လူသုံးကုန်နှင့်​ဆေးဝါးများကိုသင့်တင့်​သောနှုန်းဖြင့်​ရောင်းချရန် မုံရွာမြို့ ပြည်သူအုပ်ချုပ်​ရေးအဖွဲ့တိုက်တွန်း

မုံရွာမြို့ရှိ စီးပွားရေးလုပ်ငန်းရှင်များအနေဖြင့် လူသုံးကုန်နှင့်ဆေးဝါးများရောင်းချရာတွင် သင့်တင့်သော နှုန်းထားများဖြင့်သာရောင်းချရန် မုံရွာမြို့နယ် ပြည်သူအုပ်ချုပ်ရေးအဖွဲ့က တိုက်တွန်းလိုက်သည်။

ဒေါ်လာဈေး မြင့်တက်လာချိန်တွင် ကုန်ဈေးနှုန်းထိန်းချုပ်ရန်အတွက် မုံရွာမြို့နယ် ပြည်သူအုပ်ချုပ်ရေးအဖွဲ့က တိုက်တွန်းလိုက်ခြင်းဖြစ်သည်။

ထိုတိုက်တွန်းချက်တွင် ပြည်သူအချင်းချင်းရိုင်းပင်ကူညီ၍ သင့်တင့်သောဈေးနှုန်းများဖြင့် ရောင်းချရန်အပြင် အကြမ်းဖက် စစ်ကောင်စီနှင့် ပတ်သတ်ခြင်းမပြုရန်လည်းပါဝင်သည်။ ထိုပြင် နွေဦးတော်လှန်ရေး အောင်မြင်နိုင်ရေးအတွက် တတ်နိုင်သည့်ဘက်မှ အားဖြည့်ကူညီရန်လည်း မုံရွာမြို့နယ် ပြည်သူအုပ်ချုပ်ရေးအဖွဲ့က တိုက်တွန်းထားသည်။

စက်တင်ဘာလ ၂၈ ရက်တွင် တစ်ဒေါ်လာကို ၃၂၀၀ကျပ်နှင့် ရွှေတစ်ကျပ်သားကို ၂၂သိန်းကျော်အထိ မြင့်တက်ခဲ့သည်။ထို​ကြောင့် ပြည်သူများကကုန်​ဈေးနှုန်းများအဆမတန်ကြီးလာမည်ကို စိုးရိမ်​နေကြသည်။

Public Service Announcement

မုံရွာမြို့နယ် ပြည်သူအုပ်ချုပ်ရေးအဖွဲ့ကို ယခုနှစ် ​ဖေ​ဖော်ဝါရီ လကုန်တွင် စတင်ဖွဲ့စည်းခဲ့ပြီး ၊ ၂၀၂၀​ရွေး​ကောက်ပွဲအနိုင်ရအမတ်များဖြင့်ဖွဲ့စည်းထား​သောပြည်​ထောင်စုလွှတ်​တော်ကိုယ်စားပြု​ကော်မတီ (CRPH) ၏ ကြားကာလပြည်သူ့အုပ်ချုပ်​ရေးအစီအစဥ်အတိုင်းဖွဲ့စည်းထားသည်ဟုဆိုသည်။ ထို​ကြောင့် CRPH ကိုတာဝန်ခံပြီး မုံရွာမြို့နယ်လုံးဆိုင်ရာလူထုသပိတ် တိုက်ပွဲ​ဦးဆောင်​ကော်မတီနှင့်ချိတ်ဆက်​ဆောင်ရွက်​နေ​သောအဖွဲ့ဖြစ်သည်။