စစ်အာဏာရှင်ဆန့်ကျင်ရေးခုခံတွန်းလှန်စစ် စတင်ပြီလို့ NUG က ကြေညာထားပြီးဖြစ်လို့ အမျိုးသမီးထုအနေနဲ့ ကဏ္ဍအသီးသီးမှာ ပါဝင်တွန်းလှန်ကြဖို့ အမျိုးသမီးမဟာမိတ်အင်အားစုက ဒီနေ့ တိုက်တွန်းထုတ်ပြန်ပါတယ်။
မြန်မာ့နွေဦးတော်လှန်ရေး ပြီးမြောက်အောင်မြင်ဖို့ အဓိကထောက်တိုက်ကြီးတွေဖြစ်တဲ့ CDM ၊ မြေပြင်သပိတ်လှုပ်ရှားမှု၊ လက်နက်ကိုင်တော်လှန်ရေး စတဲ့ ထောက်တိုင်ကြီးတွေမှာ အင်တိုက် အားတိုက်ပါဝင်အားဖြည့်ကြဖို့ တိုက်တွန်းထားပါတယ်။
နွေဦးတော်လှန်ရေးမှာ ကျဆုံးသွားတဲ့ ရဲဘော်တွေနဲ့ အကျဉ်းချခံထားရတဲ့ ရဲဘော်တွေအတွက် အမျိုးသမီးများဟာ ‘သွေးကြွေးမှာ ဆွေးနွေးစရာမရှိ’ ဆိုတဲ့အတိုင်း ရဲရဲတောက် ဆက်လက်တော်လှန်တိုက်ပွဲဝင်ကြဖို့နဲ့ တော်လှန်ရေးမှာ ကိုယ်တိုင်တတ်စွမ်းသရွေ့ပါဝင်ပြီး နီးစပ်ရာ ပတ်ဝန်းကျင်ကိုလည်း တော်လှန်ရေးအသိ၊ တော်လှန်ရေးသတိရှိရေး တိုက်တွန်းကြဖို့ ထုတ် ပြန်ထားပါတယ်။
