'/%3E%3C/svg%3E){kind=small}
အကြမ်းဖက်စစ်တပ်ရဲ့အာဏာသိမ်းမှုကြောင့်နဲ့ COVID-19 ကပ်ဘေးကြောင့် မြန်မာနိုင်ငံ အခြေအနေဆိုးရွားနေပြီး လူသားချင်းစာနာမှုအကျပ်အတည်းကို ရင်ဆိုင်နေရတယ်လို့ ကုလသမဂ္ဂအတွင်းရေးမှူးချုပ်ရဲ့ ပြောရေးဆိုခွင့်ရှိသူက ပြောပါတယ်။
စက်တင်ဘာ ၂၇ ရက် မွန်းလွဲပိုင်းက ပြုလုပ်ခဲ့တဲ့ သတင်းစာရှင်းလင်းပွဲမှာ မြန်မာ့အရေးကို ထည့်သွင်းပြောကြားခဲ့တာဖြစ်ပြီး မြန်မာနိုင်ငံရဲ့ လူဦးရေ ၃ သန်းလောက်ဟာ လူသားချင်း စာနာမှုအကူအညီတွေ လိုအပ်နေတယ်လို့ ကုလပြောရေးဆိုခွင့်ရှိသူ Stephane Dujarric ကပြောပါတယ်။
အထိခိုက်ဆုံးသူတွေဟာ မြို့ပြဧရိယာ အထူးသဖြင့် ရန်ကုန်နဲ့ မန္တလေးမြို့တို့မှာ နေထိုင်တဲ့ မိသားစုတွေဖြစ်ပြီး မြန်မာပြည်ရဲ့အရှေ့တောင်ပိုင်းနဲ့ အနောက်ပိုင်းတွေမှာလည်း ပဋိပက္ခ ကြောင့် သက်ရောက်မှုရှိနေတယ်လို့ ကုလပြောရေးဆိုခွင့်ရှိသူက ဆက်ပြောပါတယ်။
အာဏာသိမ်းတဲ့ဖေဖော်ဝါရီ ၁ ရက်ကစလို့ လက်နက်ကိုင်ထိတွေ့တိုက်ပွဲတွေကြောင့် ပြည်တွင်း နေရပ်စွန့်ခွာတိမ်းရှောင်သူ ၂၂၀၀၀၀ ကျော်အထိ ရှိနေပါပြီ။
Public Service Announcement
၂၀၂၁အတွက် လူသားချင်းစာနာမှုတုံ့ပြန်ရေးအစီအစဉ်ဟာ မြန်မာပြည်သူ ၃ သန်းကျော်ကို ကူညီဖို့ အမေရိကန်ဒေါ်လာ ၂၇၆ ဒသမ ၅ သန်း လိုအပ်ပေမယ့် လက်ရှိအချိန်အထိ ၄၇ ရာခိုင်နှုန်းသာ ရန်ပုံငွေ ရရှိသေးတယ်လို့ ကုလပြောရေးဆိုခွင့်ရှိသူက ပြောပါတယ်။
ဓါတ်ပုံ-အာဏာသိမ်းစစ်ကောင်စီတပ်က လက်နက်ကြီးများဖြင့်ပစ်ခတ်ဖျက်ဆီး ခဲ့သဖြင့် ထန်တလန်မြို့ရှိနေအိမ်ပေါင်ဆယ်နှင့်ချီ၍ ပျက်စီးခဲ့ပြီး ယခုအခါထန်တလန်မြို့မှ ဒေသခံပြည်သူများမနေရဲတော့ဘဲ နေရပ်မှထွက်ပြေးတိမ်းရှောင်နေရပြီဖြစ်သည်။
