ရန်ကုန်မြို့ မရမ်းကုန်းမြို့နယ်ရှိ ၉ မိုင် Oceanစူပါမားကတ်အနီးတွင် ယနေ့(စက်တင်ဘာ ၁၅ရက်) နံနက် ၈ နာရီကျော်က ဗုံးပေါက်ကွဲမှု ဖြစ်ပွားခဲ့ကြောင်း ဒေသခံများက ပြောသည်။
” ဘလူးတု စပီကာနဲ့ ချိတ်ဆက်ထားတဲ့ ဗုံးပေါက်ကွဲမှု ဖြစ်တာပါ။ Ocean ရှေ့ တစ်ဖက်ကားလမ်းမှာ ပေါက်တာပါ။ အုန်းခနဲ အသံအကျယ်ကြီး ကြားလိုက်ရပြီး မီးခိုးတွေ ထွက်လာတာ တွေ့လိုက်တယ်။ လူတွေ ထိခိုက်မှု ရှိတာတော့ မတွေ့ရပါဘူး။ မပေါက်သေးတဲ့ ဗုံးတစ် လုံးကျန်သေးတာလည်း လှမ်းတွေ့လိုက်ပါသေးတယ်။ လူအများသွားလာတဲ့ နေရာတွေ လုပ်တာဆိုတော့ ပျူစောထီးတွေပဲ လုပ်တာဖြစ်နိုင်ပါတယ်”ဟု မရမ်းကုန်းမြို့နယ်နေ မျက်မြင်တွေ့ရှိခဲ့သူတစ်ဦးက ပြော သည်။
လက်ရှိတွင် Ocean စူပါမားကတ်အနီး ပြည်လမ်းနှင့် မင်းဓမ္မလမ်းဘက် သွားသည့် လမ်းတို့ကို အကြမ်းဖက်စစ်ကောင်စီ တပ်ဖွဲ့ဝင်များက ပိတ်ဆို့ကာ စစ်ဆေးမှုများ ပြုလုပ်နေကြောင်း ဒေသခံအချို့က ပြောသည်။
