ကောင်စီတပ်တို့သည် ဩဂုတ် ၂၀ရက်မှစ၍ ဟားခါး- ထန်တလန် လမ်းပိုင်း၌ တိုက်ပွဲများ ဖြစ်ပွားနေခြင်းဖြစ်သည်။ တိုက်ပွဲများတွင် ထန်တလန် CDF တပ်ဖွဲ့ဝင်အချို့လည်း ကျဆုံးခဲ့သည်။
