ဒီမိုကရေစီအကျိုးပြုကရင်တပ်မတော်(DKBA)၏ လစ်လပ်လျက်ရှိသော စစ်ဦးစီးချုပ်နေရာတွင် ဒုတိယ စစ်ဦးစီးချုပ်ဖြစ်သည့် ဒုတိယဗိုလ်ချုပ်ကြီးစောစတီးအား ယနေ့(စက်တင်ဘာ ၂၃ရက်)မှစ၍ တာဝန်ပေး လိုက်ကြောင်း DKBAက ထုတ်ပြန်သည်။
ထိုသို့ တာဝန်ပေးခြင်းကို DKBAဗဟိုအလုပ်အမှုဆောင်ကော်မတီ အရေးပေါ် အစည်းအဝေးသဘောတူညီ ဆုံးဖြတ်ချက်အရ လုပ်ဆောင်ခဲ့ခြင်းဖြစ်သည်ဟု ဖော်ပြထားသည်။
DKBA စစ်ဦးစီးချုပ် ဗိုလ်ချုပ်ကြီးစောမိုးရှေးသည် ဇူလိုင် ၂၁ရက်က ကိုဗစ်ရောဂါနှင့် ကွယ်လွန်သွားခြင်းဖြစ်ပြီး နှစ်လကျော်အကြာတွင် ဒုစစ်ဦးစီးချုပ်ကို စစ်ဦးစီးချုပ် အဖြစ်တာဝန်ပေးလိုက်ခြင်းဖြစ်သည်။
