မြန်မာစီးပွားရေးကျဆင်းမှုသည် ခန့်မှန်းထားသည့်ထက် နှစ်ဆခန့်ကျဆင်းပြီး ယခုနှစ်အတွင်း စီးပွားရေးကျဆင်းမှုသည် ၁၈ဒဿမ၄ ရာခိုင်နှုန်းရှိလာသည်ဟု အာရှဖွံဖြိုးရေးဘဏ်က ထုတ်ပြန်သော အစီရင်ခံစာတွင်ဖော်ပြထားသည်။
အာရှဖွံဖြိုးရေးဘဏ်(ADB)က ၂၀၂၁စက်တင်ဘာတွင် ထုတ်ပြန်သော အစီရင်ခံစာတွင် ဖော်ပြထားပြီး မြန်မာနိုင်ငံသည် အရှေ့တောင်အာရှတွင် တစ်ခုတည်း စီးပွားရေးကျဆင်းလာသည့် နိုင်ငံဖြစ်လာသည်ဟု ဆိုသည်။
အာရှဖွံဖြိုးရေးဘဏ်က မြန်မာနိုင်ငံ၏ စီးပွားရေးကျဆင်းမှုသည် မူလ ၉ ဒသမ ၈ ရာခိုင်နှုန်းရှိမည်ဟု ခန့်မှန်းထားသော်လည်း ၂၀၂၁ စက်တင်ဘာလကုန်တွင် ၁၈ ဒသမ ၄ ရာခိုင်နှုန်းရှိလာမည်ဟု ADBကဆိုထား သည်။
ယခု ထိုစီးပွားရေးကျဆင်းနှုန်းသည် မြန်မာ့သမိုင်းတစ်လျှောက် အမြင့်ဆုံးစီးပွားရေးကျဆင်းနှုန်းဖြစ်သည်။ နှစ်ပေါင်း၃၀အတွင်း ပထမဦးဆုံးကြိမ် စီးပွားရေးပြန်လည်ကျဆင်းခြင်းဖြစ်သည်။
Public Service Announcement
၂၀၁၉တွင် မြန်မာနိုင်ငံ၏ စီးပွားရေးတိုးတက်နှုန်းသည် ၆ ဒသမ ၈ ရာခိုင်နှုန်း၊စစ်တပ်အာဏာမသိမ်းခင် ကိုဗစ်-၁၉ ရောဂါဖြစ်ပွားချိန်တွင် ၃ ဒသမ ၃ ရာခိုင်နှုန်းတိုးတက်ခဲ့သည်ဟုဆိုသည်။ မြန်မာနိုင်ငံတွင် စစ်အာဏာမသိမ်းခဲပါက ၂၀၂၁တွင် စီးပွားရေးတိုးတက်နှုန်းသည် ၆ ဒသမ ၂ ရာခိုင်နှုန်းရှိမည်ဟု ADBက ခန့်မှန်းထားခဲ့သည်။
ADBက ခန့်မှန်းထားအချက်အရ အာဆီယံနိုင်ငံများအနက် စင်ကာပူနှင့် မလေးရှားနိုင်ငံတိုသည် စီးပွားရေးအတိုးတက်ဆုံးနိုင်ငံများဖြစ်ပြီး စီးပွားရေးတိုးတက်မူ ၆ ရာခိုင်နှုန်းရှိသည်။ မြန်မာနိုင်ငံသည် စီးပွားရေးကဏ္ဍအားလုံးတွင် တရှိန်ထိုးကျဆင်းနေသည်ဟု ADBက ဆိုထားသည်။
စစ်တပ်အာဏာသိမ်းမူကြောင့် နိုင်ငံတွင်း စိုက်ပျိုးရေးလုပ်ငန်းများလည်းပျက်စီးခဲ့သည်ဟုလည်းဆိုသည်။ စိုက်ပျိုးရေးထွက်ကုန်များသည် ဈေးနှုန်းမရဘဲ သွင်းအားစုများ ဈေးကြီးမြင့်ခြင်း၊ နယ်စပ်ကုန်သွယ်ရေးပိတ်ထားတို့ကြောင့်ဖြစ်သည်ဟု ADBက ခန့်မှန်းထားသည်။
စက်မှုကုန်ထုတ်လုပ်မူလုပ်ငန်းများလည်း ၂၀ ရာခိုင်နှုန်းလျော့ကျခဲ့သည်ဟု ADBက ဆိုသည်။ မွေးမြူရေး၊ သတ္တု၊ ကုန်ထုတ်လုပ်မူစသည့် ပို့ကုန်အားလုံးလည်း ကျဆင်းခဲ့ရသည်ဟုဆိုသည်။နောက်လအတွင်း ၂၆ ရာခိုင်နှုန်းခန့်ဆက်လက်ကျဆင်းနိုင်သေးသည်ဟုလည်းဆိုထားသည်။
ငွေကြေးဖောင်းပွမှုသည် ၆ ဒဿမ ၂ ရာခိုင်နှုန်းအထိမြင့်တက်လာခဲ့သည်ဟု ADBက ဖော်ပြထားသည်။
မြန်မာကျပ်ငွေမတည်ငြိမ်မူသည် ဆိုးဆိုးဝါးဝါးဖြစ်လာပြီး ဒေါ်လာတန်ဖိုးသည် ၂၀၂၀ဇူလှိုင်နှင့် ၂၀၂၁ ဇူလှိုင်ကို နှိုင်းယှဉ်ပါက ၁၉ ဒသမ ၄ရာခိုင်နှုန်း မြင့်တက်ခဲ့သည်ဟု ADBက ဆိုထားသည်။
