အာဏာသိမ်းစစ်ခေါင်းဆောင် လာရန် ပြင်ဆင်နေသော ပူတာအို မူလာရှီးဒီစစ်တပ်ဂိတ်ကိုပြည်သူ့ကာကွယ်ရေးအဖွဲ့ -PDF ကလက်နက်ကြီး လက်နက်ငယ်များဖြင့် အချက် ၃၀ ထက်မနည်း တိုက်ခိုက်ခဲကြောင်း ဒေသခံမီဒီယာများမှ ဖော်ပြသည်။
အောက်တိုဘာ ၃ရက် နံနက်အစောပိုင်း ၁ နာရီခန့်က စစ်ကောင်စီတပ်နှင့်ရဲများ စုပေါင်းလုံခြုံရေး ချထားသော မူလာရှီးဒီ စစ်တပ်ဂိတ်ကို ပြည်သူ့ကာကွယ်ရေးတပ် PDF အဖွဲ့က ဝင်ရောက် တိုက်ခိုက်ခဲ့ခြင်းဟု သိရသည်။
စစ်ကောင်စီ တပ်သားမည်မျှကျဆုံးထိခိုက်သည်ကိုမူ လတ်တလောမသိရှိရသေးပေ။
ပူတာအို မူလာရှီးဒီ အထူးစစ်ဆေးရေး စုပေါင်းဂိတ်ကို သတိပေး ပစ်ခတ်ခဲ့သည်မှာ မှန်ကန်ပြီး အကြမ်းဖက်စစ်ခေါင်းဆောင်မင်းအောင်လှိုင် ပူတာအို သို့လာမည်ဖြစ်သည့်အတွက် ပူတာအို မှလက်မခံပါကြောင်းနှင့် ရောက်ရှိလာပါက ဒီထက် ကြမ်းသော သတိပေး ပစ်ခတ်မူများပြုလုပ်သွားမည် ဟု ပူတာအိုခရိုင်ပြည်သူ့ကာကွယ်ရေးတပ်က ယနေ့နံနက်ပိုင်းတွင်ထုတ်ပြန်သည်။
Public Service Announcement
လုံခြုံရေးအခြေအနေကြောင့် ပူတာအို ခရီးစဥ်ကို အာဏာသိမ်းစစ်ခေါင်းဆောင်က နှစ်ကြိမ်တိုင် ခရီးစဥ်ရွှေ့ဆိုင်းခဲ့ရကြောင်း သတင်းထွက်ပေါ်ထားသည်။
ထို့အပြင် ပူတာအို ပြည်သူ့ကာကွယ်ရေးတပ်ဖွဲ့ကလည်း အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် လာရောက်မည့်ခရီးစဥ်အတွက် တိုက်ခိုက်ရန်ပြင်ဆင်ထားပြီးဖြစ်ကြောင်း ကြေညာထားသည်။
