အကြမ်းဖက်မြန်မာစစ်တပ်နဲ့မပတ်သက်ဖို့နဲ့ အမျိုးသားညီညွတ်ရေးအစိုးရ NUGကို အမြန်ဆုံးတရားဝင်အသိ အမှတ်ပြုဖို့ ဂျပန်ဝန်ကြီးချုပ်သစ် Kishida ကို ဂျပန်လူမျိုးတွေအပါအဝင် ဂျပန်ရောက်မြန်မာတွေက တောင်းဆိုလိုက်ပါတယ်။
ဂျပန်ဝန်ကြီးချုပ်သစ် Kishida ရဲ့ အိမ်တော်ရုံးရှေ့မှာ ဂျပန်ရောက်မြန်မာတွေနဲ့ အရပ်ဖက်အဖွဲ့အစည်းတွေ စုဝေးပြီး ဒီကနေ့ ဆန္ဒထုတ်ဖော်ခဲ့တာဖြစ်ပါတယ်။
အာဏာသိမ်းအကြမ်းဖက်စစ်အုပ်စုဆီ စီးဆင်းနေတဲ့ သွေးစွန်းနေတဲ့ ငွေကြေးတွေ ရပ်တန့်ဖို့၊ ODA ချေးငွေးတွေ ရပ်တန့်ဖို့၊ မြန်မာနိုင်ငံမှာ ရင်းနှီးမြှုပ်နှံမှုအသစ်တွေ မလုပ်ဖို့၊ NUG အစိုးရကို အမြန်ဆုံးတရားဝင်အသိ အမှတ်ပြုပေးဖို့ စတဲ့အချက်တွေကို ဂျပန်လူမျိုး ၇၀ ဦးကျော်နဲ့အတူ မြန်မာတွေ ပူးပေါင်း ဆန္ဒထုတ်ဖော်ခဲ့တာဖြစ်ပါတယ်။
ပူးပေါင်းလှုပ်ရှားခဲ့တဲ့ အဖွဲ့အစည်းတွေက Mekong Watch – မဲခေါင်စောင့်ကြည့်ရေး၊ ဗုဒ္ဓဘာသာအပြည်ပြည်ဆိုင်ရာပူးပေါင်းဆောင်ရွက်ရေးကွန်ယက်၊ အပြည်ပြည်ဆိုင်ရာကမ္ဘာမြေ သဘာဝပတ်ဝန်းကျင် NGO FoE Japan ၊ စစ်လက်နက်ကုန်သွယ်ရေးဆန့်ကျင်သောကွန်ယက်(NAJAT)၊ ဂျပန်အပြည်ပြည်ဆိုင်ရာစေတနာ့ ဝန်ထမ်းစင်တာ(JVC) နဲ့ မြန်မာနိုင်ငံသား အလုပ်သမားသမဂ္ဂအဖွဲ့ချုပ်( ဂျပန် )FWUBC တို့ ဖြစ်ပါတယ်။
Public Service Announcement
