အနောက်မြောက်တိုင်းစစ်ဌာနချုပ် ဒုတိုင်းမှူ၏ လက် ထောက် ဒုတပ်ကြပ်အဆင့်ရှိသူအပါအဝင် ချင်းပြည် နယ်အတွင်း၌ အာဏာဖီဆန်ရေးလှုပ်ရှားမှု (CDM) လုပ်ထားသည့် စစ်သား ၁၀၀ကျော်ရှိကြောင်း ချင်းပြည်ကာကွယ်ရေးတပ်ဖွဲ့(CDF) ပြောရေးဆိုခွင့်ရှိသူက ပြောကြားသည်။
ဟားခါးအခြေစိုက်ပြီး ကြီးကြပ်ကွပ်ကဲနေသည့် ဒုတိုင်း မှူး ဗိုလ်မှူးချုပ်မျိုးထွဋ်လှိုင်၏ လက်ထောက်နှင့် ကားဆရာတို့ ထွက်ပြေးလာကြောင်း ချင်းအလူ့အခွင့် အရေးအဖွဲ့က ဖော်ပြခြင်းနှင့် ပတ်သက်ပြီး CDF တာဝန် ရှိသူက ယခုကဲ့သို့ ပြောကြားသည်။
“(ဒုတိုင်းမှူး လက်ထောက်) ထွက်ပြေးလာတယ်ဆိုတဲ့ဟာ အမှန်ပဲ။ သူတို့က စစ်အာဏာရှင် လက်အောက်မှာ မနေလိုတော့လို့ ကျွန်တော်တို့နဲ့ လာပူးပေါင်းတာပါ။ သူတို့အချင်းချင်းကြားမှာ အုပ်ချုပ်မှုပိုင်းဆိုင်ရာ အဆင်မပြေမှုတွေအများကြီး ရှိတယ်ထင်တယ် အဲဒါတွေလည်း ပါတာပေါ့”ဟု CDF ပြောရေးဆိုခွင့်ရှိသူက ပြောသည်။
ယခု ထွက်ပြေးလာသူသည် ဒုတပ်ကြပ်အဆင့်ရှိသူဖြစ်ကြောင်း၊ ၎င်းအပါအဝင် CDM စစ်သား ၁၀၀ ကျော်ရှိကြောင်း ၎င်းက ဆိုသည်။ ထို့အပြင် ချင်းပြည်နယ်ရှိ ရဲတပ်ဖွဲ့ဝင် အများအပြားသည်လည်း CDM ပြုလုပ်ထားသည်။
လက်ရှိတွင် စစ်ကောင်စီတပ်က ချင်းပြည်နယ်အတွင်း ထိုးစစ်ဆင်ရန် အင်အားဖြည့်တင်းမှုများလုပ်ဆောင်နေပြီး တင့်ကားများပါ ဖြည့်တင်းထားကြောင်း CDFက ဆိုသည်။
စစ်တပ်အာဏာသိမ်းပြီးနောက်ပိုင်းတွင် ချင်းပြည်နယ်ရှိ မြို့နယ်အသီးသီးတွင် CDF များဖွဲ့စည်းပြီး ချင်းအမျိုး သားတပ်ဦး(CNF/CNA) တပ်များနှင့်အတူ ပူးပေါင်းကာ စစ်ကောင်စီကို ခုခံတိုက်ခိုက်လျက်ရှိသည်။ ထို့အပြင် CDFနှင့် CNA တပ်ဖွဲ့ဝင်များသည် ဒေသချင်းဆက်စပ်နေသည့် မကွေးတိုင်းအတွင်းရှိ စစ်ကောင် စီတပ်ကိုခုခံနေသည့် ဒေသပြည်သူ့ကာကွယ်ရေးတပ်ဖွဲ့ (PDF)များနှင့် ပူးပေါင်းပြီးလည်း စစ်ကောင်စီကိုခုခံတိုက်ခိုက်လျက်ရှိသည်။