ပုဂံရှေးဟောင်းယဥ်ကျေးမှုနယ်မြေတွင် မိုးသည်းထန်စွာရွာသွန်းမှုကြောင့် ဘုရားအမှတ်(၁၀၄၂)’ဆင်ကဘုရား’ ၏ စောင်းတန်းပြိုကျမှု ယနေ့နံနက်က ဖြစ်ပွားခဲ့သည်။
ပုဂံမြို့သစ် ကျန်စစ်သားနယ်မြေ ရွှေလောင်းရပ် ကွက်ရှိ ဆင်ကဘုရား၏ အနောက်တောင်ထောင့်စောင်းတန်းပြိုကျခဲ့ခြင်း ဖြစ်သည်။
ယခုရက်ပိုင်းအတွင် ပုဂံရှေးဟောင်းနယ်မြေတွင် မိုးကောင်းနေပြီး အဆိုပါမိုးရွာသွန်းမှုကြောင့် ငလျင်ဒဏ်ခံခဲ့ရသည့် စေတီပုထိုးအချို့မှာ ပြိုကျပျက်စီးမှုများ ဖြစ်ပေါ်နေသည်။
ပြီးခဲ့သည့် သြဂုတ် ၃၁ရက်ကလည်း မိုးသည်းထန်စွာရွာသွန်းမှုကြောင့် ဘုရားအမှတ် (၈၀၁) သံပျင်စွာဘုရား၏ တောင်ဘက်နံရံပြိုကျပျက်စီးမှုဖြစ်ခဲ့သည်။
Public Service Announcement
၂၀၁၆ သြဂုတ်၂၄ရက်က လှုပ်ခတ်သည့် အင်အားပြင်းငလျင်ဒဏ်ကြောင့် ရှေးဟောင်းပုဂံဒေသရှိ စေတီပုထိုး ၃၈၉ဆူ ထိခိုက်ပျက်စီးခဲ့သည်။ ထိုငလျင်ဒဏ်ခံရပြီးနောက်တွင် မိုးတွင်းကာလ၌ မိုးသည်းထန်စွာရွာသွန်းပါက ပုဂံဒေသရှိ စေတီပုထိုးအချို့မှာ ပြိုကျပျက်စီးမှု နှစ်စဥ်ဖြစ်ပေါ်နေသည်။
