ဒေါ်လာဈေး အဆမတန်မြင့်တက်လာခြင်းကြောင့် စက်သုံးဆီဆိုင်အချို့ စက်သုံးဆီအရောင်းပိတ်သိမ်း၍ အချို့နေရာများ တန်းစီဝယ်ယူနေရသည်။
နယ်မြို့အချို့တွင် စက်သုံးဆီရောင်းချမှုမှာ 95 တစ်လီတာကို ကျပ် ၂၀၀၀အထိမြင့်တက်လာပြီး အချို့ဆိုင်များက ဈေးမဖွင့်နိုင်တော့၍ ပိတ်သိမ်းထားသည်ဟု ဆိုင်ရှင်အချို့က ပြောသည်။
“ဒေါ်လာဈေးက အတက်များပြီး ဘယ်လောက်ပေါက်လဲ မသိတော့၊ ဆီဈေးကိုလည်း မဖွင့်နိုင်လို့ အရောင်းပိတ်ထားရတယ်”ဟု ပဲခူးတိုင်းမှ စက်သုံးဆီဆိုင်ပိုင်ရှင်တစ်ဦးက ပြောသည်။
ပဲခူတိုင်းတွင် 92 တစ်လီတာကို ကျပ် ၁၅၀၀နှင့် 95 တစ်လီတာ ကို ၁၉၅၀ကျပ် ပေါက်ဈေးဖွင့်ထားသည်။
Public Service Announcement
ရန်ကုန်မြို့တွင် 92 တစ်လီတာကို ကျပ် ၁၅၀၀ နှင့် 95 တစ်လီတာကို ၁၆၀၀ ခန့်ဈေးဖွင့်ထားသည်။
အခြားတိုင်းနှင့်ပြည်နယ်များတွင်လည်း 95 တစ်လီတာကို ကျပ် ၁၈၀၀ အထက်တွင်ရှိနေသည်။ ထိုသို့ စက်သုံးဆီမြင့်တက်လာမူကြောင့် စက်သုံးဆီဆိုင် အချို့မှာရောင်းချမှု ရပ်နားကြသည်။
အချို့မြို့များတွင် စက်သုံးဆီပျက်လပ်တော့မည်ဟူသော ကောလဟာလများကြောင့် စက်သုံးဆီများ အလုအယက်ဝယ်ယူနေကြသည်။
စက်သုံးဆီဈေးကွက်အတွင်း ဈေးနှုန်းမြင့်တတ်နေခြင်းကို ထိန်းချုပ်ရန်အတွက် နိုင်ငံတစ်ဝန်းရှိ စက်သုံးဆီဆိုင် များအနက် ဆိုင်ပေါင်း၁၀၀ ကျော်သည် စက်တင်ဘာ ၂၅ ရက်မှစတင်ကာ ပြင်ပပေါက်ဈေးထက် သက်သာသောနှုန်းများဖြင့်ရောင်းချပေးမည်ဟု အကြမ်းဖက်စစ်ကောင်စီ၏ ဝါဒဖြန့်မီဒီယာများတွင်ဖော်ပြထားသည်။လျှပ်စစ်နှင့်စွမ်းအင်ဝန်ကြီးဌာန ထုတ်ပြန်ချက်အရ တစ်နိုင်ငံလုံးတွင် စက်သုံးဆီအရောင်းဆိုင်ပေါင်း သုံးထောင်ခန့် ရှိသည်။
ပြင်ပပေါက်ဈေးတွင် စက်တင်ဘာ ၂၈ ရက်မှစတင်ပြီး တစ်ဒေါ်လာကို ကျပ် ၂၇၀၀ မှ ၃၀၀၀ ကျပ်အထိ မြင့်တက်လာပြီး ဒေါ်လာဈေးကွက် ကမောက်ကမဖြစ်နေသည်။
