ပျူစောထီးများ ပြည်သူနှင့်ပူးပေါင်းပြီး လက်နက်အပ်ရန် YDF ထုတ်ပြန်၊ ထီးလင်းမှ ပျူစောထီး၃၀ဦးတူမီးများနှင့်အတူ ပူးပေါင်းလာ

စစ်ကောင်စီလက်ပါးစေ ပျူစောထီးများ လက်နက်အပ် လာရောက်ပူးပေါင်းခြင်းကို ဝမ်းမြောက်စွာကြိုဆိုကြောင်းနှင့် နောက်ထပ်လာရောက်အပ်နှံခြင်းမရှိလျင် ပြင်းထန်သော အရေးယူဆောင်ရွက်မှုများ လုပ်သွားမည်ဖြစ်ကြောင်း ယောဒေသကာကွယ်ရေးတပ်ဖွဲ့(YDF)က ယနေ့(အောက်တိုဘာ၁၄) ထုတ်ပြန်သည်။

မကွေးတိုင်း ထီးလင်းမြို့နယ် ဇီးတောရွာနှင့် ထိန်တိုင်းရွာမှ ပျူစောထီး အယောက် ၃၀သည် လက်လုပ်သေနတ် တူမီး ၂၅လက်လာရောက်အပ်နှံပြီး ယနေ့ နံနက်တွင် ပြည်သူနှင့်အတူ ပူးပေါင်းလာကြောင်း YDFက ထုတ်ပြန် သည်။

ထိုသို့ လက်နက်လာရောက်အပ်နှံသူများကို YDF ချမှတ်သော စည်းကမ်းချက်နှင့် ကတိကဝတ်များခံယူစေခဲ့ကြောင်း ဖော်ပြထားသည်။