ရွှေဘိုပြည်သူ့ကာကွယ်ရေးအဖွဲ့ SMATH(သိမ်းငှက်)နှင့် Burmese Dragon Force ( BDF)အဖွဲ့တို့မဟာမိတ်အဖြစ်ပူးပေါင်း၍ အောက်တိုဘာ၁၃ ရက်တွင်
ရွှေဘိုမြို့မှကျောက်မြောင်းမြို့သို့ဖြတ်သန်းသွားသောစစ်ကောင်စီကားတစ်စီးကို တအုံနှင့်အုံးပေါက်ကြားတွင်မိုင်းဆွဲတိုက်ခိုက်ခဲ့ကြောင်း SMATH(သိမ်းငှက်)ကသတင်းထုတ်ပြန်သည်။
ယမန်နေ့ညနေက မိုင်းဆွဲတိုက်ခိုက်မှုတွင် သေဆုံးမှုစာရင်းကိုမှု အတည်မပြုနိုင်သေးကြောင်းလည်းပါရှိသည်။တိုက်ခိုက်မှုတွင် ပြည်သူ့ကာကွယ်ရေးအဖွဲ့များအနေဖြင့်အန္တရာယ် ကင်းစွာပြန်လည်ဆုတ်ခွာနိုင်ခဲ့သည်ဟုလည်းဆိုသည်။
ထိုအပြင် ဘုရားဖူးကားများအနေဖြင့်လည်း မှန်ချမောင်းနှင်ခြင်း၊အလံဖြူထောင်သွားခြင်းများပြုလုပ်ကြရန်အထူးမေတ္တာရပ်ခံအပ်ပါသည်ဟုလည်း ပါရှိသည်။
အကြမ်းဖက်စစ်ကောင်စီယာဥ်တန်းများနှင့်ကပ်လျက်သွားလာခြင်းများရှောင်ရှားကြရန်လည်း အသိပေးထားသည်။ ရွှေဘို လမ်းကြောင်းတွင် ယခုလပိုင်းအတွင်း မဟာမြိုင်ဆရာတော်ထံသွားရောက်ဖူးမျှော်သောအနယ်နယ်အရပ်ရပ်မှ ဘုရားဖူးကားများအလွန်များပြားနေသဖြင့် ပြည်သူ့ကာကွယ်ရေးတပ်များက အကြမ်းဖက်စစ်ကောင်စီယာဥ်နှင့် ယာဥ်တန်းများကိုတိုက်ခိုက်ရာတွင် မထိခိုက်စေရန် ပြည်သူ့ကာကွယ်ရေးတပ်များက အကြိမ်ကြိမ်သတိပေးနေခြင်းဖြစ်သည်။
Public Service Announcement
