စစ်ကောင်စီက ဖမ်းဆီးနှိပ်စက်ခံထားရသော်လည်း အသတ်မခံရခင်အထိ လက်သုံးချောင်းထောင်ပြခဲ့သော ကရင်နီလူငယ်နှစ်ဦး

မျက်နှာတွင်နှိပ်စက်ခံရသဖြင့်ဖူးယောင်ဒဏ်ရာများများဖြင့် လက်တွင်ကြိုးချည်ခံထားရပြီး ဒူးထောက်လျှက် လက်သုံးချောင်းထောင်ထားသောလူငယ်နှစ်ဦးမှာ
ကယားပြည်နယ်မှကရင်နီ တိုင်းရင်းသားများဖြစ်ကြောင်းလူငယ်တစ်ဦး၏မိသားစုဝင်တစ်ဦးက ဖေစ်ဘွခ်တွင်ရေးသားထားသည်။

“ကမ္ဘာကြီးရေ ကျေးဇူးပြုပြီး မြန်မာနိုင်ငံကိုအာရုံစိုက်ပေးပါ။ ဒါကလုံးဝ မမျှတပါဘူး။ဒါကဒီကနေ့ကယားပြည်နယ်မှာ ဖြစ်ပျက်ခဲ့တာတွေပါ။သူတို့က အပြစ်မရှိတဲ့ ကောင်းလေးတွေပါ။ သူတို့က PDF အဖွဲ့ဝင်တွေလည်းမဟုတ်ပါဘူး သးတို့အသက်က ၁၄ နှစ် ၊၁၅ နှစ်ပဲ ရှိပါသေးတယ်။ သူတို့ထဲက တစ်ယောက်က ငါ့တူပါ။ သူတို့ နှစ်ယောက်ကို အာဏာသိမ်းစစ်တပ်ကသတိလိုက်ပြီ ။ ကျေးဇူးပြုပြီး မြန်မာနိုင်ငံကို ကူညီပေးကြပါ ၊ကယ်တင်ပေးကြပါ” ဟု လူငယ်နှစ်ဦး၏ မိသားစုဝင်တစ်ဦးကအဂ်လိပ်ဘာသာဖြင့်ရေးသား၍ ဖေ့စ်ဘွခ်တွင်တင်ထားသည်။

အာဏာသိမ်းစစ်ကောင်စီ၏ ရဲတပ်ဖွဲဝင်တစ်ဦးဖြစ်သော AT zaw အကောင့်ဖြင့်ဖေစ်ဘွခ်သုံးစွဲသူက “ခေါင်းထဲကို ကျည်ပြစ်မသွင်းခင် ကိုယ်ကြိုက်တာကိုယ်လုပ်
ခွင့်ပေးလိုက်ချိန်”ဟု ရေးသား၍ လူငယ်နှစ်ဦး၏ ဓါတ်ပုံကို ဖေစ်ဘွခ်တွင် ယနေ့တင်ထားသည်။ထိုကြောင့် စစ်ကောင်စီတပ်ဖွဲ့ဝင်တစ်ဦးကိုယ်တိုင်က လူငယ် ၂ ဦးကို ကြိုးတုပ်၍ ပစ်သတ်လိုက်သည်ကို အတည်ပြုလိုက်သည့်သဘောပင်ဖြစ်သည်။ လက်သုံးချောင်းထောင်ခြင်းမှာ စစ်အာဏာသိမ်းမှုနှင့် စစ်အာဏာရှင်ကို လက်မခံကြောင်း ပြသသည့် ပြည်သူများ၏ သကေ်တဖြစ်သည်။

လူငယ်နှစ်ဦးသည် ဒီမောဆိုးမြို့နယ် ၊စံပြ ၆ ရပ်ကွက်မှ စစ်ဘေးဒုက္ခသည် နှစ်ဦးဖြစ်ပြီး ရွာတွင်စစ်ကောင်စီတပ်က ဝင်စီးသဖြင့်ထွက်ပြေးနေရာမှ ရွာသို့ ပြန်လာစဥ် စစ်ကောင်စီ တပ်က ဖမ်းဆီးပြီးသတ်ဖြတ်လိုက်ခြင်းဖြစ်ကြောင်း ဒေသခံများအားကိုးကား၍ တာချီလိတ်နယူးစ်၊ Rice နယူးစ် နှင့် ခေတ်သစ်သတင်းဌာနတို့ကဖော်ပြထားသည်။

Public Service Announcement

လူငယ်နှစ်ဦး၏ အသက်ကို သတင်းဌာနများကာ၁၇ နှစ်တစ်ဦး ၊၁၈ နှစ်တစ်ဦးဟုဖော်ပြသော်လည်း အဒေါ်ဖြစ်သူဟုဆိုသူက ၁၄ နှစ် ၊ ၁၅ နှစ်ဟုရေးသားထားသည်။

သို့သော် လူငယ် နှစ်ဦးဖမ်းဆီးခံရသောရက်ကို အချို့သတင်းဌာနက ၈ ရက်ဟုရေးပြီး အချို့က ၉ ရက်ဟုရေးသားဖော်ပြနေသည်။ ဓာတ်ပုံတွင် အင်္ကျီအနီရောင်ဝတ်ဆင်ထားသူမှာ ပါစကွားလယ်ဖြစ်ပြီး၊ အင်္ကျီအပြာရောင်ဝတ်ထားသူမှာဖီဒေးလယ် ဖြစ်ကြောင်းလည်း သတင်းဌာနများကဖော်ပြသည်။

အာဏာသိမ်းစစ်ကောင်စီတပ်ကအပစ်မဲ့ပြည်သူများအပါအဝင် ၎င်းတို့ကို ဆန့်ကျင်သူများ ကိုနိုင်ငံတစ်ဝန်းနေ့စဥ်ရက်စက် ရက်ရက်စက်စက် သတ်ဖြတ်မှုများကိုကျူးလွန်နေသည်။ သို့သော်ပြည်သူများကလည်း အလျှော့မပေးဘဲ စစ်အာဏာရှင် ပြုတ်ကျရေးကို ပုံစံမျိုးစုံဖြင့်ပြုလုပ်နေသည်။