ကြည့်မြင်တိုင် ဗားကရာမီးပွိုင့်၌ အောက်တိုဘာ ၂ ရက်ညနေက ယာဥ်တိုက်မှုဖြစ်ခဲ့ရာ နှစ်ဖက်စလုံးထိခိုက်ဒဏ်ရာကြီးကြီးမားမားရရှိခြင်းမရှိကြောင်း ခေတ်သစ်လူငယ် လူမှုကူညီကယ်ဆယ်ရေးအဖွဲ့မှ တာဝန်ရှိသူကပြောသည်။
“ကျွန်တော်တို့က မီးပွိုင့်စိမ်းလို့အထွက်မှာ သူတို့ကားကထွက်လာတော့တိုက်မိပြီး ကားက ဗားကရာချောက်ပေါ်တတ်သွားတာ “ဟု အထက်ပါတာဝန်ရှိသူကပြောသည်။
လူမှူကူညီကယ်ဆယ်ရေးအဖွဲ့မှ ယာဥ်သည် ကိုးထပ်ကြီးဘုရားဘက်မှ ကမ်းနားလမ်းသို့သွားခြင်းဖြစ်ပြီး အိမ်စီးကားသည် ကမ်းနားဘက်မှ ကြည့်မြင်တိုင်အထက်လမ်းသို့ ကွေ့ခဲ့ရာမှ တိုက်မိခဲ့ခြင်းဖြစ်သည်။
ဗားကရာချောက်ပေါ်သို့တတ်နေသည့် ကားပုံသည် လူမှုကွန်ရက်အသုံးပြုသူများအကြား ပြန့်နှံ့မှုများပြားခဲ့ပြီး အဆိုပါမီးပွိုင့်၏ ချို့ယွင်းချက်ကြောင့် ယာဥ်တိုက်မှုဖြစ်ပွားခဲ့ခြင်းဖြစ်နိုင်ကြောင်း ယာဥ်ပိုင်ရှင်အချို့က မှတ်ချက်များရေးသားထားသည်။
Public Service Announcement
