ဒဂုံတက္ကသိုလ်ကျောင်းသားများသမဂ္ဂဟာ အရေးပေါ်ကာလပြဌာန်းချက်တွေ ထုတ်ပြန်ကြေညာလိုက်ပြီး အရေးပေါ်ကာလမှာ စစ်အာဏာရှင်စနစ် အမြစ်ပြတ်ချုပ်ငြိမ်းရေးနဲ့ ဖက်ဒရယ်ဒီမိုက ရေစီတည်ဆောက်ရေးတို့ကို ဦးတည်ဆောင်ရွက်မယ်လို့ ဒီနေ့ထုတ်ပြန်ပါတယ်။
ဒဂုံတက္ကသိုလ်ကျောင်းသားများသမဂ္ဂနွေဦးတော်လှန် ရေးလုပ်ငန်းတာဝန်တွေကို ထိရောက်စွာ ဆောင်ရွက်နိုင်ရေးအတွက်နဲ့ သမဂ္ဂရဲ့ဖွဲ့စည်းပုံ အခြေခံစည်းမျဉ်းပါ ပြဌာန်းချက်တွေကို သွေဖယ်ခြင်းမရှိရေးအတွက် အရေးပေါ်ကာလပြဌာန်းချက်တွေကို ထုတ်ပြန်တာဖြစ်တယ်လို့ ဆိုပါတယ်။
အရေးပေါ်ကာလမှာ ဒဂုံတက္ကသိုလ်ကျောင်းသားများသမဂ္ဂရဲ့ ဖွဲ့စည်းပုံအခြေခံစည်းမျဉ်းကို ဆိုင်းငံ့ထားမှာဖြစ်ပြီး သမဂ္ဂဥက္ကဌဟာ ဗဟိုအလုပ်အမှုဆောင်ကော်မတီရဲ့ သဘောတူဆုံးဖြတ်ချက်နဲ့ နိုင်ငံရေးတိုက်ပွဲဦးဆောင်ကော်မတီကို ဖွဲ့စည်းရမယ်လို့ ပြဌာန်းချက်မှာ ဖော်ပြပါတယ်။
သမဂ္ဂရဲ့ အရေးပေါ်ကာလကို တစ်နှစ်သတ်မှတ်ပြီး တာဝန်ထမ်းဆောင်ဆဲ ဗဟိုအလုပ်အမှုဆောင် ကော်မတီဝင်သုံးပုံနှစ်ပုံရဲ့ သဘောတူညီမှုနဲ့ သက်တမ်းတိုးနိုင်တယ်လို့ ဆိုပါတယ်။
ဗဟိုအလုပ်အမှုဆောင်ကော်မတီဟာ သင့်တော်တဲ့ကာလမှာ ဒဂုံတက္ကသိုလ်ကျောင်းသူ၊ ကျောင်းသားအားလုံးတက်ရောက်ခွင့်ရှိတဲ့ ကျောင်းသားထုညီလာခံတရပ်ခေါ်ယူရမှာလို့လည်း ပြဌာန်းထားပါတယ်။
အဲဒီညီလာခံမှာ ဗဟိုအလုပ်အမှုဆောင်ကော်မတီက အရေးပေါ်ကာလဆောင်ရွက်ချက်တွေကို တင်ပြပြီးနောက် အရေးပေါ်ကာလကို ပယ်ဖျက်ကြောင်းကြေညာရမယ်လို့လည်း ထည့်သွင်းထားပါတယ်။