မြန်မာ့အရေးအတွက် နယ်သာလန်မှာစက်ဘီးစီးပြီး ရန်ပုံငွေရှာ

အကြမ်းဖက်စစ်အုပ်ချုပ်ရေးအောက်ကျရောက်နေတဲ့မြန်မာနိုင်ငံကို ကယ်တင်ဖို့အတွက် နယ်သာလန်နိုင်ငံ သားတွေဦးဆောင်တဲ့ Bike for Burma(စက်ဘီးစီး၍မြန်မာကိုကယ်တင်ပါ)အစီအစဉ်ကို နယ်သာလန်နိုင်ငံမှာ ပြုလုပ်နေတယ်လို့ သိရပါတယ်။

“စစ်အုပ်ချုပ်ရေးလက်အောက်ကျရောက်နေပြီး ကပ်ရောဂါကိုလက်နက်အဖြစ်အသုံးချကာ ပြည်သူတွေကို တိုက်ခိုက်နေခြင်းတွေအတွက် စက်ဘီးပေါ်ခုန်တက်ပြီးမြန်မာပြည်ကိုကူညီကြရအောင်။ ကောက်ခံရရှိလာတဲ့ အလှူငွေများကို မြန်မာပြည်တွင်းကျန်းမာရေးစောင့် ရှောက်မှုများအတွက် အသုံးပြုသွားမှာဖြစ်ပါတယ်” လို့ Bike for Burma NLက ထုတ်ပြန်ထားပါတယ်။

ဒီနေ့ပြုလုပ်တဲ့ Bike for Burma လှုပ်ရှားမှုကို နယ်သာလန်စံတော်ချိန် မနက် ၈ မှ ၁၂ ခွဲ၊ မွန်းလွဲ ၁၂ ခွဲမှ ၂ နာရီ၊ မွန်းလွဲ ၂ မှ ညနေ ၄ နာရီအထိ အချိန်သုံးပိုင်းခွဲကာ နယ်သာလန်နိုင်ငံ Utrecht မြို့မှာ ကျင်းပနေတာဖြစ်ပါတယ်။