၂၀၂၀ ရွေးကောက်ပွဲရလဒ်တွေကို ခြွင်းချက်မရှိ အသိ အမှတ်ပြုလက်ခံပြီး ဒီမိုကရေစီကို ချက်ချင်း ပြန်လည် ပေးအပ်ရန် ဥရောပသမဂ္ဂ(EU)က ဒီနေ့ ထပ်မံတိုက်တွန်းလိုက်ပါတယ်။
ဒီနေ့ကျရောက်တဲ့ အပြည်ပြည်ဆိုင်ရာ ဒီမိုကရေစီနေ့မှာ EU ဟာ ဒီမိုကရေစီအခြေခံအုတ်မြစ်ကို ကာကွယ်မြှင့်တင်ပေးမယ်လို့ ပြတ်သားစွာ သန္နိဋ္ဌာန်ချထားကြောင်း ထပ်လောင်းအတည်ပြုတယ်လို့လည်း ထုတ် ပြန်ချက်မှာ ဖော်ပြပါတယ်။
အကြမ်းဖက်စစ်တပ် အာဏာသိမ်းယူတဲ့ ဖေဖော်ဝါရီ ၁ ရက်မှာ မြန်မာနိုင်ငံရဲ့ ဒီမိုကရေစီအသွင်ကူးပြောင်းမှု စံချိန်ဟာ နှစ်ပေါင်းများစွာ နောက်ကြောင်းပြန် ဆုတ် ယုတ်ခဲ့ရတယ်လို့ EU က ထုတ်ပြန်ပါတယ်။
EU ဟာ လွတ်လပ်မှုစံတန်ဖိုးတွေနဲ့ လူ့အခွင့်အရေးအပေါ် အလေးထားမှုတို့ကို ကာကွယ်စောင့်ရှောက်ပြီး အဲဒီရည်မှန်းချက်ကို ဖြည့်ဆည်းပေးနိုင်မယ့် နည်းလမ်းမှန်သမျှကို ချိန်ရွယ်အသုံးပြုဖို့ ကြိုးပမ်းနေသူများနဲ့အတူ ခိုင်မာစွာ ရပ်တည်နေတယ်လို့ ဆိုပါတယ်။
ဒီမိုကရေစီဟာ စိတ်ကူးယဉ်အတွေးသက်သက်မဟုတ်ဘဲ နေရာဒေသမရွေးရှိ လူသားတိုင်း ရရှိခံစားနိုင်တဲ့ လက်တွေ့ဘဝတစ်ရပ်ဖြစ်လာဖို့ လိုအပ်တယ်လို့ EU က ထုတ်ပြန်ပါတယ်။