ချင်းတွင်းမြစ်ရိုးတလျှောက် ဆန်တက်လာသည့်အကြမ်း ဖက်စစ်ကောင်စီ၏ ရေယာဉ်ကို စက်တင်ဘာ ၂၉ရက်က တိုက်ခိုက်ခဲ့ကြောင်း မုံရွာမြို့နယ် ပြည်သူ့ကာကွယ်ရေးတပ်ဖွဲ့ (MPDF)က သတင်းထုတ်ပြန် သည်။
အဆိုပါတိုက်ခိုက်မှုကို ကနီမြို့နယ်ပြည်သူ့ကာကွယ်ရေးတပ်ဖွဲ့ နှင့် ပူးပေါင်းဆောင်ရွက်ခဲ့ခြင်းဖြစ်ပြီးအကြမ်းဖက်စစ်ကောင်စီဘက်မှ နှစ်ယောက်သေဆုံးကာ အများအပြား ဒဏ်ရာရရှိခဲ့ကြောင်း၊ PDF တပ်ဖွဲ့များဘက်က ထိခိုက်ဒဏ်ရာရမှုမရှိခဲ့ကြောင်း အသိပေးထားသည်။
MPDF သည် မုံရွာမြို့အတွင်း ပြောက်ကျားတိုက်ပွဲများအပြင် စစ်ကိုင်းတိုင်းဒေသကြီးအတွင်းရှိ ဒေသခံမဟာမိတ် ကာကွယ်ရေး တပ်ဖွဲ့များနှင့် ပူးပေါင်း၍ ခုခံစစ်ဆင်နွှဲလျက်ရှိကြောင်းလည်း ထုတ်ပြန်ခဲ့သည်။
ရည်မှန်းချက် ပန်းတိုင်ဖြစ်သည့် အကြမ်းဖက် စစ်ကောင်စီ အလုံးစုံပျက်သုဉ်းရေး၊ စစ်မှန်သော ဖက်ဒရယ် ဒီမိုကရေစီ နိုင်ငံတော်သစ် ပေါ်ပေါက်ရေးတို့အတွက် ဆက်လက် တိုက်ပွဲဝင်သွားမည် ဖြစ်ကြောင်းအသိပေးအပ်သည်ဟုလည်း ဖော်ပြထားသည်။
Public Service Announcement
“စစ်ကိုင်းတိုင်းဒေသကြီးအား အကြမ်းဖက်စစ်ကောင်စီမှ မြူတမှုန်စာမျှပင် အုပ်ချုပ်ခွင့်မရစေရ’’ဟုလည်း ထုတ်ပြန်ချက်၌ ရေးသားထားသည်။
