ဧပြီ – ၁၈ ၊၂၀၂၆ ၊ ဆိုင်းမင်း/People’s Spring
မွန်ပြည်နယ် ၊ သထုံမြို့နယ်၊ ရန်ကုန် – မော်လမြိုင်သွားကားလမ်းပေါ်မှာကားချင်း မျက်နှာချင်းဆိုင်တိုက်မိတာကြောင့် ကားပေါ်လိုက်ပါလာတဲ့ ဘုန်းကြီး ရှစ်ပါး အပါအဝင် ၁၁ ဦးသေဆုံးခဲ့တယ်လို့ ကူညီကယ်ဆယ်ရေးလုပ်ဆောင်ပေးသူထံကသိရပါတယ်။
ရန်ကုန် – မော်လမြိုင်သွားကားလမ်း မိုင်တိုင်အမှတ် (၁၀၄/၅) အနီးမှာ ဒီနေ့ (ဧပြီလ ၁၈ရက်) ညနေ ၄ နာရီဝန်းကျင်က ခရီးသည်တင် အဝေးပြေးကားနဲ့ ဘုန်းကြီးတွေလိုက်ပါလာတဲ့ ဟိုက်ဂျက်ကား (Hiject ) ကားတို့ မျက်နှာချင်းဆိုင်တိုက်မိတာပါ။
အခင်းဖြစ်တဲ့နေရာမှာတင် ကိုရင်ငယ်တစ်ပါး၊ ဘုန်းကြီးငါးပါးနဲ့ အမျိုး သားသုံးဦး စုစုပေါင်း ကိုးဦး သေဆုံးခဲ့တယ်လို့ သိရပါတယ်။
Public Service Announcement
“ နေရာမှာတင် ဆုံးတာက ကိုး ဦးပါ၊ ဆေးရုံရောက်မှာ ဆုံးတာ နှစ် ဦး ပါ “ လို့ လူမူကူညီရေး လုပ်ကိုင်သူတစ်ဦးကပြောပါတယ်။
ဒါကြောင့် ယာဉ်တိုက်မှု ဖြစ်စဉ်မှာ ဘုန်းကြီး ခုနှစ် ပါး ၊ ကိုရင် တစ်ပါး စုစုပေါင်း ရှစ်ပါး ပျံလွန်တော်မူပြီး ကျန်တဲ့သုံးဦးကတော့ အမျိုးသားသုံးဦး ဖြစ်တယ်လို့သိရပါတယ်။
ဒါအပြင်ကားပေါ်ပါလာတဲ့ကျန်တဲ့ ဘုန်းကြီးတွေ အပါအဝင် ရှစ် ဦးလည်း ထိခိုက်ဒဏ်ရာခဲ့ပါသေးတယ်။
ထိခိုက်ဒဏ်ရာရသူတွေကိုတော့ သထုံဆေးရုံကြီးကို ပို့ဆောင်ထားတယ်လို့သိရပါတယ်။
