စစ်ကိုင်းတိုင်း ရွှေဘိုခရိုင် ခင်ဦးမြို့နယ်တွင် စစ်ကြောင်းထိုးလာသော တပ်သားအင်အား ၁၀၀ခန့်အား ခင်ဦး PDFနှင့် နယ်မြေခံကာကွယ်ရေးတပ်ဖွဲ့ ပူးပေါင်း၍ ပြောက်ကျားမိုင်းဆွဲတိုက်ခိုက်ခဲ့ကြောင်း ဒေသခံများက ပြောသည်။
ယနေ့ (အောက်တိုဘာလ ၁၅ရက်) နံနက် ၇ နာရီခန့်က ခင်ဦးမြို့နယ် မုံတောရွာအနီး ခြေလျင်ဆင်းလာသည့် စစ်ကောင်စီတပ်သားများအား မိုင်းဆွဲတိုက်ခိုက်ခဲ့ခြင်းဖြစ်ပြီး စစ်ကောင်စီတပ်သား ၁၂ဦးခန့်သေဆုံးနိုင်ကြောင်း ရွှေဘိုမိုးကြိုးမုန်တိုင်းအဖွဲ့က အသိပေးထားသည်။
စစ်သားများမိုင်းမိပြီးနောက် ကျေးရွာများအတွင်းသို့ ဝင်ရောက်ပစ်ခတ်ခြင်း၊ ဖမ်းဆီးခြင်းများ ပြုလုပ်နေ၍ ဒေသခံပြည်သူများထွက်ပြေးနေရကြောင်းလည်း ဒေသခံများက ပြောသည်။
ခင်ဦးမြို့နယ်သို့ စစ်ကြောင်းထိုးလာသော စစ်ကောင်စီတပ်အင်အား ၁၀၀ ခန့်အား KUPDF နှင့်နယ်မြေခံကာကွယ်ရေးတပ်ဖွဲ့ ပူးပေါင်း၍ ပျောက်ကြားမိုင်းဆွဲတိုက်ခိုက်မှုပြုလုပ်ခဲ့ပြီး မြို့နယ်အနောက်ခြမ်း အတွင်းရှိကျေးရွာနေပြည်သူများထွက်ပြေးတိမ်းရှောင်နေကြရပါသဖြင့် နယ်မြေအသီးသီးရှိကာကွယ်ရေးတပ်ဖွဲ့များအနေဖြင့်လှုပ်ရှားမှု ပြုလုပ်ပေးကြရန် တောင်းဆိုထားသည်။
Public Service Announcement
ခရီးသွား ပြည်သူများအနေဖြင့်လည်း ခင်ဦး- ရေဦးလမ်း၊ ရွှေဘို-ညောင်ပင်သာ- ရေဦးလမ်းပိုင်းသို့ သွားလာခြင်းမပြုကြရန်လည်း အသိပေးမေတ္တာရပ်ခံထားသည်။
