လက်နက်ကိုင်တပ်ဖွဲ့အားလုံး နိုင်ငံတကာလူ့အခွင့်အရေးဥပဒေများကို ချိုးဖောက်မိခြင်းမရှိစေရေး အထူးဂရုပြုကြဖို့ NUG တိုက်တွန်း

အကြမ်းဖက်စစ်ကောင်စီကို တွန်းလှန်နေကြတဲ့ လက် နက်ကိုင်တပ်ဖွဲ့အသီးသီးဟာ နိုင်ငံတကာလူ့အခွင့်အရေးဥပဒေများကို ချိုးဖောက်မိခြင်းမရှိစေရေးအတွက် အထူးဂရုပြုကြဖို့ အမျိုးသားညီ ညွတ်ရေးအစိုးရရဲ့ လူ့အခွင့်အရေးဆိုင်ရာဝန်ကြီးဌာနက ဒီနေ့တိုက်တွန်းထုတ်ပြန်ပါတယ်။

အပြစ်မဲ့ပြည်သူများ အထူးသဖြင့် အမျိုးသမီး၊ ကလေး သူငယ်၊ သက်ကြီးရွယ်အိုနဲ့ မသန်စွမ်းများ အပါအဝင် အထူးကာကွယ်စောင့်ရှောက်ပေးဖို့ လိုအပ်သူများကို အကြမ်းဖက်ခြင်းဟာ ဘယ်လို အခြေအနေမျိုးမှာမှ လုပ်ဆောင်သင့်တဲ့အရာမဟုတ်ဘဲ မထိခိုက်အောင် ကာကွယ်ပေးရမှာ ဖြစ် တယ်လို့ ထုတ်ပြန်ချက်မှာဖော်ပြပါတယ်။

မည်သည့်တပ်ဖွဲ့၊ အုပ်စုကမှ မကျူးလွန်ဖို့လည်း တာ ဝန်ရှိပြီး စစ်ကောင်စီရဲ့ အမျိုးသမီး၊ ကလေး သူငယ်များအပေါ် ကျူးလွန်မှုတွေအပါအဝင် လူ့အခွင့်အရေးချိုးဖောက်မှုများကို ဖော်ထုတ် မှတ် တမ်းတင်ကာ အပြစ်ရှိသူများကို တရားဥပဒေနဲ့အညီ ထိရောက်စွာအရေးယူနိုင်ဖို့ လူ့အခွင့် အရေးဆိုင်ရာဝန်ကြီးဌနအနေနဲ့ နိုင်ငံတကာနဲ့ပူးပေါင်းဆောင်ရွက်နေတယ်လို့ ဆိုပါတယ်။

အကြမ်းဖက်စစ်ကောင်စီကိုနည်းလမ်းအမျိုးမျိုးနဲ့တွန်းလှန်နေရာမှာ အပြစ်မဲ့ပြည်သူလူထု အပေါ် ထိခိုက်မှုတွေ မရှိဖို့နဲ့ လူ့အခွင့်အရေးကို လေးစားကာကွယ်မှုတွေရှိလာဖို့အတွက် ပြည် သူကာကွယ်ရေး တပ်မတော်တပ်ဖွဲ့ဝင်တွေအနေနဲ့ လိုက်နာကျင့်သုံးအပ်တဲ့ စစ်သည်တော်ကျင့် ဝတ်များ၊ စစ်ဘက်ဆိုင်ရာ စည်းမျဉ်းစည်းကမ်းများကို တင်းကြပ်စွာလိုက်နာကြဖို့ ထပ်လောင်း အသိပေးထားပါတယ်။

Public Service Announcement