ရန်ကုန်မြို့ တစ်နေရာတွင် ယနေ့ (စက်တင်ဘာ ၂၈ ရက်) ညနေပိုင်း၌ လူငယ်များက မီးတုတ်များ ကိုင်ဆွဲ၍ စစ်အာဏာရှင်ဆန့်ကျင်ကြောင်း ချီတက် သပိတ်မှောက် ဆန္ဒပြခဲ့ကြသည်။
အဆိုပါသပိတ်ကို OCTOPUS ရေဘဝဲ ပြည်သူ့အကျိုးပြု လူငယ်အဖွဲ့အစည်း မှဦးဆောင်၍ တကသကျောင်းသားများ နှင့် မြို့နယ်သပိတ်စစ်ကြောင်းများ ပူးပေါင်း၍ လုပ်ဆောင်ခဲ့ခြင်း ဖြစ်သည်။
လူငယ်များသည် “ဘာတွေလဲ ရေဘဝဲတွေ” ဆိုသည့်စာတန်းကို ကိုင်ဆောင်ပြီး သံပုံးတီး၍ စစ်အာဏာရှင် ဖြုတ်ချရေး၊ ဒီမိုကရေစီ ရရှိစေရေး ကြွေးကြော်ဆန္ဒပြခဲ့ကြသည်။
ရန်ကုန်မြို့တွင် စစ်ကောင်စီက လုံခြုံရေးများ တင်းကြပ်စွာချထားသော်လည်း လူငယ်များက ပုံစံမျိုးစုံဖြင့် နေ့စဉ်ဆန့်ကျင်ဆန္ဒပြလျက်ရှိသည်။