မရမ်းကုန်းမြို့နယ်တွင် ယမန်နေ့ညက အနည်းဆုံးပြည်သူခြောက်ဦးအား စစ်ကောင်စီက ဖမ်းဆီးခဲ့ကြောင်း သတင်းရရှိသည်။
ဖမ်းဆီးခံရသူများတွင် မရမ်းကုန်း (၂)ရပ်ကွက် ဇေယျာသုခလမ်းမှ သုံးဦး ဘောဂသိဒ္ဓိလမ်းမှ နှစ်ဦးနှင့် သမိုင်းမုဒိတာအိမ်ယာမှ တစ်ဦး အသီးသီးပါဝင်ကြောင်း ဒေသသတင်းရင်းမြစ်များအရ သိရသည်။
အဆိုပါ ဖမ်းဆီးမှုဖြစ်စဉ်များအနက် ဘောဂသိဒ္ဓိလမ်း အိမ်နံပါတ်(၁)ရှိ ပြည်သူနှစ်ဦးအဖမ်းခံရပြီး ဖုန်း ကွန်ပြူတာနှင့် ငွေကြေးအချို့သိမ်းဆည်းသွားသည့်အပြင် ယနေ့နံနက် ၈ နာရီကျော်က နေအိမ်ကိုလာရောက်ချိတ်ပိတ်သွားသည်ဟု Mayangone Information က ဖော်ပြသော်လည်း People’s Springက သီးခြားအတည်ပြုချက် မရရှိသေးပေ။
မရမ်းကုန်းမြို့နယ်တွင် ယမန်နေ့ညနေပိုင်းက သတင်းပေးဒလန် ရာအိမ်မှူးစိန်သောင်းဆိုသူ သေနတ်ဖြင့် ပစ်ခံရပြီးနောက် အကြမ်းဖက်စစ်ကောင်စီက ရပ်ကွက်များအတွင်း ရှာဖွေဖမ်းဆီးမှုများ ဆက်တိုက်ပြုလုပ်နေခြင်း ဖြစ်သည်။
Public Service Announcement
ထို့အပြင် ကမာရွတ်မြို့နယ်တွင်လည်း ဖမ်းဆီးမှုများပြုလုပ်၍ အနည်းဆုံးပြည်သူတစ်ဦးဖမ်းဆီးခံခဲ့ရသည်။
